Isai 63:18 - Bible azumeina

¹⁸ Ami mang suma yed’etna ami kagami yam ambasa ni hina ndjö. Mami suma djangûna a miret yi mang ma a tinim iram vama kä kaseziya.

Isai 63:18 Iomraidhean Croise

Sawal la giled’a 79:1

Ni sawal la gile d’a Asaf mi hlata. Alo mamina, andjaf suma dingâ a kal wa kur ambas manga, a mbut wa gong mang nga kud’ora ndjendjed’a, a b’lak wa Jerusalem mbei kakazeî mi.

Isai 62:12

A mba yagi ala Suma a tinizi irazi vazina, a mba yagi ala Suma Ma didina mi tchuguzi akulona. Ndak Jerusalem, a mba yak ala Azì ma ngol ma a aram mbeina d’uo d’a, wani a mba yak ala Ta a le kat heîd’a.

Isai 63:19

Ami lami biza d’a ablaud’a ni d’igi suma ang te nga kazi yang tu d’uo na na, d’igi suma a yazi nga ki simiyêng yazi tu d’uo na na mi! Wani ladjï ang haû nakulod’a woyo, ladjï ang tchugï naseng kä ni, ahuniyôna a giget wa avorongû!

Isai 64:10

Gong mami d’a kud’or ra a tinit irat vat ta subur ra abuyomi ngolo a gileng kuad’a, ti mbut wa vama a ngalam kakud’ina, ahle suma ami lami kazi heîna a b’lak wa woi mi.

Isai 64:9

Azì mang ma nglo ma a tinim iram vama mi mbut wa fulâ, Siyon ti mbut wa fulâ mi. Jerusalem ti ar wa samba agra mi.

Jeremi 12:10

Suma pola ablaud’a a b’lagan asine man ma guguzlud’a, a mired’em kä kaseziya, a mbud’un asine man ma an hurun vun heîna hur ful ma va nga kua d’uo na.

Hor ma tchina 1:10

Ma kus katna mi mat abom mi yo ahle suma djivi suma kal tegles suma ndat nga ki na pet. Ti we andjaf suma ang d’elezi á kal aduk tok mangina, a kal kur gong mat ta a tinit irat vata mi.

Hor ma tchina 4:1

Alë! Ni nana ba, lora nga d’i wile d’uo ge? Ni nana ba, lor ra bei zozota ba d’a nga d’i ngal wiwilik kuo ge? Ahina d’a a min ki gong nga a tinit irat vata, ti b’rau wa woi ir palumba teteng mi.

Daniel 8:13

An hum malaikana tu mi de zlad’a. Malaika ma dingâ mi djobom ala: Vama nde tam mbei yam vama ngat buzu ma burâ ki burîna, yam tchod’a hi ma b’lak yina, yam miret ta a mba miret gong nga kud’ora hAlonid’a ki azigar suma akulona kä d’a, a mba mba ni mindja ge?

Daniel 8:24

Sib’ik mamba mba d’i i avogovogo, wani nga ni kad’eng mamba tata d’i. Mba mi b’lak ahlena b’lak ka atchapa, mba mi i gak mi dap suma sib’ika ki suma a tinizi irazi vazina tazid’a woi mi.

Sunda hi suma hi Levi-nid’a 26:31

An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.

Amos 7:9

An mba ni b’lak yima ndingâ handjafâ hi Isa’â woyo, an mba ni b’lak gongîyo suma kud’ora hi Israel-lîna woyo, an mba ni ngop suma hi Jerobowam-ma kayî ma durâ mi.

Matiye 24:2

Wani Jesus mi hulong dazi ala: Agi wagi nga ahle ndazina pet tuo? Gagazi, an nga ni dagiya, ahina d’a a mba arat akulo yam ndrat ahinad’a bei hôt kä woid’a nga d’i.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Gat ta a hat á mbàd’id’a 26:19

Mi min ala agi kagagi ni suma avo’â yam andjaf suma pet suma mi lazina, kur subura, kur simi ma yid’a, kur ndak ka memeta mi. Mi min ala agi kagagi ni sum mam suma mi tinigi iragi vagi yam sun mamba d’igi mam dagi na.

Gat ta a hat á mbàd’id’a 7:6

Kayam agi ni suma a tinigi iragi vagi mi Ma didina Alo maginina. Mi managi ni kayambala agi kagagi ni sum mama tazid’a aduk suma yam andagad’a ka hina ped’u d’a.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

Vama ndum mbeina 11:2

Wani ang ar yima huyok gong nga kud’ora hAlonid’a bei ngad’a, kayam a humî mi suma bei wAlona. Azi mba miret azì ma ngolâ hAlonina kä kasezi gak tilâ dok fid’i yam mbà.