Isai 62:2 - Bible azumeina

² Ata yi máma andjaf suma a mba we sut ta Ma didina mi sud’uka, amuleina pet a mba we subur maka, a mba yak ki simi ma awili ma Ma didina mba mi yakina.

Isai 62:2 Iomraidhean Croise

Ad’u Tinda 17:15

Alona mi de mi Abraham kua ala: Ang dok yi amanga ala Sarai d’uo d’a, wani ang yat ala Sara.

Ad’u Tinda 17:5

Suma a dok yang ala Abram mbuo d’a, wani a mba yang ala Abraham, kayam an mba ni mbud’ung andjaf suma ablauna abuziya.

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

Sawal la giled’a 98:2

Ma didina mi nde sut mamba woyo, mi tak d’ingêr mamba woi ir andjaf suma.

Isai 1:26

An mba ni hulong tin mang suma ka sariyad’a d’igi suma adjeuna na, an mba ni tin mang suma de d’alâ d’igi suma avo’â na mi. Bugola, a mba yang ala Azì ma ngol ma d’ingêrâ, Azì ma ngol ma d’engzengâ mi.

Isai 26:2

Ar agi malagi vun agre’â woyo, agi aragi andjaf suma d’ingêr suma d’engzengâ a tchuk avo.

Isai 43:7

Agi mbeyegï ki suma pet suma a nga yan simiyêna, suma pet suma an lazina, suma an tchuguzina, suma an minizi á tagan subur manda woina mi.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Isai 56:5

An mba ni b’irizi simiyêzi kur gulumuna hi gong man nda kud’orina an mba ni yazi ki simi ma djivi ma kal simina hi gro andjofâ ki ma hi gro aropmina, an mba ni tinizi simi ma didin ma bei tchum mbei ba na mi.

Isai 60:11

Vun agrek ma’â mba mi arî mala woi burâ ki burâ, sa mba mi dugum falei d’oze andjege d’i, kayam andjaf suma a fe lovota á kal ki ndjondjoî mazid’a avo hatagu, amulei mazina ki suma ad’uzina mi.

Isai 60:16

Andjaf suma kamulei mazina a mba wulugu. Ata yi máma ndak mba d’i wala an Ma didina ni ma sud’u’â, an ni ma sib’ika hi Jakob-ma, an ni ma wurak ka’â mi.

Isai 61:11

Salad’a Ma didina mba mi deî suta ki giled’a avok andjaf suma pet d’igi andagad’a nga d’i deî ahlena na, d’igi asinena nga mi deî awu ma a nga zaramzi huruma na mi.

Isai 61:9

A mba wazi andjavazi aduk suma, a mba wazi grozi ngolona aduk suma mi. Suma pet suma a mba wazina a mba wala azi nandjaf ma Ma didina mi b’e vunam kama.

Isai 62:12

A mba yagi ala Suma a tinizi irazi vazina, a mba yagi ala Suma Ma didina mi tchuguzi akulona. Ndak Jerusalem, a mba yak ala Azì ma ngol ma a aram mbeina d’uo d’a, wani a mba yak ala Ta a le kat heîd’a.

Isai 62:4

A mba yak ala Ta a digit teid’a d’uo d’a, a mba yandaga maka ala Ta a arat teid’a d’uo mi, wani a mba yak ala Ta an hurun vat heîd’a, a mba yandaga maka ala Ta a teleta, kayam Ma didina tam lum djivid’a kagu, andaga maka mba d’i ve ndjufâ.

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Isai 66:11

Hina wani, agi mba hobogi ki b’leng hur ma ndat ti b’lengêgizina d’igi gogor ma asum mbi hum apona mi tchum ki furîd’a adigatna na.

Isai 66:12

Ma didina mi dala: Gola! An mba ni djang b’leng nga halasa kur Jerusalem d’igi aluma na, an mba ni hat subura handjaf sumid’a d’igi alum ma mi kus seina na. Agi mba tchagi ambir mata, ti mba d’i hlagi akulo ahlabad’u, ti mba d’i sad’agi tagi sasat mi.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Jeremi 33:16

Kur bur máma mba mi sut suma Juda-na. Suma Jerusalem-ma a mba kak ki halasa, a mba yi Jerusalem ala Ma didina ni d’ingêr meid’a.

Jeremi 33:9

Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.

Mise 5:8

Ang hlabong akulo yam mang suma djangûna, ar ang kizagazi woi pet!

Sunda hi suma a sunuzinid’a 11:26

Kid’a mi fumba, mi mba ki sed’em Antiyos. A nga tok ki suma toka teteu gak bizad’a tu, a nga hat suma ablaud’a kur Antiyos. Ni kur bur máma ba, a tin ad’ud’a á yi suma hata ala Kretiyêna.

Sunda hi suma a sunuzinid’a 26:23

Azi dala: Mesi mba mi fe ndaka, mba mi tchol akulo avok kikidji aduk suma matna, mba mi tchi wala yam b’od’a mi Juif-fâ kandjaf suma dingâ mi.

Sunda hi suma a sunuzinid’a 9:15

Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

Kolos-sâ 1:23

Wani mbeî agi kagagi ngingring kur he gagazid’a, bei gigeta ba yam hur magi ma tinda yam Zla d’a Djivi d’a agi humuta. Ni Zla d’a Djivi d’a tchat walat tei yam andagad’a peta. Kayam ndata, an Paul ni mbut azong ma sunda kad’u.

Vama ndum mbeina 2:17

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba ni hazi man ma nga ngeid’ina. An mba ni he nge nge pî adigazi ahina d’a hap pa a b’ir nga simi ma awilina kuad’a. Ni d’a sama ding ndak á wat tuo d’a, ni sama vatna hola.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.