Isai 59:14 - Bible azumeina

¹⁴ Sariya d’a gagazid’a ti nga d’i, d’ingêra ti nga d’uo mi, kayam gagazid’a ti nga aduk suma d’i, d’ingêra ti nga d’uo mi.

Isai 59:14 Iomraidhean Croise

1 Amuleina 21:10

Agi tchologi suma asa’atna mbà avoromu, a tchugum zlad’a kam ala: Ang ngul Alona, ang ngul amulâ mi! Bugola, agi im mbei kel azina, agi durum kahinad’a baba, mi mid’a.

1 Amuleina 21:11

Suma nglona ki suma nglo suma avok suma kur azì ma Nabot mi nga kuana, a le d’igi Jezabel ti dazi kur mbaktum mata na mi.

Sawal la giled’a 119:150

Suma a djobon vunan suma murud’umba, a hud’ï wa go gevenu; ni suma a wal lei dei ki gat mangina.

Ma tchi wala 3:16

Wana ni vama an wum yam andagad’a ka hina: Asa’ata ti vrak balum sariya d’a ka d’a irata, asa’ata ti vrak balum d’ingêra mi.

Isai 1:21

Ang azì ma amul ma d’engzengâ, ni nana ba, ang mbut d’igi atcha d’a gaulangâ na ge? Angî ma a nga ka sariya d’a d’ingêra kurung adjeuna, angî ma a nga le sun nda irata kurung adjeuna mi. Wani ki tchetchemba, suma tchi matna a nga kaka kurungî aziya.

Isai 46:12

Agi suma hurugi b’ala suma walagi woi dei ki d’ingêrina, agi humugiya.

Isai 5:23

Azi nga pat zlad’a woi yam sama zlad’a kama á fe bege d’a mbut ira, a nga mbut zlad’a hi sama d’ingêrîd’a tchod’a mi.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Isai 59:11

Ami nga tchimi d’igi ambur ma a yum ala ursâ na, ami nga yoromi tami d’igi gugud’a na, ami tinimi hurumi ni yam sariya d’a d’ingêra, wani ami nga fat ti, ami nga halami suta, wani ti wal lei dei ki sed’emiya.

Isai 59:4

Agi nga kalagi yam tagi ata lovod’ot ti, agi nga dagi zlad’a ki gagazid’a d’i, agi tinigi hurugi ni yam ahle suma hawa ya’â, agi dagi ni zla d’a kad’a, agi nga vagi wir ra tchod’a, agi vud’ugi ni murud’umba.

Isai 59:9

Kayam ndata, sariya d’a ka d’a d’ingêra ti wal lei dei ki sed’emiya, suta ti wal lei ki sed’emi mi. Ami tinimi hurumi yam b’od’a, gol wani, nduvunda ti mba ni ndad’u, ami halami yima hap ma titilâ, wani ami nga tid’imi ni kur nduvun nda i’îlika.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Jeremi 7:28

Bugola, ang dazi ala: Agi nandjaf ma bei hum vun Ma didina Alo magina. Agi ni suma min hum ngopa d’uo na, agi aragi d’engzenga woyo, agi tuvot tei mi.

Daniel 8:12

A hum azigar suma akulona kahle suma ngat buzu suma burâ ki burîna abom kayam tcho d’a led’a. Adif máma mi mbut gagazi d’a yam andagad’id’a yat kä, nga mi i avogovok kur sun mamba.

Wana ni mbaktumba hi Oze-d’a 7:1

Ma didina mi dala: Ata yima an min le sum mana djivid’a an min sut Israel-lîna, tchod’a hi suma Efraim-mid’a ki tchod’a hi suma Samari-nid’a, mba d’i buzuk kei avoronu. Kayam azi ni suma ka zlad’a, suma kula a nga kal avo, suma tchigeta a nga tchola ir palumba á b’lak ahlena mi.

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Amos 5:7

Agi ni suma mbud’ugi zla d’a irata yat kä na, agi ni suma mired’egi d’ingêra kä andagana.

Amos 6:12

Akulumeina a ndak á djang akulo yam ahinad’a zu? Suma a ndak á zum akulo yam ahinad’a kamuzleina zu? Ni kayam me ba, agi mbud’ugi zla d’a irata d’igi kuma ma tchi matna na, agi mbud’ugi d’ingêra d’igi vama aglarâ na mi ge?

Habakuk 1:4

Ni kayam ndata ba, gata mbut ab’lenga, d’ingêra ad’engêt nga d’uo mi. Kayam ma tchona nga mi kus yam ma d’ingêrâ; sariya d’a kad’a pî, d’ingêra nga kua d’uo mi.