Isai 59:4 - Bible azumeina

⁴ Agi nga kalagi yam tagi ata lovod’ot ti, agi nga dagi zlad’a ki gagazid’a d’i, agi tinigi hurugi ni yam ahle suma hawa ya’â, agi dagi ni zla d’a kad’a, agi nga vagi wir ra tchod’a, agi vud’ugi ni murud’umba.

Isai 59:4 Iomraidhean Croise

Wana ni mbaktumba hi Job-pa 15:31

Ar mi tin hurum yam vama hawa ya’â á lop tam mbi, kayam a mba wuragamî ki vama hawa yak máma.

Wana ni mbaktumba hi Job-pa 15:35

Le a ve wira tchod’a ni, a vut ni ndaka, huruzi krovo mi halî mbut ira.

Sawal la giled’a 12:3

Suma a nga de tazi zla d’a kad’a, zla d’a avunazid’a ni mbulâ, azi ni suma mbàmbàd’a mi.

Sawal la giled’a 62:10

Gagazi, suma pet a ni d’igi simet ma sana fom ki vunama na, suma pet ni suma ka zlad’a. Le a hlazi pet ni ki kilona ni, azi nafefeta kal simet ma sana fom ki vunama.

Sawal la giled’a 62:4

Agi suma, ni gak mindja ba, agi mba togogi tagi yam sana á zud’um kä d’igi gulumun ma nga mi leng kä na, d’oze d’igi gulumun ma nga mi i weta kä woina na ge?

Sawal la giled’a 7:15

Gola! Sama asa’atna nga mi min tam á le tchod’a, nga mi nga hurum á le tchod’a, nga mi nde ki zla d’a kad’a abua.

Zla d’a d’ogolâ 4:16

Kayam le a le nga tchod’a d’uo ni, a nga bur sen ndi; le a b’lak nga sa d’uo ni, sen nga mi vazi d’uo mi.

Isai 10:1

Ni zla d’a hohoud’a yam suma a nga he vun ma ata yam mbuo na, yam suma a nga tin gat ta d’ingêr ruo d’a

Isai 26:18

Ami vami wirâ, ami fami ndaka, wani ata yima ami vud’umina, ami vud’umi ni simetna, ami wami nga lovot ta a mbami ki suta yam andaga d’a ka hid’a d’i, d’oze a mbami ki suma ding suma kak yam andagad’a ka hina d’uo mi.

Isai 28:15

Agi nga dagi ala: Ami djinimi vunami ki matna, ami vami banad’a ki yima azuleina. Fata tugud’ei d’a tcho d’a tchi matna ti ndja abot tei ti kala, mba d’i fami d’i. Kayam ami mbud’umi zla d’a kad’a ni yi mami ma ngei tad’a, aboi ma kad’a ni yi mami ma kaka mi.

Isai 29:20

Kur bur máma sama te yamba kad’engina nga d’uo d’a, sama las suma nga d’uo mi. Suma a le suma tchod’ina, suma a nga ka sariyad’a yam sana ki zla mazi d’a ded’ina, suma a nga gun dauna kä ata yima ka sariyad’a á kal sama d’ingêrâ kur ndakina, a mba tchazi woyo.

Isai 30:12

Kayam ndata, Ma tin tam irat vat yam Israel-lîna mi dala: Kayamba agi noyôgi zla manda, agi tinigi hurugi yam asa’ata ki zla d’a ka d’a ata yat tuo d’a, agi mbud’uzi nahle suma agi dengêgi tagi atazina,

Isai 30:9

Kayam sum ndazina a ni suma bei hum vuna, a ni gro suma ka zlad’a, a ni gro suma a nga hum gata hi an Ma didinid’a d’uo na mi.

Isai 33:11

Nga hur magina ni d’igi kuzad’a hawa na, dabi mamba ni d’igi asuna na mi. Muzuk man na d’igi akud’a na mba mi ngalazi woyo.

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Isai 47:10

Ndak tin huruk yam asa’at maka, ndak dala: Sa nga mi wan ndi. Ne maka ki we mak ka heîd’a a b’lagak yagu, ndak nga d’i de kuruk ala: Sama d’igi an na na nga d’i.

Isai 5:18

Ni zla d’a hohoud’a yam suma a nga tan tchod’a ki ziyona suma a nga tan tcho d’a led’a d’igi amuzleina a tan pusâ na na.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Isai 59:15

Gagazid’a ti nga d’i, sama min á le tchod’a d’uo na, a nga hurumumu. Ma didina mi wala ni tchod’a ni kayamba d’ingêra ti nga d’uo d’a.

Isai 59:16

Ma didina mi we nga sa d’i, mi le atchap kayam sama mi mba á ndjundina nga d’i. Kayam ndata, abom mi ndjunumu, mi mbut vama mam deng tam kama.

Isai 59:3

Kayam abogi mi mbut ndjendjed’a ki buzuna, agi tchagi suma kabogiya, agi nga dagi zla d’a kad’a ki vunagiya, sinagi nga d’i par papar á ngul suma mi.

Isai 64:7

Wani Ma didina, angî Abumiya. Ami ni lubu ma ab’lorina, angî ma minimina, ami pet ni sun nda ang lat kabonga.

Isai 9:15

Suma a nga tak lovota mi sum ndazinina a vid’izi ni woyo, suma a nga tit ad’uzina a hle ni lovot ta tchod’a mi.

Jeremi 48:7

Agi suma Mowap-ma, kayam agi tinigi hurugi yam sun magid’a, yam ndjondjoî magid’a mi, a mba yogi agi tagid’a! Alo magina Kemos, a mba im magomba zlapa ki mam suma ngat buzuna ki mam suma nglona mi.

Jeremi 5:1

Ma didina mi dala: Agi igi ir palum mba Jerusalem-mba teteng, agi i gologiya, agi halagi ad’ud’a, agi halagi ata yima suma a tok kuana. Le agi fagi sa kua tu, le agi fagi sama mi tit yam gagazid’a ma nga mi hal d’engzengina ni, an mba ni vat hurun ndei yam suma Jerusalem-ma.

Jeremi 7:4

Ar agi tinigi hurugi yam zla d’a de d’a mbut ira ala: Gong nga kud’ora hi Ma didinid’a ti kä wana, gong nga kud’ora hi Ma didinid’a ti kä wana, gong nga kud’ora hi Ma didinid’a ti kä wana d’a d’i.

Jeremi 7:8

Wani agi nga tinigi hurugi ni yam zla d’a mbut ir ra zlat nga d’uo d’a.

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Mise 2:1

Ni zla d’a hohoud’a yam suma a nga nga huruzi andjege á le tchod’ina. Ata yima yina fona, azi ndak vun tcho mazi ndata ata yima azi nga kad’enga abozina.

Sunda hi suma a sunuzinid’a 24:9

Juif-fâ a ndjak vunazi ki sed’em tu, a dala: Ni na.

Jacques 1:15

Ata yima d’od’ok ka tchod’a ti ve wirîna, ti vut ni tchod’a. Le tchod’a ti djeng wa ni, ti vut ni matna.