Isai 62:11 - Bible azumeina

¹¹ Gola! Ma didina nga mi de zla ndata woi yam andagad’a pet ala: Agi dagi mi suma Siyon-na ala: Gola! Magi ma suta nga mi djï ki wurak mamba abomu. Gola! Wurak ka yam sun mambid’a nga abom mi.

Isai 62:11 Iomraidhean Croise

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Isai 17:10

Agi Israel-lâ, agi maragi yam Alo ma sud’ugina, agi djib’eregi nga yam ahina magi d’a ad’enga d’i. Kayam ndata, agi pagi nagu ma agi tinigi hurugi kama, agi pagi nandjaf guguzlud’a hi suma dingîd’a.

Isai 42:10

Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.

Isai 46:13

An nga ni hud’ï d’ingêr manda, ti nga dei d’i. An nga ni le lilinga ki sut manda d’uo mi. An nga ni mba ki suta kur Siyon, an nga ni mba ki subur manda yam Israel-lâ mi.

Isai 48:20

Agi buzugugi woi avo Babilon, agi ringîgi woi aduk suma Kalde-na. Agi dagi woi ki delegi akulo ki aîd’a, agi tchagi wal zla ndata woyo, agi dagizi zlat teyo, dagizi zlat tei avun dabid’a handagad’id’a, agi dagi ala: Ma didina mi wurak wa yam azungeî mam suma hi Jakob-ma.

Isai 49:4

Wani an dala: An kau tan ni hawa; ni hawa hina yak ba, an nga ni dap ad’engên ndeyo; doli wani zla manda nabo Ma didina, wurak manda nabo Alo mana mi.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Isai 51:5

D’ingêr manda ti mba go, sut manda nga d’i nde woyo. An mba ni ka sariyad’a kad’eng manda. Suma a nga kaka yam tilina a mba tin huruzi kanu, a mba deng tazi yam ad’eng manda mi.

Isai 59:20

Ma didina mi dala: Ma wurak yam suma nga mi djï kur Siyon yam suma hi Jakob suma a ar tcho mazid’a woina.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Matiye 21:5

Agi dagi mi suma kur azì ma Siyon-na ala: Gola! Amul magina nga mi djïya. Ni ma lulumana, mi nga nga yam korod’a, ki koro ma gorâ, nala, korod’a gorotna d’a.

Marik 16:15

Bugola, mi dazi ala: Agi igi yam andagad’a pet, agi tchagi wal Zla d’a Djivid’a mi suma pet.

Jean 12:15

Agi suma Siyon-na, agi lagi mandar ri. Gola! Amul magina nga mi djïya, mi nga kak kä yam gor korona.

Gat ta a hat á mbàd’id’a 30:4

Le a igi navun dabid’a handagad’id’a pî, Ma didina Alo magina mba mi halagi kua, mba mi togogi ata yima tuna.

Vama ndum mbeina 22:12

Jesus mi dala: Agi humugiya! An nga ni mba ka tchetchem ki wurak manda abon á he mi nge nge pî yam sun mam mba mi lata.