Isai 60:13 - Bible azumeina

¹³ Subur ra Liban-nda pet kagu siprena kagu pêna kagu buisâ, ki zla tazi pet a mba mba avo hatak á he ngola mi yi man ma an tinim iram vama. An mba ni subur yima an tin asen kuana mi.

Isai 60:13 Iomraidhean Croise

1 Sunda Hamuleinid’a 28:2

Amulâ David mi tchol akulo adigaziya, mi dazi ala: B’oziyona, sum mana, agi humunu! An djib’er adjeu ala an min gong nga a tin zanduk ma vun ma djinda hi Ma didinina mi nga kua d’a Alo meina mi tin asem kuad’a, an min wa ahlena pet mi.

2 Sunda Hamuleinid’a 2:15

Sama ngolâ, ki tchetchemba, ang sununï gemena, awu orsâ, mbulâ ki süm guguzlud’a suma ang dazi zlazina mi ami azungeî mangâ.

Esdras 7:27

Esdras mi dala: Lei mersi mi Ma didina Alona habuyoi ngolo ma mi mal djib’era hamulîd’a woi mi min gong nga djifâ hi Ma didinid’a avo Jerusalem-ma.

Sawal la giled’a 132:7

Ar ei i ata yi mam ma kaka, ar ei i grivi kä avok yi mam ma tin asema.

Sawal la giled’a 96:6

Ngola ki subura ni mamba, ad’eng mamba ki wile mamba a nga kur gong mam mba kud’ora.

Sawal la giled’a 99:5

Agi hagi ngola mi Ma didina Alo meina, agi grivigi kä avok yi mam ma tin asema. Mam mi ma bei tchod’a ba na!

Isai 35:2

B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Isai 55:13

Agu siprena mba mi deî balum azlupa, agu mirtena mba mi deî balum kekerezeuna mi, a mba mbut vama subura yam Ma didina, ni vama tak ma didin ma bei mi dap pei ba na.

Isai 60:7

D’uwar ma Kedar-râ a mba togomî avo hatagu, gamlâ ma Nebayot-na mba mi mbut ni vama lak sunda. A mba hazi he d’a hawa d’a ngala yam yi man ma ngal ahle suma ngat buzuna, a mba lan tan djivid’a, an mba ni subur gong man nda djifâ.

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Ezekiyel 47:7

Ata yima mi hulongônina, an waguna ablaud’a nga avun toliyonda abo hî abo hî.