Isai 59:2 - Bible azumeina

² Wani ni tchila magid’a ba, ti walagi adigagi woi kAlo magina. Ni tcho magid’a ba, ti ngeyem iram mbei iragiya, ti d’elem á humugi mi.

Isai 59:2 Iomraidhean Croise

Zla d’a d’ogolâ 15:29

Ma didina nga mi hut tam mbei dei ki suma asa’atna, wani nga mi hum tchenda hi suma d’ingêrîd’a.

Isai 1:15

Ata yima agi yogi abogi akulo á tchendina, an nga ni mbut iran ndeyo. Agi nga dugud’ogi tchenda wan pî, an nga ni humugi d’i, kayam abogi mi nga tib’ak ki buzuna.

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Isai 57:17

Ni kayam d’od’ok mazi d’a tchod’a ba, kur ayî mana an toziya, an min wazi ki iran ndi. Wani azi nga i avogovok kur so vun mazina, kur djib’er mazi d’a kuruzi krovod’a mi.

Isai 58:4

Agi d’elegi tagi bei te tena ná tchi tuguyod’a, agi yalagi tagi ná tumugi tagi mi! Agi d’elegi tagi bei te tena ni d’igi d’el ta d’a ini kur bur ma wanid’a na tala an humugi delegi sä akulo d’a d’i.

Jeremi 5:25

Ni yam tchila magid’a ba, ahlena a mbut avorogi tchod’a wana; ni yam tcho magid’a ba, agi kid’agagi woi ata ahle suma djivi ndazina mi.

Hor ma tchina 1:8

Jerusalem tcho mata ti zul ngola. Ni kayam ndata ba, ti mbut vama ndjendjed’a. Suma a suburut adjeuna a golot is, kayam a we gandila mata. Ndat tata nga d’i zam tad’u, ti hulong bugol mi.

Ezekiyel 39:29

An mba ni mbud’uzi huyogon nduo d’a, kayam an mba ni vo Muzuk mana yam Israel-lâ. An Salad’a Ma didina ni de na.

Mise 3:4

Kayam ndata, fata agi tchigi yam Ma didinid’a, mam mba mi hulongôgi humba d’i, mba mi hagi azigam ata yi máma yam sun nda tcho d’a agi lata.

Josue 7:11

Israel-lâ a le tchod’a, a but vun ma djin ma an hazi vuna kama woyo, a yo ahle suma an d’elezi kazi ala azi yozi d’uo na, a kuluziya, a ngeyezi nga aduk ahle mazina.

1 Samuel 4:3

Suma a arâ a hulongî kur kangâ; suma nglo suma Israel-lâ a dala: Ni kayam me ba, Ma didina mi ar suma Filistê-na a kus kei ini hina ge? Ei i halei zanduk ma vun ma djinda hi Ma didinina nga kuana avo Silo. Le mi mba wa adigeya ni, mi mba sud’i woi abo mei suma djangûna.