Isai 61:4 - Bible azumeina

⁴ A mba hulong min yima b’lak kei adjeuna akulo, a mba hulong tchol gongîyo suma to woi adjeu dedeina akulo, a mba min azì ma nglo ma b’lak kei kur atchogoi d’a dedeid’ina akulo mi.

Isai 61:4 Iomraidhean Croise

Esdras 9:9

Kayam ami ni magumeina, wani ang Alo mamina arami nga woi kur magomba d’i, ang wami wa hohowomi avok amulei suma Perse-na. Kayam ndata, azi arami lovota á min gong mang nga kud’ora, á minimi yima b’lak keina akulo, á fami yima kaka avo Jerusalem yam ambas sa Juda-d’a mi.

Sawal la giled’a 46:8

Ma didin ma ad’engêm kal petna mi nga ki sed’eya, Alona hi Jakob-ma ni yi mei ma ngeid’a. Tchol ndjö

Sawal la giled’a 74:3

Ang i gak ata yima mi b’lak kei dedeina. Ma djangûna mi b’lak wa yi mang ma a tinim iram vama woi kakazeî.

Isai 52:9

Ang yima teteng ma Jerusalem ma b’lak keina, ang er ad’ung akulo ki furîd’a, kayam Ma didina nga mi b’leng hur sum mama, nga mi wurak yam mam Israel-lâ mi.

Isai 58:12

Ni agi ba, mba hulong minigi yima adjeu ma b’lak keina, agi mba tchologi ad’u ge d’a kur atchogoi d’a kal lei dedeid’a akulo. A mba yagi ala: Suma a min ir gulumun ma dris seina, suma a min lovot ta gureid’ina, suma a hulong mbut ambasa djivid’a á kak kurutna.

Mise 7:11

Agi suma Jerusalem-ma, bur ma a mba djagagi gulumuna hazì magina akulona, a mba hulong wed’egi hagad’a handaga magid’id’a woyo.

Zakari 1:17

Malaikana mi dan kua ala: Ang tchi wal la dinga ala: Ma didin ma ad’engêm kal petna mi dala: Azì man ma nglona mba mi fe djivid’a, an mba ni man Jerusalem man nda dinga, an mba ni ndjun Siyon mi.