Isai 60:2 - Bible azumeina

² Gola! Nduvunda ti duk wa yam andagad’a, yima wurana mi duk wa yam andjaf suma mi. Wani Ma didina mba mi tchol akulo á b’o woi kagu, subur mamba mba d’i b’o woi kak mi.

Isai 60:2 Iomraidhean Croise

1 Amuleina 8:11

Suma ngat buzuna a fe nga lovota á tchol kua á le sun mazid’a abo d’ugula d’i, kayam subura hi Ma didinid’a ti oî gong mamba.

Sawal la giled’a 102:16

Andjaf suma yam andagad’ina pet a mba ring mandara simiyêng ang Ma didina; amulei suma yam andagad’ina pet a mba ring mandarâ abo subur manga mi.

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Isai 2:5

Agi suma hi Jakob-ma, agi mbeyegïya. Ei tid’i kur b’od’a hi Ma didinid’a.

Isai 4:5

Bugola, Ma didina mba mi tin d’ugul la tchola gongzonga kandosâ faleya, mba mi tin aku d’a ngal bibiliu d’a b’o yina andjege yam ahina d’a Siyon-nda ki yi mat ma taka, kayam subura hi Ma didinid’a mba d’i mbut ni vama ngomozina.

Isai 58:10

le agi hagi te magina tamba mi sama meid’a tchuma, le agi hobogi ma kid’aka ni, b’o magid’a mba d’i kal akulo yam nduvunda, nduvun magid’a mba d’i mbut ni d’igi afat ta falei d’ad’ara na mi.

Isai 58:8

Ata yi máma b’o magid’a mba d’i b’o woi d’igi yima fod’a na, sut manid’a mba d’i deî atogo zak d’igi afata na, d’ingêr magid’a mba d’i tit avorogiya, subura hi Ma didinid’a mba d’i tit blogogi á ngomogi mi.

Isai 62:1

Ndak Jerusalem, yam o d’a an lat kaka, an nga ni ba vunan ndi; Ndak Siyon, yam o d’a an nga ni lat kaka, an mba ni tuk tan ndi gak prut mak ka woid’a mba d’i nde woi d’igi yima fod’a na, gak sut maka mba d’i ngal d’igi aku d’a ganda hina tua mi.

Isai 66:11

Hina wani, agi mba hobogi ki b’leng hur ma ndat ti b’lengêgizina d’igi gogor ma asum mbi hum apona mi tchum ki furîd’a adigatna na.

Isai 8:22

Bugola, a mba gol irazi kä andaga, a mba we ni hur ma wurana ki nduvunda ki djop vun ma kalâ, a mba zud’uzi kä kur nduvun nda i’îlika.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Ezekiyel 10:4

Subura hi Ma didinid’a ti ndeï woi akulo yam tcherebêna, ti i irat avun yima kala hi gong nga kud’ora hAlonid’ina. Gonga ti oî ki d’ugula, subura hi Ma didinid’a wile mata ti oî hur atranga mi.

Sunda hi suma hi Levi-nid’a 9:23

Moise azi ki Aron a tchuk kur zlub’u d’a ngaf tad’a. Ata yima a buzuk kei abuna, a b’e vunazi yam suma. Ata yi máma Ma didina mi tak subur mamba woi avok suma pet.

Ndumba 16:19

Kore mi tok ablaud’a hi Israel-lîd’a pet kä avorozi avun zlub’ud’a. Ata yi máma subura hi Ma didinid’a ti nde woi ir ablaud’a pet.

Matiye 15:14

Agi araziya, ni suma a nga ve dungûruna mi ndrozi suma dukina. Le sama duka nga mi ve dungûruna mi ndram ma duka ni, azi djak a mba tchuk kur zula.

Matiye 23:19

Agi suma duka, vama ngol ma kalâ ni ma lara, ni he d’a hawad’a, d’oze ni yima ngal ahle suma ngat buzu ma nga mi tinit irat vat mAlonina zu?

Matiye 23:24

Agi suma duk suma tagagi lovota mi tagina, agi nga fogi vurutna woyo, wani agi nga ligigi djambala.

Jean 1:1

Avok ka Alona mi le nga va tu d’uo tua d’a, Zlad’a nga. Zla ndata ti nga zlapa kAlona, Zla ndata tata nAlona.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Jean 8:55

Agi wum nga d’i, wani an wumu. Ladjï an dala: An wum nga d’uo ni, an mbut ni sama ka zlad’a d’igi agi na mi. Wani an wumu, an nga ni ge yan kä ad’u zla mamba mi.

Sunda hi suma a sunuzinid’a 14:16

Kur atchogoi d’a kala, mi ar andjaf ma lara ge pet mi nga mi tit kur lovot mamba.

Sunda hi suma a sunuzinid’a 17:23

Kayam ata yima an nga ni kal kur azì ma ngolîna, an wahle suma agi nga kud’urozina. An fe yima ngal ahle suma ngat buzu ma dingâ, a b’ir atam ala: Ni malo ma bei wuma. Kayam alo ma agi nga kud’urom bei wuma ba na, an nga ni dagi kamu.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

Kolos-sâ 1:13

Ni Ma pad’ei woi kur leu d’a nduvunda hi Seitan-ndina, mi tini kur leud’a hi Gorom ma mam le kam heînid’a.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.