Isai 59:11 - Bible azumeina

¹¹ Ami nga tchimi d’igi ambur ma a yum ala ursâ na, ami nga yoromi tami d’igi gugud’a na, ami tinimi hurumi ni yam sariya d’a d’ingêra, wani ami nga fat ti, ami nga halami suta, wani ti wal lei dei ki sed’emiya.

Isai 59:11 Iomraidhean Croise

Sawal la giled’a 119:150

Suma a djobon vunan suma murud’umba, a hud’ï wa go gevenu; ni suma a wal lei dei ki gat mangina.

Sawal la giled’a 119:155

Suta ti ni woi dei ki suma asa’atna, kayam azi nga hal ad’u gat manga d’i.

Sawal la giled’a 38:8

Hurun nga mi ngalan d’igi akud’a na, tan ndi galeî woi mi.

Sawal la giled’a 55:2

Alo mana, ang tin humang á hum tchen manda; ata yima an nga ni tchenengâ, ang ngei tang avoron ndi.

Sawal la giled’a 85:9

An min hum zla d’a Ma didina Alo mana mi data. Nga mi de zla d’a halasa mi mam suma d’engzeng suma iratna, kayam azi hulong kur lili mazid’a d’uo d’a.

Isai 38:14

An nga ni tchi d’igi ababeina mi tchina, an nga ni zam tan d’igi gugud’a na. Iran ndi mbut hohoud’a abo so d’a ni so iran akulod’a. Ma didina, an nga kur ndaka. Ang ndjununu.

Isai 51:20

Gro’â a nga seîd’a kä ir palum mba lara ge pet, a nga hle tazi hina b’enek kuo d’igi alafâ mi ve ki abeid’a na, abo ayîna hi Ma didinina, abo ngopa hAlo ma’îd’a.

Isai 59:14

Sariya d’a gagazid’a ti nga d’i, d’ingêra ti nga d’uo mi, kayam gagazid’a ti nga aduk suma d’i, d’ingêra ti nga d’uo mi.

Isai 59:8

Agi wagi nga lovot ta halasa d’i, agi nga tid’igi kur lovot ta gagazid’a d’i, agi tid’igi ni kur lovot ta gunda. Sama nga mi tit kuana nga mi we halasa d’uo mi.

Isai 59:9

Kayam ndata, sariya d’a ka d’a d’ingêra ti wal lei dei ki sed’emiya, suta ti wal lei ki sed’emi mi. Ami tinimi hurumi yam b’od’a, gol wani, nduvunda ti mba ni ndad’u, ami halami yima hap ma titilâ, wani ami nga tid’imi ni kur nduvun nda i’îlika.

Jeremi 8:15

Ei tini huri ni yam halasa, wani vama djivi nga mi mba d’i. Ei nga djubi yima suta, wani ahle suma mandarâ a mba ni aziya.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Hor ma tchina 3:17

Mi walan ndei ki b’leng nga halasa, an mar rei yam ahle suma djivina.

Ezekiyel 7:16

Mazi suma a mba arâ a mba ring akulo yam ahuniyôna d’igi gugu d’a kur horid’a na á sut taziya. Azi pet nge nge pî mba mi zam tam yam tcho mamba.

Wana ni mbaktumba hi Oze-d’a 7:14

Ata yima azi nga yana, a nga yan ki hur ma tuna d’i, wani azi nga tchi kur azang mazina, azi nga ze tazi d’igi suma bei wanina na á fe gemena, á fe guguzlud’a mi. wani azi nga son vunanu.

Nahum 2:7

Vun agrek ma avun alumina mi mal leyo, azì ma amula mi to kä woi mi.

Nahum 2:8

A ve wa alod’a, a i wa ki sed’ed’u, yugunei matna a nga zam tazi d’igi gugud’a na, a nga tchabozi kuruzi mi.