Isai 59:13 - Bible azumeina

¹³ Ami lami tchod’a avorongû, ami mbud’ung irangû, ami walami woi dei ki ang Alo mamina, ami dami ni zla d’a asa’ata, ami ni suma so vuna, ami dami ni zla d’a kad’a, ami ni suma guruyômi kä kurumi krovona.

Isai 59:13 Iomraidhean Croise

Wana ni mbaktumba hi Job-pa 31:28

ndata ni tcho d’a suma ka sariyad’a a ndak á ka sariyad’a kata, an tin ni vunan yam Alo ma sä akulona mi.

Sawal la giled’a 18:21

Ma didina mi lan djivid’a ni yam d’ingêr manda, mi hulong lan djivid’a ni kayamba abon do nga vama tcho d’uo d’a.

Sawal la giled’a 78:36

Wani azi nga lobom ki zla mazi d’a ded’a, azi nga kam zlad’a mi.

Zla d’a d’ogolâ 30:9

Le an nde kur duzîd’a ni, dam an mba ni tin vunan ni dala: Ma didina ni nge ge kla. Le houd’a kal kanu ni, dam an mba ni kula, ni ngulung simiyêng ang Alo mana kla.

Isai 10:1

Ni zla d’a hohoud’a yam suma a nga he vun ma ata yam mbuo na, yam suma a nga tin gat ta d’ingêr ruo d’a

Isai 30:12

Kayam ndata, Ma tin tam irat vat yam Israel-lîna mi dala: Kayamba agi noyôgi zla manda, agi tinigi hurugi yam asa’ata ki zla d’a ka d’a ata yat tuo d’a, agi mbud’uzi nahle suma agi dengêgi tagi atazina,

Isai 31:6

Agi Israel-lâ, agi hulongôgï gen ma agi aram mbei ki iragi fafatna.

Isai 32:6

Kayam suma lilid’a a de ni zla d’a lilid’a, huruzi ni tinda yam sun nda tchod’a á le sun nda ata yat tuo d’a, á de zla d’a tchod’a yam Ma didina mi. A nga he tena mi sama meid’a tchuma d’i, a nga d’el lovota á he mbina mi sama vunam sona mi.

Isai 48:8

Wani agi humugi nga d’i, agi min wagi ad’ud’a d’i, agi djib’eregi nga d’uo mi. An wagi agi ni suma mbut ira ki vut magid’a dei, a yagi ala suma tchila yam gata mi.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Isai 57:11

Agi lagi mandarâ nabo nge ba, agi kandi zlad’a, agi djib’eregi kan nduo, agi walagi woi dei ki an nge? An kak bei de zlad’a ni dedei. Ni kayam ndata ba, agi nga gagi yagi kä avoron nduo wana.

Isai 58:13

Le ang d’el tang bei tita kur bur ma sabatna á le min manga kur bur man ma an tinim iram vama d’uo, le ang mbut bur ma sabatna ni bur mang ma furîd’a, ang tinim iram vam á suburun an Ma didina, le ang suburum ná tit yam min manga d’uo, á le vama ang hurung minima d’oze a de zla d’a hawa yaka d’uo mi ni,

Isai 58:2

Burâ pet azi nga halanu, a min á we lovot manda d’igi andjaf suma a nga tit yam d’ingêra suma a nga wal lei ki gat ta Alo mazina mi tinizizid’a d’uo na na, a nga halan ala an tinizi gat ta d’ingêra, azi min ala an hud’ï geveziya.

Isai 58:9

Ata yi máma agi mba yagi Ma didina, mam mba mi humugiya. Agi mba eregi ad’ugi akulo, Ma didina mba mi hulong dala: An wana! Le agi aragi bei tinigi aneka kel suma, le agi aragi bei d’ek suma, le agi aragi zla d’a de d’a asa’ata mi suma,

Jeremi 12:8

Sumala ni mana na, a mbut azlona kan aduk agud’a, a nga toï breîd’a atanu. Ni kayam ndata ba, an noyôzi woyo.

Jeremi 17:13

Ma didina, angî ma Israel-lâ a tin huruzi kangâ, suma a arang ngeina, zulona mba mi laziya; suma a wal lei ki sed’engâ a mba dap pei d’igi simi ma a b’irim kä aduk andaga d’a gugud’upa na, kayam a arang ang Ma didina mbiyo ma lau ma arid’a woyo.

Jeremi 2:13

Kayam sum mana a le tchod’a yazi mbà. Nala, a aran an mala ni mbiyo ma lau ma arina na woyo, a ka golongeî suma ndak nga á ve mbina d’uo na kam kua kam kua ki tazi vazi mi.

Jeremi 2:16

Suma Memfis-sâ ki suma Tapanes-sâ pî a mba welegi ma dumaragiya.

Jeremi 2:17

Israel-lâ, ahle ndazina a mba hina pet ni kayamba agi aragi Ma didina Alo magina woi ata yima nga mi tagagi lovot ta djivid’ina d’uo zu?

Jeremi 3:10

Hina pet pî, b’oziyozi suma Juda suma bei d’engzengâ a hulongî nga geven ki hur ma tuna d’i. An Ma didina ni de na.

