Isai 61:11 - Bible azumeina

¹¹ Salad’a Ma didina mba mi deî suta ki giled’a avok andjaf suma pet d’igi andagad’a nga d’i deî ahlena na, d’igi asinena nga mi deî awu ma a nga zaramzi huruma na mi.

Isai 61:11 Iomraidhean Croise

Ad’u Tinda 1:11

Alona mi de kua ala: Ar asuna mi deî yam andagad’a, ar asuna mi le irâ ad’u andjavamu, ar agu ma lara ge pî mi vut andjavamu. A le hina mi.

Sawal la giled’a 72:16

Ambas mamba mba d’i wul awuna heî, agu ma yam ahuniyôna mba mi hô kä ki vuta d’igi agu ma Liban-na na. Suma a mba zul kur azina d’igi asuna nga mi zul na mi.

Sawal la giled’a 72:3

Ar ahuniyô suma Israel-lâ a mba ki duzîd’a, ar yi mat ma ndingâ mi zul ahlena yam d’ingêra.

Sawal la giled’a 85:11

O mam mba didinda ki gagazid’a a nga ngaf taziya, d’ingêra ki b’leng nga halasa a nga bet tazi kokok mi.

Sawal la kal teglesa 4:16

Ti dala: Ang simet ma abo ma norâ, ang tchol akulo, ang simet ma abo ma sutna, ang mbeya, ang sir yam asine mana, ar hisâ hi mbul ma afufuîna mi b’ik hisâ kä b’ib’ik! Ar ma an le kam heîna, mi kal kur asine mama, ar mi te vud’agu mam ma djivina!

Isai 4:2

Kur bur máma agu ma hud’ura hi Ma didinina mba mi deî mba mi mbut vama hud’a, vama subura mi. Ahle suma a vut yam andagad’ina, a mba wile ki djifâ yam Israel suma a arâ.

Isai 45:23

An nga ni gun tan ki an tanda. Zla d’a ndavunda ni zla d’a irata. An mba djok vunan ndi. Suma pet a mba tchuk guguvazi kä avoronu, suma pet a mba gun tazi ki simiyên mi.

Isai 45:24

A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.

Isai 45:8

Ar akulod’a ti lau d’engzenga d’igi mbina mi lau woi na, ar d’ugula ti se d’ingêra d’igi alona mi se na, ar andagad’a ti mal vunat á mba ki suta, ti deî d’ingêra d’igi ahlena a deî na mi. Gola! Wana nahle suma an Ma didina ni lazina.

Isai 46:13

An nga ni hud’ï d’ingêr manda, ti nga dei d’i. An nga ni le lilinga ki sut manda d’uo mi. An nga ni mba ki suta kur Siyon, an nga ni mba ki subur manda yam Israel-lâ mi.

Isai 48:18

Ladjï agi gagi yagi kä ad’u vun man ma hed’a ni, b’leng nga halas magid’a mba d’i mbut ni d’igi aluma na! D’ingêr magid’a mba d’i mbut ni d’igi abil ma kur alum ma ngolîna na mi.

Isai 58:11

Ma didina mba mi ndjunugi teteu, mam mba mi hobogi ata yima so ma gangrasâ, mam mba mi hulong mi hagi ad’enga atagiya. Agi mba mbud’ugi ni d’igi asine ma a rabam mbinina na, d’igi golong nga mbiyo matna nga mi so d’uo d’a na mi.

Isai 60:18

A mba hum zla murud’umba kur ambas maka d’i, a mba hum zla hurumba d’oze b’laka ir haga maka d’uo mi. Ndak mba d’i yi gulumun ma’â ala Suta, ndak mba d’i yi vun agrek ma’â ala Ma gile Alona.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 62:1

Ndak Jerusalem, yam o d’a an lat kaka, an nga ni ba vunan ndi; Ndak Siyon, yam o d’a an nga ni lat kaka, an mba ni tuk tan ndi gak prut mak ka woid’a mba d’i nde woi d’igi yima fod’a na, gak sut maka mba d’i ngal d’igi aku d’a ganda hina tua mi.

Isai 62:2

Ata yi máma andjaf suma a mba we sut ta Ma didina mi sud’uka, amuleina pet a mba we subur maka, a mba yak ki simi ma awili ma Ma didina mba mi yakina.

Isai 62:7

Agi aram ta d’i, gak mi hulong mi minit blangât ma adjeuna, gak mi mbud’ut vama subura hi suma yam andagad’ina pet mi.

Matiye 13:23

Ma mi nde ata andaga d’a djivid’ina ni sama hum zlad’a, mi wat ad’ud’u, mi tchuk grona, ma dingâ mi le irâ kis, ma dingâ mi le irâ dok karagaya, ma dingâ mi le irâ dok hindi mi na.

Matiye 13:3

Mi dazi zlad’a ngola ki d’ogolâ teteng ala: Gola! Sama yak andjafâ mi nde wa abua á yaka.

Matiye 13:8

Ma dingâ mi nde ata yima andaga d’a djivid’a, mi le irâ, ma dingâ kis, ma dingâ dok karagaya, ma dingâ dok hindi mi.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.