Isai 6:9 - Bible azumeina

⁹ Ata yi máma mi dan ala: Ang i de mi sum ndazina ala: Agi mba humugi djiviya, wani agi mba humut ad’ut ti. Agi mba gologi djiviya, wani agi mba wat ad’ut tuo mi.

Isai 6:9 Iomraidhean Croise

Zla d’a d’ogolâ 28:5

Suma tchona a nga wäd’u zla d’a d’ingêra d’i, wani suma a nga hal Ma didinina a nga wäd’u ahlena pet.

Isai 28:13

Zlad’a hi Ma didinid’a mba d’i mbut atazi ni hina: Vun ma hed’a yam ndram vun ma hed’a, vun ma hed’a yam ndram vun ma hed’a; gata yam ndrat gata, gata yam ndrat gata; ka hî nde, sä hî nde mi. Kayambala kur tit mazid’a a puk kazigazi a kuza d’a tala a nde kur dauna mi vazi kä ndindingû d’a mi.

Isai 29:10

Ma didina mi burugi sen ma ngolâ. Agi suma djok vuna mi dugugi iragi woyo. Agi suma wagi ahle suma a nga mbana, mi zlubugi ahlena woi iragi mi.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Isai 29:14

Kayam ndata, an nga ni zut sum ndazina á le atchap yam ahle man suma yoyouna kahle man suma ndandalâ avogovogo. Ned’a hi mazi suma ned’a mba d’i dap peyo, wed’a hi mazi suma wäd’u ahlenid’a mba d’i vit tei mi.

Isai 42:20

Ang wahlena ngola, wani ang djib’er nga kazi d’i; ang tin humang á humba, wani ang nga hum mbi.

Isai 43:8

Ar a buzugï ki suma a nga ki ira, wani a nga we d’uo na, ki suma a nga ki humba, wani a nga hum va d’uo na.

Jeremi 5:21

Agi suma lilid’a, agi suma bei wad’ud’a, agi humugiya. Agi nga ki ira, wani agi nga wagi d’i; agi nga ki humba, wani agi nga humugi d’uo mi.

Ezekiyel 12:2

Ang gor sana, ang nga ni kaka aduk andjaf ma bei hum vuna ma nga ki ira á gola ko ba nga mi we d’uo na, ma nga ki humba á humba ko ba nga mi hum mbuo na, kayam mam nandjaf ma bei hum vuna ba na!

Wana ni mbaktumba hi Oze-d’a 1:9

Ma didina mi de mi Oze ala: Ang yum ala Lo-Ammi (nala, Ni sum mana d’i!), kayam agi nga ni sum mana d’i, an nga ni magina d’uo mi.

Marik 4:12

D’igi mbaktumba hAlonid’a ti de na ala: Á gola azi nga gola, wani azi nga wad’ud’a d’i; á humba azi nga huma, wani azi nga humut ad’ut tala azi hut gen Alona, Alona mi vat hurum mbei yam tcho mazid’a d’a d’i.

Wana ni Zla d’a Djivi d’a Luc mi b’irita 8:10

Mi dazi ala: Alona mi hagi ned’a á wäd’u zla d’a mudurid’a yam leud’a hAlonid’a, wani yam suma dingâ, an dazizi ni ki d’ogolâ, á gola azi gola, wani azi nga we d’i, á humba azi huma, wani azi nga humut ad’ut ti.

Jean 12:40

Alona mi duguzi iraziya, mi b’alazi huruzi mi, kayam azi we ki irazi d’i, azi wad’ud’a kuruzi d’uo mi tala azi mbut huruzi mi sud’uziya d’a.

Romê-na 11:8

D’igi mbaktumba hAlonid’a ti de na ala: Alona mi mbud’uzi lilid’a, mi mbud’uzi suma bei wed’a, mi mbud’uzi suma bei humba gak ini.

Gat ta a hat á mbàd’id’a 29:4

Wani gak ini Ma didina mi hagi nga muzuk ma wäd’u ahle ndazina d’oze ira á wed’a d’oze humba á humba d’i.