Isai 6:13 - Bible azumeina

¹³ Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Isai 6:13 Iomraidhean Croise

Ad’u Tinda 22:18

Ni kayam andjavang ba, an mba ni b’e vunan yam suma yam andagad’ina pet, kayam ang humun vunanu.

Esdras 9:2

Kayam azi vigizi grozina, azi vigizi grozina mi grozina mi, a gizeî andjaf ma a tinim iram vama kandjafâ hi suma kur ambas sa wandina. Ni suma avok suma ki suma nglona ba, a le sun nda tcho ndata avogo.

Esdras 9:8

Wani ki tchetchemba, ang Ma didina Alo mamina, ang wami wa hohowomiya, ang arami mami suma a arâ tcha, ang gahlabang kami kur ambas mang nga ang tinit irat vata, ang b’o yina woi avoromiya, ang tchugumi tami simetna kur magom mamid’a nde.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 11:1

Abo aguna mi hud’urï ata abu aguna hi Jesse-na, mba mi d’uvï ata sideyemu.

Isai 4:3

Ata yi máma suma a mba ar kur Siyon-na ki suma a mba ar avo Jerusalem-ma a mba yazi ala Suma a tinizi irazi vazi mi Ma didinina. Ni suma a mba b’irizi simiyêzi á kaka avo Jerusalem-ma.

Ezekiyel 6:8

Wani fata an mba ni ndjoyôgi woi yam ambasa tetenga, an mba ni sut suma dingâ adigagiya. Ni suma a mba sut avun ayî ma durâ aduk andjaf sumina.

Amos 5:3

Kayam Salad’a Ma didina mi dala: Azì ma ngol ma Israel ma suma a buzuk kei kur dubu á i durîna a mba hulong kurumî kis; azì ma ngol ma suma a buzuk kei kur kis á i durîna a mba hulong kurumî dogo mi.

Mise 5:6

Andjafâ hi Jakob ma arâ mba mi kak aduk andjaf ma ablauna d’igi mbad’ï d’a ti tcholï ata Ma didinid’a na, d’igi alo ma mi se yam asunina na. A mba tin huruzi yam sa d’i, a mba ka’î yam sa d’uo mi.

Sofoni 3:12

An mba ni ngom suma lulumana ki suma hou suma kuruk suma a nga hal yima ngeid’a atana.

Zakari 13:8

Ma didina mi de kua ala: Andagad’a abot ma wal ad’u hindina abot ma mbàna suma kuruma a mba tchazi woyo, abot ma hindina suma kuruma a mba arî aziya.

Malatchi 2:15

NAlona ba, mi mbud’ugi hliu ma tuna ki muzuk ma tuna d’uo zu? Ni kayam me ba, mi le hina ge? Kayam agi vud’ugi gro suma d’ingêrâ mAlona. Agi gologi tagi djiviya! Ar sa adigagi mi wal lei kamam mba azonga d’i.

Matiye 24:22

Wani ladjï Alona mi dadak burâ go d’uo ni, sana mba mi fe suta d’i. Wani ni kayam suma mi manazina ba, mi dadagï ki burâ wana.

Marik 13:20

Ladjï Ma didina mi dadagï burâ go d’uo ni, sana mba mi fe suta d’i, wani ni kayam suma mi manazina ba, mi dadak ki burâ wana.

Romê-na 9:5

Abraham azi ki Isak ki Jakob nabuyozi ngolo. Nad’u andjavazi ba, Christ mi ndeï kua d’igi sana na. Mam nAlo ma te yam ahlena petna, ni ma ndak á gilem gak didina. Amin!

Gat ta a hat á mbàd’id’a 28:62

Agi zulugi nablaud’a d’igi tchitchiud’a hina wan pî, agi mba aragi nakid’eid’a hina yegre, kayam agi mba gagi yagi kä ad’u Ma didina Alo magina d’i.

Gat ta a hat á mbàd’id’a 7:6

Kayam agi ni suma a tinigi iragi vagi mi Ma didina Alo maginina. Mi managi ni kayambala agi kagagi ni sum mama tazid’a aduk suma yam andagad’a ka hina ped’u d’a.