Isai 63:16 - Bible azumeina

¹⁶ Kayam angî Abumiya. Abraham mi wami nga d’i, Israel ko mi wami nga d’ala ami ni na d’a d’uo mi. Ni ang Ma didina tu ba, nAbumiya, ni ang ma yang kad’u tinda dedei ala Mami ma sutä na.

Isai 63:16 Iomraidhean Croise

1 Sunda Hamuleinid’a 29:10

David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin.

Wana ni mbaktumba hi Job-pa 14:21

Le a nga he ngola mi groma ni, mam nga mi we d’i; le a nga hulongôzi yazi kä ni, va ndolom nga d’i.

Buzuk ka Abud’a 4:22

Ang i de mi Faron ala: Ma didina mi dala: Israel ni gorona, ni goron ma ngolâ.

Ma tchi wala 9:5

Kayam ndata, suma a nga ki irazina a wala azi mba bo, wani suma matna a we nga va d’i. Wurak nga kazi d’i, kayam a mar kazi woi da’.

Isai 1:2

Ndak akulod’a, ndak huma, ndak andagad’a, ndak tin humak hum mi, kayam Ma didina nga mi de zlad’a. Mi dala: An ngom gugureina, an wuluzi a djeng nglod’a, Wani a tchol huneîd’a ki sed’enu.

Isai 29:22

Kayam ndata, Ma didina Alona hi suma hi Jakob-ma ma mi sut Abraham mbeina mi dala: Ki tchetchemba, suma hi Jakob-ma zulona mba mi lazi d’i, tazi mba d’i tchuk susub’ok kuo mi.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 41:8

Ma didina mi de kua ala: Agi Israel-lâ azungeî mana, agi suma hi Jakob ma an manama, agi andjafâ hi banana Abraham-ma,

Isai 43:14

Ma didin ma tin tam irat vat yam Israel-lâ ma wurak kagina mi dala: Ni kayam agi ba, an sunï sana á dur ki Babilon. An mba ni tchuk suma pet suma a nga ringâ kä woi kur alumba, an mba ni tchuk suma Kalde suma a nga le furîd’a kur alum mazid’ina kä woi mi.

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

Isai 45:11

Ma didin ma tin tam irat vat yam Israel ma mi minima mi dala: Na ni sana ndak á djobon yam vama nga mbana, d’oze mi han vuna yam grona ki sun nda an lat kabonda mi zu?

Isai 51:2

Agi gologi abugi ngolo Abraham azi ki Sara d’a vud’ugid’a. Ata yima mam mi vam tuna, an yumu, an b’e vunan kamu, an zulum andjavam mi.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Isai 60:16

Andjaf suma kamulei mazina a mba wulugu. Ata yi máma ndak mba d’i wala an Ma didina ni ma sud’u’â, an ni ma sib’ika hi Jakob-ma, an ni ma wurak ka’â mi.

Isai 63:12

Mam ma mi tit yam bik ka ndjufa hi Moise-sa ki sib’ik mambina mi nga ni lara ge? Ni mam ma wal mbina woi aduk mbà avorozi tala simiyêm mi yi gak didinu d’a.

Isai 64:7

Wani Ma didina, angî Abumiya. Ami ni lubu ma ab’lorina, angî ma minimina, ami pet ni sun nda ang lat kabonga.

Isai 64:8

Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Jeremi 3:19

An Ma didina ni dala: Ni nana ba, an min tchugugi aduk grona, ni hagi ambas sa djivid’a, ni hagi djo ma djivi ma kal teglesâ aduk suma kur duniyad’ina ge? An djib’er ala agi mba yan ala Abugiya, agi mba walagi woi ki sed’en nduo.

Jeremi 3:23

Gagazi, siwel la nga d’i siwel yam yima ndingâ kahuniyô suma fuyogeinid’a ni zla d’a hawa yaka. Gagazi, suta hi Israel-lîd’a ti tcholï natang ang Ma didina Alo mamina.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Malatchi 2:10

Na ni ei pet abui ni tu d’uo zu? NAlo ma tu máma ba, mi lei d’uo zu? Ni yam me ba, ei nga mbud’i ir tei á b’lak vun ma djin ma Alona djinim kabuyoina ge?

Matiye 6:9

Agi tchenegi ni na: Abumi ma sä akulona, ar suma pet a suburung simiyêngû.

Jean 8:41

Agi nga lagi ni sunda habugid’a. Kayam ndata, azi dum ala: Vud’umi nga kur mizeuna d’i, Abumi ni tu, nAlona.

Gat ta a hat á mbàd’id’a 14:1

Moise mi de kua ala: Agi ni Ma didina Alo magina groma, agi ngad’agi tagi kahle suma sïna d’oze welegi yagi woi yam mat ma tchid’a d’i.

Gat ta a hat á mbàd’id’a 32:6

Agi suma lilid’a, agi suma bei wad’ud’a, ni hina ba, agi tid’igi avok Ma didina zu? Mi nga nabugi ma lagina d’uo zu? Ni mam ba, mi lagi mi siragi mi d’uo zu?