Isai 59:21 - Bible azumeina

²¹ Ma didina mi dala: Wana ni vun ma djin ma an djinim ki sed’egina: Muzuk mana mba mi kak kagiya, an mba ni tinigi zla manda avunagiya. Mba d’i wal lei ki sed’egi d’oze grogina d’oze grogi ngolona d’uo mi, arî hina gak didin. An Ma didina ni de na.

Isai 59:21 Iomraidhean Croise

Sawal la giled’a 119:43

Ang pat zla d’a gagazid’a woi avunan ndi, kayam an nga ni djup sariya mang nga kad’a ki hur ma tinda.

Buzuk ka Abud’a 4:15

Ang i dum zlad’a, ang vum ad’u zla d’a an dangzi wanda. An mba ni mbut vunang ki vunam mi, an mba ni had’agi vama agi mba luma.

Zla d’a d’ogolâ 7:3

Ang tchuguzi abong ngangam ngangami, ang b’irizi kä kurung mi.

Isai 32:15

Wani bur tu Ma didina mba mi voï Muzuk mama kei kä. Hur fulâ mba mi mbut nandaga d’a a pagu ma vuta kuad’a, mba mi mbut nagu d’a ndindika mi.

Isai 40:8

Asuna mi so woi b’o mamba ti yak kei mi, wani zlad’a hAlo meinid’a mba d’i ar gak didin.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 49:8

Ma didina mi dala: Ata yima sumad’a an hulong dangû, kur bur ma suta an ndjunung mi. An mba ni ngomongû, an mba ni tining á djin vunang kandjaf suma á tchol ambasa akulo, á b’rau ahle suma djo suma kur ambas sa ar djonid’a,

Isai 51:16

An ni ma ni b’eng akulod’a woina, an ni ma ni gäd’u andagad’ina, an ni ma ni de mi suma Siyon-na ala: Agi ni sum mana na, an nga ni tining zla manda avunangû, an nga ni dugung kä kanguza abonu.

Isai 54:10

Ma didin ma mi wak hohowo’â mi dala: Le ahuniyôna a djok keyo, le yima ndingâ mi giget pî, o man nda bei dabi d’a kaka mba d’i wal lei ki sed’ek ki, vun man ma djin ma yam halasina an mba ni bud’um mbei d’uo mi.

Isai 55:11

Hina mi, zla d’a ndavunanda ti nga d’i hulongî atan bei ti le va d’i, ti nga d’i ba bei ndak vun min manda d’oze ti oî vun vama an sunut kama d’uo mi.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Isai 57:19

Ma didina mi de kua ala: An mba ni tin giled’a avun suma a mba dala: Halasa, halasa yam sama sä deina, yam sama gona mi. An mba ni sud’uziya.

Isai 66:22

Ma didina mi dala: D’igi akulo d’a awilid’a kandaga d’a awilid’a a mba kak avoron tatâ na, andjavagi ki simiyêgi mba mi ka’î hina tatâ mi.

Jeremi 1:9

Bugola, Ma didina mi mat abom mi don vunanu, mi dan ala: Gola! An tining wa zla manda avunangû.

Jean 1:33

Avok an wum nga d’i, wani Alo ma mi sununï á le suma batemba ki mbinina, mi dan ala: Mam ma ang we Muzu’â mi surobï akulo, mi kak kama, ni mam ma mba mi le suma batemba ni ki Muzuk ma bei tchod’a ba nina.

Jean 17:8

kayam zla d’a ang handjid’a, an haziziya wa. Azi vad’u, a wala: Gagazi, an tcholï ni gevengû, a he gagazid’a ala: Ni ang ba, sununïya.

Jean 3:34

Mam ma Alona sunumïna, mi de ni zlad’a hAlonid’a, kayam Alona nga mi hum Muzuk mama ni bei ngad’a.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Jean 7:39

Jesus mi de zla ndata ni yam Muzu’â hAlona ma suma a he gagazid’a kama a mba vuma, kayam Muzu’â nga bei humï tua, kayam Alona mi subur nga Jesus biya d’i.

Jean 8:38

An dagi nahle suma an wazï avo Abuna, wani agi lagi nahle suma agi humugizi avun abugina mi.

Romê-na 11:27

Fata an mba ni hlazi tcho mazid’a woid’a, an mba ni djin vunan ki sed’eziya.

Romê-na 8:9

Wani le Muzu’â hAlonina mi nga kaka kurugiya ni, agi nga tid’igi bugol minda hi sa magi ma adjeunid’a d’i, wani agi tid’igi ni yam minda hi Muzu’â hAloninid’a. Le sana mi nga ki Muzu’â hi Christ-sâ kurum mbuo ni, mam mi sa mama d’i.

2 Korente-na 3:8

sunda hi Muzu’â hAloninid’a nga d’i nde ki subura kalat tuo zu?

Hebre-na 10:16

Ma didina mi dala: Wana ni vun ma djin ma an mba ni djinim ki sed’ezi bugol bur mámina: An mba ni tin gat manda kuruziya, an mba ni b’irit kur djib’er mazi d’a kuruzi krovod’a mi.