Isai 6:11 - Bible azumeina

¹¹ Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Isai 6:11 Iomraidhean Croise

Sawal la giled’a 74:10

Alo mamina, ma djop vun suma mba mi lazangî hina gak mindja ge? Ma djangûna mba mi ngulung anguzangî hina gak mindja ge?

Sawal la giled’a 79:5

Ma didina, ang hurung mba zal kami hina gagak mindja ge? Ang hurung mba zal kami ni d’igi akud’a ti ngal yina na zu?

Sawal la giled’a 90:13

Ma didina, ang mba ar ayî mangâ kami hina gagak mindja ge? Ar ang wami ami azungeî mangâ hohowomiya!

Sawal la giled’a 94:3

Ma didina, suma asa’atna a mba kak hina gagak mindja ge? Suma asa’atna a mba le furîd’a hina gagak mindja ge?

Isai 1:7

Ambas magi ti mbut hur fulâ, aziyagi ma nglona a ngalam mbeyo. Andjaf suma dingâ a mba a b’lagagi ahle suma yam andaga magid’ina kä iragiya, va mi ar nga kat ti. Wana ni b’lak ka d’i tcholï ata andjaf suma dingîd’a.

Isai 13:12

An mba ni mbut suma a arâ akid’eid’a kal lor ra bei zozota ba d’a, kal lor ra Ofir-ra mi.

Isai 3:26

Suma avun agrek ma Siyon-na a mba zam taziya, ndak mba d’i tchi horâ; a mba hurumugu, ndak mba d’i ar kaka kä aduk andagad’a mi.

Isai 3:8

Gagazi, azì ma Jerusalem-ma mi b’lak keyo, leu d’a Juda-d’a ti puka mi. Kayam zla mazi d’a ded’a ki sun mazid’a a kak djangûna ki Ma didina, a nga ngulum avunam mi.

Isai 32:14

Kayam a ar azì ma amula kazì ma ngol ma suma a nga le vuna kua gandjauna woyo. Yima ndingâ ki gong nga fiyak ka ndjola, a mba mbut ni domi ma ngeid’a yam koro ma abageina ki iram fafat, a mba mbut ni yima pol d’uwarâ mi.

Isai 35:1

Hur fulâ kambas sa so d’a gangrasa a mba ayâ, hur fulâ mba mi le hur ma hapma, mba mi b’o d’igi aguna mi b’o na.

Isai 5:9

Wana ni vama Ma didin ma ad’engêm kal petna mi ndandji woina: Gagazi, azì ma ablau máma mba mi b’lak keyo, azì ma nglo ma djif máma, a mba fe sama kak kurum mbuo mi.

Isai 60:15

Gagazi, a arak keyo, a noyôk kei mi. Sa nga mi kal avo hatak ki. Wani ki tchetchemba, an nga ni mbud’uk vama subura burâ ki burâ, an nga ni mbud’uk vama furîd’a kur atchogoi d’a lara ge pet mi.

Isai 64:10

Gong mami d’a kud’or ra a tinit irat vat ta subur ra abuyomi ngolo a gileng kuad’a, ti mbut wa vama a ngalam kakud’ina, ahle suma ami lami kazi heîna a b’lak wa woi mi.

Jeremi 22:6

Ma didina mi de yam azì ma amul ma Juda-na ala: Ang iran ni d’igi ambas sa Galät-ta na, d’oze d’igi yam ahina d’a ked’iwureng nga Liban-nda na. Wani gagazi, an mba ni mbud’ungî d’igi hur fulâ, d’oze d’igi azì ma ngol ma bei sa mi kak kua ba na na.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Jeremi 44:2

An Ma didin ma ad’engên kal petna, Alona hi Israel-lîna, nga ni dagiya: Agi wagi ndak ka teteng nga an mbat yam Jerusalem kazì ma nglo ma Juda-nid’a pet. Gola! Ki tchetchemba, azì máma mi mbut ini ni djona, sa nga kaka kua d’uo d’a.

Jeremi 52:27

Amulâ mi tchazi woi ata yi máma yam ambas sa Hamat-ta. Ni hina ba, a i ki suma Juda-na magomba woi dei kambas mazid’a.

Ezekiyel 6:6

Agi Israel-lâ, ata yima lara ma agi mba kagagi kuana, a mba b’lagagi azì magi ma nglona woyo. Yi magi ma ngal ahle suma ngat buzu ma tetengâ mba mi ar djona, filei magi ma tetengâ mba mi b’lak keyo, filei magi ma tetengâ mafata a mba tom kä woyo, sun magi d’a teteng nga agi lat kabogid’a mba d’i dap pei mi.

Daniel 8:13

An hum malaikana tu mi de zlad’a. Malaika ma dingâ mi djobom ala: Vama nde tam mbei yam vama ngat buzu ma burâ ki burîna, yam tchod’a hi ma b’lak yina, yam miret ta a mba miret gong nga kud’ora hAlonid’a ki azigar suma akulona kä d’a, a mba mba ni mindja ge?

Sunda hi suma hi Levi-nid’a 26:31

An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.

Sunda hi suma hi Levi-nid’a 26:33

An mba ni ndjoyôgi woi vivreng kayî ma durâ; ambas magid’a mba d’i mbut nambas sa abageid’a, azì magi ma nglona mba mi arî djona mi.

Mise 2:4

Kur bur máma a mba tinigi ndala, a mba lazagi ala: Ei b’lagei wa woi ki irei fafat, Ma didina mi he wa andaga meid’a mi suma dingâ, mi he wa asine meina mi suma bei hum vuna mi. Ni kayam me ba, a hurumi ge?

Mise 5:11

An mba ni dap magi suma kumana woyo, a mba fe sama mi djop ki tchitchiud’ina avo hatagi d’uo mi.

Mise 6:13

Ni kayam ndata ba, an mba ni togi ki ndaka, an mba ni b’lagagi woi yam tcho magid’a mi.

Mise 7:13

Andagad’a handjaf suma dingîd’a mba d’i mbut djona yam suma a nga kaka kurutna, yam sun mazi d’a le d’a tchod’a.

Gat ta a hat á mbàd’id’a 28:62

Agi zulugi nablaud’a d’igi tchitchiud’a hina wan pî, agi mba aragi nakid’eid’a hina yegre, kayam agi mba gagi yagi kä ad’u Ma didina Alo magina d’i.

Gat ta a hat á mbàd’id’a 28:63

D’igi Ma didina tam lum djivid’a á lagi djivid’a á zulugi hina mi, tam mba lum djivid’a á dabagi woi á b’lagagi woi na mi. A mba yogi woi yam ambas sa agi nga igi á hlat á te kat wanda.