Isai 63:1 - Bible azumeina

¹ Ni nge ba, mi tcholï Edom kur azì ma ngol ma Bosra-na ki baru d’a hleud’a ki baru d’a wiled’a atam nga mi tit ki subur tad’a kad’engêm pet na ge? Ni an Ma didin ma nga ni de zla d’a gagazid’ina, ni an ma nga kad’enga á sut sumina.

Isai 63:1 Iomraidhean Croise

Ad’u Tinda 36:33

Bela mi mid’a; Jobap Zera ma Bosra-na goroma, mi vrak tamula blangâmu.

Ad’u Tinda 49:11

Ni ma koro mama nga djinda ata guguzlud’ina; gor koro mama nga djinda ata abuwatna. Mi nga mi mbus baru mama kä aduk süm guguzlud’a, mi nga mi mbus baru mam mba ngola kä aduk mbiyo vut guguzlu d’a hleud’a d’igi buzuna na d’a.

1 Sunda Hamuleinid’a 1:44

Bela mi mid’a; Jobap Zera ma Bosra-na goroma mi vrak tamula blangâmu.

Sawal la giled’a 108:13

Ang mbeï ndjunumiya, ang dur mami suma djangûna, kayam ndjunda hi sanid’a ndak va d’i.

Sawal la giled’a 137:7

Ma didina, ang djib’er yam suma Edom suma kur bur ma a b’lak Jerusalem-ma a dala: Tot kä woyo! Tot kä woi gak ad’ut ta ged’a na.

Sawal la giled’a 65:6

Alo man ma suta, kayam d’ingêr manga ang nga hulongômi humba nata ahle suma atchapma. Ni ang tu ba, suma yam andagad’ina pet ki suma avun dabid’a halum ma ngolîna, a tin huruzi ni kangû.

Sawal la kal teglesa 3:6

Ti dala: Ni nge mi djï hur fulâ d’igi andos ma pat akulona na, d’igi hisâ hi mirâ ki mbul ma his ma afufuî ma lara ge ma hi suma mbut abozina na ge?

Sawal la kal teglesa 6:10

Ni nge ndata ba, ti ndei d’igi yima fod’a na, ti djifâ d’igi tilâ na, ti wile d’igi afata na, ti ni vama mandarâ d’igi azigar suma a nga tok ad’u drapo mazid’ina na ge?

Sawal la kal teglesa 8:5

Ni nge ndata ba, ti djï hur fulâ, ti deng tat ata mat ma ndat le kam heîna na ge? Ti dala: An zlid’ing akulo ad’u agu poma ata yima asung ngi vang wiring kuana, ata yima ti vud’ung kuana mi.

Isai 11:14

Azi djak a mba nde yam suma Filistê-na abo ma fladegena, a mba hurum ahlena hi suma abo ma yorogonina, a mba kus yam suma Edom-ma ki suma Mowap-ma, suma Amon-na a mba hulong yazi kä ad’uzi mi.

Isai 34:1

Agi andjaf suma, agi hud’ï go á humba agi suma, agi tinigi humagiya. Ar andagad’a kahle suma kurutna pet a huma, ar duniyad’a kahle suma a nga kurutna pet a hum mi.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 42:3

Mba mi kus tchereu ma mi lá kusina woi d’i, miyâ d’a nga d’i d’usa, mba mi tchat tei d’i, mba mi ka sariya d’a gagazid’a mi.

Isai 45:19

An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Isai 45:23

An nga ni gun tan ki an tanda. Zla d’a ndavunda ni zla d’a irata. An mba djok vunan ndi. Suma pet a mba tchuk guguvazi kä avoronu, suma pet a mba gun tazi ki simiyên mi.

Isai 9:5

Kayam mba d’i vud’i gorâ, Alona mba mi hei gorâ. Mba mi tinim á te yamba, mba mi yum ala Ma suma a le atchap kama, Ma de d’alâ, Alo ma ad’engêm kal petna, Abu d’a didinda, Amulâ hi halasina.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 48:24

yam Keriyot, yam Bosra, yam azì ma nglo ma lara ge ma kur ambas sa Mowap-pa ma sä dedeina ki ma gogona mi.

Jeremi 49:13

An Ma didina, ni gun tan ki an tanda ala azì magi ma ngol ma Bosra-na mba mi mbut ni vama hohoud’a, vama ngula, vama b’laka ki vama ge vuna. Azì mam ma nglo ma nguyuma pet mba mi b’la’î b’lak ka didinda.

Ezekiyel 25:12

Salad’a Ma didina mi dala: Suma Edom-ma a sä atchugul la tchod’a ki suma Juda-na. Ni kayam ndata ba, zlad’a nga kazi ndak á hlatchugula ki sed’eziya.

Ezekiyel 35:1

Ma didina mi dan ala:

Ezekiyel 38:17

Salad’a Ma didina mi dang kua ala: Angî ma an de zlad’a kang adjeu dei avun azungeî man suma djok vun suma Israel-lîna d’uo zu? Bizad’a ki bizad’a a nga djok vuna kang ala ang mba mba á dur ayîna ki sum mana mi d’uo zu?

Abdiyas 1:1

Wana ni vama Salad’a Ma didina mi ndum mbei mi Abdiyas yam zla d’a mi dat mi suma Edom-mid’a: Ami humumi zlad’a tcholï ata Ma didina; mi sun sana aduk andjaf suma, mi dala: Agi tchologi akulo, ei i ndeï suma Edom-ma durâ.

Abdiyas 1:9

Agi suma Teman-na, mandarâ mba mi ve grang magi suma durâ, azigar suma kur ambasina pet, a mba tchazi woi mi.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Malatchi 1:2

Ma didina mi dagi ala: An le kagi heî, wani agi hulong dum ala: Ang le kami ni ki me ge? Ma didina mi hulong dagi ala: Esau ni Jakob wiyema d’uo zu? Hina pî, an le yam Jakob,

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Matiye 21:10

Kid’a Jesus mi kal avo Jerusalem-mba, suma hurazina pet a mbut huwal. A dala: Ni nge máma na ge?

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

Vama ndum mbeina 19:13

Mi tchuk baru d’a fiyak ka ti tib’ak ki buzunid’a atamu. A yum ala Zlad’a hAlonid’a.