Isai 60:11 - Bible azumeina

¹¹ Vun agrek ma’â mba mi arî mala woi burâ ki burâ, sa mba mi dugum falei d’oze andjege d’i, kayam andjaf suma a fe lovota á kal ki ndjondjoî mazid’a avo hatagu, amulei mazina ki suma ad’uzina mi.

Isai 60:11 Iomraidhean Croise

Nehemi 13:19

Ata yi máma an he vuna ala le yina mi ar go á rumîd’a ni, a duk vun agrek ma Jerusalem-ma akulo avok ad’u tinda hi bur ma sabatna; bei bur ma sabatna dap ba ni, sa malam mbei d’i. An tin azungeî man suma dingâ á ngom vun agre’â tala ar suma a mba kahle suma gusa kur bur ma sabatna d’uo d’a.

Sawal la giled’a 149:8

á djin amulei mazina ki kindjingâ, á ge mazi suma nglona alei ma kaweina asezi

Isai 24:21

Kur bur máma Ma didina mba mi ngop ahle suma sä akulona, mba mi ngop amulei suma yam andagad’a ka hina mi.

Isai 26:2

Ar agi malagi vun agre’â woyo, agi aragi andjaf suma d’ingêr suma d’engzengâ a tchuk avo.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 56:7

an mba ni mbazi yam ahina man nda an tinit irat vata, a mba le furîd’a kur gong man nda tchenda mi. He mazi d’a hawa d’a ngala kahle mazi suma ngat buzuna a mba mbut nahle suma his suma afufuîna yam yi man ma ngal ahle suma ngat buzuna, kayam a mba yi gong manda ala Gong nga tchen nda yam suma peta.

Isai 60:18

A mba hum zla murud’umba kur ambas maka d’i, a mba hum zla hurumba d’oze b’laka ir haga maka d’uo mi. Ndak mba d’i yi gulumun ma’â ala Suta, ndak mba d’i yi vun agrek ma’â ala Ma gile Alona.

Isai 60:5

Ndak mba d’i we, hina wani, tak mba d’i lak djivid’a, huruk mba mi oî ki furîd’a, tak mba d’i lak djivid’a mi. Kayam ndjondjoî d’a kur alum ma ngolîd’a mba d’i mba avo hatagu, ndjondjoîd’a handjaf sumid’a mba d’i mba avo hatak mi.

Isai 61:6

Wani a mba yagi ala Suma ngat buzuna hi Ma didinina, a mba yagi ala Azungeîna hAlo meinina. Agi mba tagi ndjondjoîd’a handjaf sumid’a, agi mba hlagi subur mazid’a.

Isai 62:10

Agi suma Jerusalem-ma, agi buzugugi woyo, agi buzugugi woi atogo kur azì ma ngolâ, agi malagi lovota mi suma a nga djïna, agi tozogi zul la kur lovot ta titid’a woyo, agi yogi ahuniyôna woyo, agi pagi drapod’a akulo mandjaf suma mi.