Isai 61:1 - Bible azumeina

¹ Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Isai 61:1 Iomraidhean Croise

Sawal la giled’a 102:20

Ei akulo dei Ma didina mi mbud’ï iram á gol yina. Ei kur yi mam ma bei tchod’a ba na, mi mbud’ï iram kä yam andagad’a

Sawal la giled’a 147:3

nga mi b’leng hur suma huruzi b’la’â, nga mi djinizi mbilizi mi.

Sawal la giled’a 149:4

kayam Ma didina tam nga d’i lum djivid’a yam sum mama, nga mi sut suma lulumana á suburuziya.

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Sawal la giled’a 22:26

Ma didina, ni kayam ang ba, an mba ni gileng aduk tok ka ngola hi sumid’a; an mba ni ndak vun vun ma hle ma an hlangzi avok suma a lang mandarangâ.

Sawal la giled’a 25:9

Nga mi tin suma lulumana kur lovot ta d’ingêra, nga mi hat suma lulumana lovot mamba.

Sawal la giled’a 34:18

Ata yima suma d’ingêrâ a nga tchi ala mi ndjunuziya na, Ma didina nga mi humuziya, nga mi pad’azi woi kur ndak mazid’a pet mi.

Sawal la giled’a 45:7

Alona, zlam mang nga amula ni d’a gak didinda. Ang nga te leu manga ni ki d’ingêra.

Sawal la giled’a 51:17

Salad’a, ang malan vunan ndeyo, an mba ni suburungû.

Sawal la giled’a 68:7

Ni ma nga mi he yima kaka mi sa ma salam nga d’uo ma aduk sumina, ni ma nga mi tchuk suma dangeina akulo ki furîd’ina, wani ni suma so vuna hol ba, a mba ar kaka yam andaga d’a so d’a b’ab’alid’a.

Sawal la giled’a 69:32

Ma didina, wana ni vama lang tang djivid’a kal amuhlâ, kal amuhl ma digili ma ad’eng ma an hangzina.

Buzuk ka Abud’a 28:41

Moise, ang tchugut ata wiyengâ Aron azi ki groma, ang vozi mbulâ kaziya, ang tinizi kur sunda, ang tinizi irazi vaziya. Hina wani, azi mba lan sun nda ngat buzuna.

Buzuk ka Abud’a 29:7

Ang hle mbul ma a tinim iram vama, ang vomzi kamu, ang tinim iram vamu.

Isai 29:19

Suma lulumana a mba le furîd’a ngola yam Ma didina, suma hou suma aduk sumina a mba le hur ma hapma yam Ma tin tam irat vat yam Israel-lîna mi.

Isai 30:19

Agi suma Siyon suma nga kaka Jerusalem-ma, agi mba tchigi d’uo d’a. Fata agi yumba, mba mi vagi sumad’a! Ata yima mba mi hum tchi maginina, mba mi hulongôgi humba mi!

Isai 30:26

Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

Isai 32:7

Sunda hi suma mbut irid’a ni sun nda tchod’a, a nga nga huruzi á le tchod’a á ba suma hohoud’a woi ki zla d’a kad’a. Sama houd’a zla mamba ti le ni ki djivid’a ko, a b’lagat teyo.

Isai 40:9

Agi suma Jerusalem-ma, agi djagagi akulo yam ahina d’a fiyaka, agi suma Siyon-na, agi dagi zlad’a ki delegi akulo kad’engêgi pet, kayam a hagi zla d’a djivid’a abogiya. Ar agi lagi mandarâ á dat tei d’i. Agi dagi mi suma kur azì ma nglo ma Juda-na ala: Gola! Alo magina wana!

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 42:7

á mal ir suma duka woyo, á buzuk suma a nga kur dangeinina ki suma a nga kaka kur gongîyo suma dangeina ata yima nduvundina woi abu mi.

Isai 48:16

Agi hud’ugï gevenu, agi humugiya. Kad’u tinda dei an de nga zla d’a ngei gumun ndi. Kad’u tinda hahle ndazinid’a dei, an nga. Ki tchetchemba, Salad’a Ma didina mi sununï zlapa ki Muzuk mama.