Jeremi 3:20

Wani an Ma didina ni dagi ala: Agi Israel-lâ, agi mbud’un iran d’igi atchad’a ti mbut ir ndjuvut na.

Jeremi 32:40

An mba ni djin vun Ma djin ma didina ki sed’eziya, an mba ni wal lei ki sed’ezi d’i. An mba ni lazi djivid’a, an mba ni kal mandar mana kuruziya, kayambala azi wal lei ki sed’en nduo d’angû d’a.

Jeremi 42:20

Ni agi ba, lobogi tagiya, kayam agi sunun gen Ma didina Alo magina ala: Ang tchen Ma didina Alo mamina yam djivi mamid’a. Ahlena pet suma Ma didina Alo mamina mba mi dangzina, ang vamizi ad’uzi woyo. Ami mba lami sunda kaziya.

Jeremi 5:23

Wani sum ndazina a ni suma yam mba ad’enga, ni suma bei hum vuna. Azi nga hulong tchuk tazi á i yi mazina.

Ezekiyel 18:25

Agi nga dagi ala: Lovota hi Ma didinid’a nga d’ingêr ri. Agi Israel-lâ, agi humagiya. Ni lovot manda ba, ti nga d’ingêr ruo zu? Ni lovot magid’a ba, ti nga d’ingêr ruo d’ö gi?

Ezekiyel 6:9

Suma a mba sut tei ndazina a mba djib’er kan aduk andjaf suma a mba izi magomba kuana. A mba djib’er kan ata yi máma, kayam an ni tozi huruzi ma mizeuna ki irazi d’a nga sod’a á le gaulangâ ki filei mazinid’a woyo. Azi tazi mba gol tazi ni suma ndjendjed’a yam sun nda tcho d’a azi lata ki sun mazi d’a ndjendje d’a lara ge pet mi.

Wana ni mbaktumba hi Oze-d’a 1:2

Wana ni zla d’a Ma didina mi dat avok mi Oze-d’a: Mi dum ala: Ang i veï atcha d’a nga d’i le gaulangîd’a. Gro suma ang mba vud’uzi ki sed’etna a mba le ni gaulangâ hina mi. Kayam suma kur ambasina a he tazi á le gaulangâ, a hazigazi mi an Ma didina.

Wana ni mbaktumba hi Oze-d’a 6:7

Agi bud’ugi vun ma djinda kä woi d’igi Adam na. Ni kua ba, agi mbud’um iranu.

Wana ni mbaktumba hi Oze-d’a 7:1

Ma didina mi dala: Ata yima an min le sum mana djivid’a an min sut Israel-lîna, tchod’a hi suma Efraim-mid’a ki tchod’a hi suma Samari-nid’a, mba d’i buzuk kei avoronu. Kayam azi ni suma ka zlad’a, suma kula a nga kal avo, suma tchigeta a nga tchola ir palumba á b’lak ahlena mi.

Wana ni mbaktumba hi Oze-d’a 7:13

Ni zla d’a hohoud’a kaziya, kayam azi wal lei dei ki sed’enu; b’laka nga d’i mba kaziya, kayam azi le tchod’a avoronu. An min á sud’uziya, wani azi dan ni zla d’a kad’a.

Amos 6:12

Akulumeina a ndak á djang akulo yam ahinad’a zu? Suma a ndak á zum akulo yam ahinad’a kamuzleina zu? Ni kayam me ba, agi mbud’ugi zla d’a irata d’igi kuma ma tchi matna na, agi mbud’ugi d’ingêra d’igi vama aglarâ na mi ge?

Matiye 10:33

Wani sama lara ma mi tin vunam kan avok sumina, an mba ni tin vunan kam avok Abun ma sä akulona ala an wum nga d’uo mi.

Wana ni mbaktum mba Paul mi b’irit mi Tit-ta 1:16

A nga dala azi wAlona, wani kur sun mazi d’a led’a a tin vunazi kamu. Azi ni suma tchona, ni suma bei hum vuna, azi ndak á le sun nda djivid’a d’i.

Hebre-na 3:12

B’oziyona, agi gologi tagi djiviya, ar sa adigagi mi kak ki hur ma tcho ma bei he gagazid’a á wal lei kAlo ma arina d’i.

Jacques 1:15

Ata yima d’od’ok ka tchod’a ti ve wirîna, ti vut ni tchod’a. Le tchod’a ti djeng wa ni, ti vut ni matna.

Jacques 3:6

Sinda ni d’igi akud’a na. Ndat ni duniya d’a tchod’a, ti nga naduk hliu teya, nga d’i mbud’um ndjendjed’a pet. Nga d’i ngalei ari meid’a woi pet kaku d’a tcholï Jahanamid’a.

Josue 24:27

Josue mi de mablau d’a peta ala: Gola! Ahina d’a wanda mba d’i le glangâsâ keya, kayam ndat ti hum zla d’a pet ta Ma didina mi deizid’a, ti mba d’i le glangâsâ kagi kayambala agi tinigi vunagi yam Alo magina d’uo d’a.