Isai 61:2 - Bible azumeina

² á tchi wala ala biza d’a Ma didina mba mi tak suma mamba woi yam bur ma sä atchugula hAlo meina, á b’leng hur suma pet suma ang yor tazina,

Isai 61:2 Iomraidhean Croise

Isai 1:24

Kayam ndata, Salad’a Ma didin ma ad’engêm kal pet ma ad’enga hi Israel-lîna mi dala: An mba ni ka ir zla manda ki man suma djangûna! An mba ni sä atchugulun ki man suma djangûna!

Isai 13:6

Agi yorogi tagiya, kayam burâ hi Ma didinina mi ar wa go, nga mi mba ni d’igi b’lak ka ti tcholï ata Ma ad’engêm kal petnid’a na.

Isai 2:12

Ma didin ma ad’engêm kal petna mi pat nga burâ tu. Kur bur máma mam mba mi hulong yam sama lara ma mi le yam ad’engina d’oze ma mi subur tama d’oze ma mi hle yam akulona kä.

Isai 25:8

Mba mi b’lak matna woi ki iram fafat. Salad’a Ma didina mba mi set sumina woi ir suma pet, mba mi b’lak ahle suma zulo suma a nga le sum mamina woi pet. Gagazi, Ma didina mi de na.

Isai 34:2

Kayam Ma didina hurum mi zal yam andjaf suma pet, hur mam ma zal ma gugulu’â mi nga yam azigar mazina mi. Mi nga hurum á dabazi woyo, mba mi tchimizi woi ngingidjip mi.

Isai 34:8

Kayam ni bur ma hlatchugula hi Ma didinina, ni biza d’a a wurak nge nge pî yam sun nda tcho d’a mi lat ki Siyon-ndid’a.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Isai 40:1

Alo magina mi dala: Agi b’lengêgi hur sum mana! Agi b’lengêgi hur sum mana!

Isai 49:8

Ma didina mi dala: Ata yima sumad’a an hulong dangû, kur bur ma suta an ndjunung mi. An mba ni ngomongû, an mba ni tining á djin vunang kandjaf suma á tchol ambasa akulo, á b’rau ahle suma djo suma kur ambas sa ar djonid’a,

Isai 51:12

Ma didina mi dala: Ni an ba ni b’lengêgi hurugiya. Angî nge ba, le mandara sama mba mi mitna d’oze sana gorom ma d’igi asuna na na ge?

Isai 57:18

An we sun mazi d’a led’a da’, wani an mba ni sud’uziya, an mba ni ndjunuziya, an mba ni b’lengêzi huruzi zlapa ki suma a nga yor tazi ki sed’ezina mi.

Isai 58:5

Ni d’el tad’a sana mi mbut tam hohoud’a hina d’a ba, an minit tchu? D’oze mi hom yam kä d’igi tchereuna na, mi tchuk baru d’a dodora atamu, mi bur kä aduk butna. Ni hina ba, agi mba yat ala ni d’el ta d’a bei te tena d’a bur tu an Ma didina tan lan djivid’a heî kata zu?

Isai 60:10

Ma didina mi dala: Andjaf suma dingâ grozina a mba hulong á minik gulumun ma’â akulo, amulei mazina a mba lak sunda, kayam kur hur man ma zala an togu, wani yam djivi manda an nga ni wak hohowogu.

Isai 66:14

Agi mba wahle ndazina, agi mba lagi furîd’a kaziya, asogogi mba mi hulong fad’enga d’igi asuna na. Ma didina mba mi tak ad’eng mamba woi mazungeî mama, wani mba mi tak ayî mam ma bibiliuna woi mi mam suma djangûna.

Jeremi 31:13

Ata yi máma yuguneina a mba buzuk ndjongâ ki furîd’a, gro azungeîna ki momorogeina a mba le na mi. Ma didina mi dala: Yor ta mazid’a, an mba ni mbud’ut aîd’a, an mba ni b’lengêzi huruziya, an mba ni vragazi hur ma hapma balum hur mazi ma wurana.

Jeremi 46:10

Wani bur máma ni burâ hi an Salad’a Ma didin ma ad’engên kal petna. Ni bur ma an mba ni sä atchugulun ki man suma djangûnina. Mbigeu d’a fiyaka mba d’i kizak suma gak ti ndak vat ndak, mba d’i tchazi buzuwazi mi, kayam an Salad’a Ma didin ma ad’engên kal petna, ni ngad’azi ni d’igi vama ngat buzuna na yam ambas sa abo ma norâ d’a avun alum ma Efrat-nid’a.

Mise 3:8

Wani an nga ni fad’enga kayam Muzu’â hi Ma didinina mi nga kurunu, mi han ve tad’a á ka sariya d’a d’ingêra, á tak suma hi Jakob-ma tchila mazid’a, á tak Israel-lâ tcho mazid’a mi.

Matiye 5:4

Suma a nga kur hur ma wuranina a le furîd’a, kayam Alona mba mi b’lengêzi huruziya.

Wana ni Zla d’a Djivi d’a Luc mi b’irita 4:19

á tchi wala ala biza d’a Ma didina mba mi tak suma mamba woid’a, ti mba wa da’.

Wana ni Zla d’a Djivi d’a Luc mi b’irita 6:21

Agi suma meid’a nga d’i tchagi ka tchetchema, agi lagi furîd’a kayam Alona mba mi hagi tena ngola. Agi suma nga tchigi ka tchetchema, agi lagi furîd’a kayam agi mba sanagiya.

2 Korente-na 6:2

Kayam Alona mi de kur mbaktum mamba ala: Ata yima suma manda nde woina, an humungû; kur bur ma suta an ndjunung mi. Gola! Ki tchetchemba, ni yima ir Alona djivid’ina; ini ni bur ma sana ndak á fe sutina.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.