Isai 49:9

á de mi suma kur dangeinina ala: Agi buzugugi woyo, á de mi suma a nga kur nduvundina ala: Agi buzugugi woyo mi. Azi mba te hatna avun lovota d’igi tumiyôna na, azi mba te hatna akulo yam yima ndingâ pet mi.

Isai 52:7

Djivid’a yam sama nga mi djï akulo yam ahuniyôna á de zla d’a djivid’a woina, yam ma nga mi de woi yam b’leng nga halasa, yam djivid’a ki sutina, ma nga mi de mi Jerusalem ala: Alona namul ma’â na.

Isai 52:9

Ang yima teteng ma Jerusalem ma b’lak keina, ang er ad’ung akulo ki furîd’a, kayam Ma didina nga mi b’leng hur sum mama, nga mi wurak yam mam Israel-lâ mi.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 57:18

An we sun mazi d’a led’a da’, wani an mba ni sud’uziya, an mba ni ndjunuziya, an mba ni b’lengêzi huruzi zlapa ki suma a nga yor tazi ki sed’ezina mi.

Isai 59:21

Ma didina mi dala: Wana ni vun ma djin ma an djinim ki sed’egina: Muzuk mana mba mi kak kagiya, an mba ni tinigi zla manda avunagiya. Mba d’i wal lei ki sed’egi d’oze grogina d’oze grogi ngolona d’uo mi, arî hina gak didin. An Ma didina ni de na.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Jeremi 34:8

Ma didina mi de zlad’a kua mi Jeremi. Wani avok ka bei mam dum zla ndata tua d’a, amulâ Sedekiyas mi djin wa vunam ki suma Jerusalem-ma á tchi wala yam tchuk ka a tchuk suma akulod’a ala:

Jeremi 52:33

Mi he vuna mi Jojakin ala ar mi tchuk baru ma dangeina atam mbi, ar mi te tena yam tabulâ hamulîna burâ ki burâ ata yima mi nga ki iram tua na pet.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Sunda hi suma hi Levi-nid’a 7:35

Wana ni b’rau d’a yam Aron azi ki groma d’a a yot aduk ahle suma a hazi vama ngat buzu ma ngala mi an Ma didina kur bur ma a mba vozi mbulâ kazi á le sun nda ngat buzuna avogona.

Mise 3:8

Wani an nga ni fad’enga kayam Muzu’â hi Ma didinina mi nga kurunu, mi han ve tad’a á ka sariya d’a d’ingêra, á tak suma hi Jakob-ma tchila mazid’a, á tak Israel-lâ tcho mazid’a mi.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Matiye 3:16

Ata yima Jean mi le Jesus batembina, Jesus mi tup pei akulo aduk mbina. Ata yi máma na wat, akulod’a ti mal leyo, Jesus mi we Muzu’â hAlonina mi surop kam kä d’igi gugud’a na mi.

Wana ni Zla d’a Djivi d’a Luc mi b’irita 7:22

Jesus mi hulong dazi ala: Agi i dagi mi Jean vama agi wagizina ki vama agi humugizina mi. Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma houd’a mi.

Jean 1:41

Mi i fe wiyema Simon adjeu tua, mi dum ala: Ami fami wa Mesi, nala, Christ.

Jean 3:34

Mam ma Alona sunumïna, mi de ni zlad’a hAlonid’a, kayam Alona nga mi hum Muzuk mama ni bei ngad’a.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

Sunda hi suma a sunuzinid’a 4:27

Gagazi, kur azì ma ngol ma wana a kak djangûna kazong mang ma bei tchod’a ba na, nala, Jesus ma ang manama. Herot ki Pôs Pilat kandjaf suma dingâ ki Israel-lâ a zlap vunazi kamu.

2 Korente-na 3:17

Zla ndata ala Ma didina d’a, ad’ut ala Muzu’â d’a. Ata yima Muzu’â hi Ma didinina nga kuana, but ta akulod’a nga.

2 Korente-na 7:6

Wani Alo ma b’leng hur suma a nga kur djib’erina, mi b’lengêmi hurumi ata yima Tit mi mbana.

Hebre-na 1:9

Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.