Isai 62:5 - Bible azumeina

⁵ D’igi gor azongâ mi ve gor weid’a na, hina mi, gro’â a mba mbut ni d’igi ndjuvuk na, d’igi gor weid’a a teleta ti ni furîd’a hi ndjuvut ma mi teletna na, hina mi, ndak mba d’i mbut ni furîd’a hAlo ma’îd’a mi.

Isai 62:5 Iomraidhean Croise

Sawal la kal teglesa 3:11

Agi yugunei suma Siyon-na, agi buzugugi woi abu gologi amulâ Salomon, kavaval la asum tinimzi kam kur bur mam ma telina. Ni bur ma hurum oîd’a ki furîd’ina.

Sawal la kal teglesa 4:8

Amanda, ndak tcholï Liban mbeï iya, ndak tcholï Liban mbeï iya, ndak ar ahina d’a Amana-d’a, ndak ar ahina d’a Senir-ra ki d’a Hermon-nda, ndak ar domina hazlonina woyo, ndak ar ahina d’a sindilâ mi nga kua ndata woi mi.

Isai 62:4

A mba yak ala Ta a digit teid’a d’uo d’a, a mba yandaga maka ala Ta a arat teid’a d’uo mi, wani a mba yak ala Ta an hurun vat heîd’a, a mba yandaga maka ala Ta a teleta, kayam Ma didina tam lum djivid’a kagu, andaga maka mba d’i ve ndjufâ.

Isai 65:19

An mba ni mbut Jerusalem hur man ma hapma, sum mana ni furî manda mi. A mba hum siwela hi tchina d’oze wulula kurut tuo mi.

Jeremi 32:41

Tan mba d’i lan djivid’a á lazi djivid’a, an mba ni kagazi kur ambas sa wanda ki hurun tu ki muzugan tu mi.

Wana ni mbaktumba hi Oze-d’a 2:19

An mba ni tchi simiyê Bäl lei avunat tala ti djib’er yam simiyê alo ma teteng máma d’uo d’angû d’a.

Wana ni mbaktumba hi Oze-d’a 2:21

An mba ni arî ma d’umu’â ki iran fafat, an mba ni arî ma d’umuk ki gagazid’a ki d’ingêra ki sumad’a ki we hohoud’ina mi.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Malatchi 3:12

Ata yi máma andjaf suma pet a mba dagi ala: Agi lagi furîd’a, kayam ambas magid’a mba d’i mbut nambas sa duzîd’a. An Ma didin ma ad’engên kal petna ni de na.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.