Isai 61:7 - Bible azumeina

⁷ Yam zulo ma lagina a mba wuragagi ahlena mbàmbà, agi mba lagi furîd’a balum mang nga a mangâgi woid’a. A mba wuragagi ahlena mbàmbà kur ambas magid’a; furî d’a didinda ti mba d’i arî magid’a.

Isai 61:7 Iomraidhean Croise

2 Amuleina 2:9

Kid’a azi djak sä woi abo hî d’a, Elie mi de mi Elise ala: Ang tchenen vama ang min an langzina avok ka bei Ma didina mi walan ki sed’enga. Elise mi hulong dum ala: An min ala ang han ni muzuk mang ma djok vuna yang mbà.

Wana ni mbaktumba hi Job-pa 42:10

Bugol la Job mi tchen yam buniyôma tchenda, Ma didina mi hulongôm tinda kur djivi mam mba adjeud’a. Mi hulong mi hum ahlena yam ahle suma mam nga ki sed’ezi adjeu suma a ba woina kam kua mbàmbà.

Sawal la giled’a 126:5

Suma a nga zar ki simina irazina, a mba ze ki sawal la furîd’a.

Sawal la giled’a 16:11

Ang mba tagan lovot ta i kur arid’id’a; furî d’a ngola sä navorongû, zlezleû d’a bei dabid’a nga ni yam bigang nga ndjufa.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 51:11

Ni hina ba, suma Ma didina mi prud’uzi woina, a mba hulongîya, a mba mba kur Siyon ki sawal la bangâna. Furî d’a didinda mba d’i mbut navaval la kazid’a, a mba le hur ma hapma ki furîd’a. Hur ma wurana ki zam tad’a a mba kal lei mi.

Isai 54:4

Ndak le mandar ri, kayam ndak mba d’i mbut zulona d’i; ndak tchuk susub’ok ki, kayam sa mba mi mangâk kei d’i. Wani ndak mba d’i mar rei yam zulo mak ma lak ki gogoro’â, ndak mba d’i djib’er yam zulo mak ma kur modono makina d’uo mi.

Isai 60:15

Gagazi, a arak keyo, a noyôk kei mi. Sa nga mi kal avo hatak ki. Wani ki tchetchemba, an nga ni mbud’uk vama subura burâ ki burâ, an nga ni mbud’uk vama furîd’a kur atchogoi d’a lara ge pet mi.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 65:13

Kayam ndata, an Salad’a Ma didina nga ni dagiya: Gola! Man suma d’engzengâ a mba te, wani agi meid’a mba d’i tchagiya. Gola! Azungeî man suma d’engzengâ a mba tche, wani agi vunagi mba mi so. Azungeî man suma d’engzengâ a mba le furîd’a, wani agi zulona mba mi lagi mi.

Sofoni 3:19

Kur atchogoi ndata, an mba ni tchol ni ngop suma a nga lagi ndakina, an mba ni sut suma dileîd’a, an mba ni togï suma a digizi woina mi, an mba ni mbud’uzi ni vama giled’a, an mba ni mbud’uzi vama simiyêm mi yi yam andaga d’a lara ge d’a azi nga kur zulona kuad’a.

Zakari 8:12

An mba ni mba ki b’leng nga halasa yam andagad’a, guguzlud’a mba d’i vud’a, andagad’a mba d’i wul awuna, akulod’a mba d’i salona ngola, an mba ni le djivi ndata mi man suma a mba arâ.

Zakari 9:12

Agi suma dangei suma nga ki hur ma tindina, agi hulongôgi kur azì ma ad’eng ma ngunguna. An nga ni dagi ini, an mba ni wuragagi yan mbà.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Gat ta a hat á mbàd’id’a 21:17

Wani mi he b’raud’a hi gor ma ngolîd’a mi gorom ma hamam mba mam nga mi le kat tuo d’a yam mbà, kayam gor máma nad’eng mam mba avoka, b’raud’a hi gor ma ngolîd’a ni mamba mi. Gor ma bei hum vuna

2 Tasaloni’â 2:16

Ar Saleina Jesus Christ tamba kAbui Alo ma mi le keina, mi b’lengeî huri b’leng nga didinda yam suma mamba ki tin hur ma djivina,