Isai 60:14 - Bible azumeina

¹⁴ Suma a lak ndakina grozina a mba hulong yazi kä avorogu, suma pet suma a golok isâ a mba grif kä avorogu, a mba yak ala Azì ma ngolâ hi Ma didinina, Siyon-nda hi Ma tin tam irat vat yam Israel-lînid’a.

Isai 60:14 Iomraidhean Croise

Ad’u Tinda 27:29

Ar andjaf suma a mbut ni magumei mangâ, suma yam andagad’ina a grif kä avorong mi. Ang ka’î ma ngolâ hi b’oziyongîna. Ar asung grotna a grif kä avorongû. Sama mi gang vunina, Alona mba mi gum vuna mi; sama mi b’e vunam kangâ, Alona mba mi b’e vunam kam mi.

Ad’u Tinda 42:6

Josef ni sama yam andaga d’a Ezipte-d’a aboma, mi nga mi gus awuna woi abo suma ding suma a mba kur ambas ndatina. Josef b’oziyoma a mba go, a grif kä avoromu, a tchok yazi kä andaga.

Sawal la giled’a 48:2

Ma didina ni ma ngol ma mi ndak á giled’a kur azì mam ma ngol ma yam ahina mam mba a tinit irat vatina.

Sawal la giled’a 87:3

Ang azina hAlonina, ahle suma azi dazi kangâ pet ni subura. Tchol ndjö

Zla d’a d’ogolâ 14:19

Suma tchona a mba grif kä avok suma djivina, suma asa’atna a mba grif kä avun azina hi suma d’ingêrîna mi.

Isai 1:26

An mba ni hulong tin mang suma ka sariyad’a d’igi suma adjeuna na, an mba ni tin mang suma de d’alâ d’igi suma avo’â na mi. Bugola, a mba yang ala Azì ma ngol ma d’ingêrâ, Azì ma ngol ma d’engzengâ mi.

Isai 45:14

Ma didina mi dala: Agi Israel-lâ, fed’a hi suma Ezipte-nid’a ki beged’a hi suma Etiyopi-nid’a ki d’a hi suma Sabe suma fuyogeinid’a mba d’i kalï avo hatagiya, mba d’i arî magid’a mi. A mba tit blogogi ki kindjingâ aseziya, a mba dagi zlad’a ki hud’a ala: Alona navo hatagi tu, ma ding nga d’i.

Isai 45:23

An nga ni gun tan ki an tanda. Zla d’a ndavunda ni zla d’a irata. An mba djok vunan ndi. Suma pet a mba tchuk guguvazi kä avoronu, suma pet a mba gun tazi ki simiyên mi.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 62:12

A mba yagi ala Suma a tinizi irazi vazina, a mba yagi ala Suma Ma didina mi tchuguzi akulona. Ndak Jerusalem, a mba yak ala Azì ma ngol ma a aram mbeina d’uo d’a, wani a mba yak ala Ta a le kat heîd’a.

Jeremi 16:19

Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Ezekiyel 36:15

An mba ni aragi agi humugi ngula handjaf suma dingîd’a ki humagi d’i. Suma a mba mbud’ugi zulona d’i, agi mba mbud’ugi vama dap asem andjaf sum magina d’uo mi. An Salad’a Ma didina ni de na.

Ezekiyel 39:7

An mba ni tak simiyên Ma tin tan irat vat yam man suma Israel-lîna, an mba ni ar suma a ngulun simiyên Ma bei tchod’a ba na d’uo d’a. Hina wani, andjaf suma a mba wala an ni Ma didin ma tin tan irat vat yam man suma Israel-lîna.

Joel 3:8

An mba ni guzugi grogi suma andjofâ ki grogi suma aropma woi abo suma Juda-na. Azi mba hulong guzuzi woi abo suma Sabe suma sä deina mi. Wana ni zla d’a Ma didina mi data.

Sofoni 3:19

Kur atchogoi ndata, an mba ni tchol ni ngop suma a nga lagi ndakina, an mba ni sut suma dileîd’a, an mba ni togï suma a digizi woina mi, an mba ni mbud’uzi ni vama giled’a, an mba ni mbud’uzi vama simiyêm mi yi yam andaga d’a lara ge d’a azi nga kur zulona kuad’a.

Zakari 8:23

An Ma didin ma ad’engên kal petna ni dala: Kur bur máma suma dogo ad’u vun ma ded’a teteng a mba ve vun barud’a hi ma Juif-fîd’a, a mba dum ala: Ami imi ki sed’egiya, kayam ami humumi ala Alona mi nga ki sed’egiya.

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Vama ndum mbeina 14:1

An we Gor timina mi nga tchola yam ahina d’a Siyon-nda. Suma a nga ki sed’em dudubud’a kis yam dudubud’a dok fid’i yam dudubud’a fid’i mi, ni suma simiyêm ki simiyê Abum a nga b’ira avorozina.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.