Isai 59:19 - Bible azumeina

¹⁹ Fata Ma didina mi mba d’igi alum ma ngolâ mi djang abo simet ma ngolâ na d’a, a mba lum mandaramu, a mba suburum tinï ad’ud’a abo ma yorogona dei gak ndeza woi abo ma fladegena.

Isai 59:19 Iomraidhean Croise

Sawal la giled’a 113:3

Ar suma pet a gile simiyê Ma didina, tinï ad’ud’a abo ma yorogona dei gak abo ma fladegena.

Sawal la giled’a 22:27

Suma lulumana a mba të, a mba hoba; suma a nga hal Ma didinina a mba gilemu; ar va lazi d’i.

Sawal la giled’a 61:5

An min kak kur zlub’u manga teteu, an hal yima ngeid’a nad’u ahlabangû. Tchol ndjö

Isai 30:27

Gola! Ma didina mi tcholï ata yima deina, nga mi djïya, nga mi vat tei kayîna tutunuk, vunam mi nga tchurota woi kayîna, zla d’a nga d’i ndavunamba ni d’igi aku d’a ti ngal yinid’a na.

Isai 30:28

Fo d’a avunamba ti ni d’igi toliyon nda ti hop gak ti mba avunat akulo mbeî d’a na á yik andjaf suma yik ka tcho d’a b’laka, d’igi djama d’a a tchugut avun andjaf suma á bazi ki woid’a na.

Isai 45:6

kayambala tinï ad’ud’a abo ma yorogona dei gak nde sä woi abo ma fladegena tala suma a wala Alo ma ding nga woi keng vam mbuo d’a. An ni Ma didina, ma ding nga d’i.

Isai 49:12

Gola! Suma sä deina a nga djïya. Gola! Suma dingâ ni suma abo ma norâ, suma dingâ ni suma abo ma fladegena, suma dingâ ni suma a tcholï yam ambas sa Sinim-mbina mi.

Isai 66:12

Ma didina mi dala: Gola! An mba ni djang b’leng nga halasa kur Jerusalem d’igi aluma na, an mba ni hat subura handjaf sumid’a d’igi alum ma mi kus seina na. Agi mba tchagi ambir mata, ti mba d’i hlagi akulo ahlabad’u, ti mba d’i sad’agi tagi sasat mi.

Isai 8:7

Kayam ndata, an Ma didina nga ni kak djangûna ki sed’eziya, mba ni mba kad’enga hi mbiyo alum ma Efrat-na kaziya, nala, amul ma Asiri-na ki subur mamba pet. Alum máma mba mi oî woi ir b’irlim mama, mba mi wet tei avun gongôd’i mamba papadjang,

Daniel 7:27

Leud’a, yam mba ted’a ki ngola hi suma kur leu d’a yam andagad’a ka hid’a pet, a mba hat mi suma Ma sä akulo ma kal teglesâ mi tinizi irazi vazina. Leu mam mba ted’a ni leu d’a gak didinda. Suma te yamba pet a mba lum sunda, a mba ge yazi kä avorom mi.

Mise 7:17

Azi mba trâ andaga d’a gugud’upa d’igi guguina na, d’igi ahle suma a dram kä yam andagad’ina na. A mba buzuk kei kur aziyazi ma ad’eng ma ngunguna ki zlaka á i gen ang Ma didina Alo mamina, a mba lang mandarang mi.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Matiye 8:11

Wani an nga ni dagiya, suma ablaud’a a mba tcholï abo ma yorogona kabo ma fladegena, a mba kak avun tabulâ ki Abraham azi ki Isak ki Jakob sä kur leu d’a akulod’a.

2 Tasaloni’â 2:8

Ata yi máma, Ma tchona mba mi nde tam mbei ir suma. Ni ma Salad’a Jesus mba mi tchum mbei ki fo d’a avunambina, mba mi b’lagam mbei ki b’o mamba fata mam mba mi mbad’a.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 12:10

Bugola, an hum del la ad’eng nga ti tcholï akulod’a, ti dan ala: Ki tchetchemba, suta kad’enga ki leud’a hAlo meinid’a kad’enga hi Christ mamid’a a mba wa, kayam ma tchuk zlad’a yam b’oziyoina avok Alo meina andjege ki faleina, a gumïya wa kä woi yam andagad’a da’.