Isai 58:7 - Bible azumeina

⁷ agi b’rawagi te magina ki suma meid’a tchazina, agi vagi suma hou suma a nga ki yima kaka d’uo na avo hatagi mi. Le agi wagi sana gandilad’a ni, agi zlubum baruna atamu, agi hagi azigagi mi simiyêgi d’uo mi.

Isai 58:7 Iomraidhean Croise

Ad’u Tinda 19:14

Lot mi i fakuniyôm suma a nga tit yam gromina, mi dazi ala: Agi tchologi atogo zak! Agi buzugugi woi ata yima wana kayam Ma didina nga mi b’la’î azì máma. Wani akuniyôma a golomî d’igi mam dazi ni zla d’a sanda na.

Ad’u Tinda 19:2

mi dazi ala: Suliyona, an nga ni tchenegiya, agi mbeyegi avo hazong magina, agi mbuzugi asegiya, agi burugi kä to; ndjivin yorogo tua ba, agi igiya. Azi hulong dum ala: Hawa! Ami burumi nabu ka hî.

2 Sunda Hamuleinid’a 28:15

Suma a yazi simiyêzi akulo wana a tchol akulo, a yo suma a yozi hurumbina, a yo baru ma azi yomî hurumbina, a tchugum ata suma a ar gandilad’ina, a hazi baruna katuguruna, a hazi ahle suma tena kahle suma tched’a, a djinizi mbilizi mi. Suma ad’engêzi ndak á tita d’uo na, a yozi yam korona, a izi Jeriko kur azì ma ngol ma amulongeîna nga kuana gen b’oziyozina. Bugola, a hulong Samari.

Nehemi 5:5

Ami ni hliu ma tuna d’igi azi na, gromi suma andjofâ ni d’igi grozina na mi. Gola! Ami mbud’umi wa magumeina ki gromi suma andjofâ ki suma aropma, gromi suma aropma ablaud’a a seî wa abo sunda, ami nga ki va d’uo d’a, asine mamina ki guguzlu mamid’a a arî hi suma dingîna.

Wana ni mbaktumba hi Job-pa 22:7

Ang he nga mbina mi sama seîna d’i, ang he nga tena mi sama meid’a tchuma d’uo mi.

Sawal la giled’a 112:9

Nga mi b’rau ahligiyem mi suma houd’a; djivi mam mba led’a nga d’i dap puo mi. Mba mi mbut ngola, a mba suburum mi.

Zla d’a d’ogolâ 11:17

Sama we hohowa sumina mi le ni tam djivid’a, wani sama murud’umba mi le ni hliwim tchod’a.

Zla d’a d’ogolâ 22:9

Sama nga mi le suma djivid’ina, a mba b’e vuna kamu, kayam nga mi he te mama mi suma kid’aka.

Zla d’a d’ogolâ 24:11

Ang b’at tang á prut suma a nga izi á tchid’ina woyo, ang sut suma a nga izi á ngatina woi mi.

Zla d’a d’ogolâ 25:21

Le mang ma djangûna meid’a nga d’i tchumu ni, ang hum tena mi te; le vunam mi so ni, ang hum mbina mi tche mi.

Zla d’a d’ogolâ 28:27

Sama nga mi hahlena mi suma houd’ina, nga mi kid’ak ki, wani sama nga mi duk iram mbei kazina suma ablaud’a a mba gum vuna.

Isai 58:10

le agi hagi te magina tamba mi sama meid’a tchuma, le agi hobogi ma kid’aka ni, b’o magid’a mba d’i kal akulo yam nduvunda, nduvun magid’a mba d’i mbut ni d’igi afat ta falei d’ad’ara na mi.

Jeremi 22:3

Ma didina mi dala: Ar agi kagi sariya d’a d’ingêra, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Ar agi lagi angeina d’oze ma hokuyod’a d’oze ta modonod’a tchod’a d’i, ar agi lagi murud’umba d’i, ar agi tchagi suma bei zlad’a kazi ba na kä ata yima wana d’uo mi.

Ezekiyel 18:16

le nga mi b’at va abo sa kad’eng nguo, le nga mi hulong vama sana mi dengêmzina, le nga mi kul luo, le nga mi he te mama mi sama meid’a tchuma, le nga mi he baruna mi sama gandilad’a,

Ezekiyel 18:7

nga mi b’at va abo sa kad’enga d’i, nga mi hulong vama sana mi dengêmzina, nga mi kul li, nga mi he te mama mi sama meid’a tchuma, nga mi he baruna mi sama gandilad’a,

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Wana ni Zla d’a Djivi d’a Luc mi b’irita 11:41

Ar agi hagi he d’a hawad’a ahlena ni ki hurugi pet mi suma hohoud’a. Hina wani, ahlena pet a mba mbut yed’et kagiya.

Wana ni Zla d’a Djivi d’a Luc mi b’irita 19:8

Zake mi tchol akulo avok Salad’a, mi dum ala: Salana, gola! An nga ni wal ahle mana ki suma hohoud’a. Le an te va abo sa hawa ni, an hulong hum kam kua yan fid’i.

Wana ni Zla d’a Djivi d’a Luc mi b’irita 3:11

Mi hulong dazi ala: Sama nga ki barud’a mbàna, mi he tu mi sama nga ki d’uo na; sama nga ki tenina, mi le hina mi.

Sunda hi suma a sunuzinid’a 16:15

Kid’a ami lat batemba ki suma avo hatatna peta, ti tchenemi ala: Le agi wan ala an natcha d’a d’engzenga avok Salad’a ni, agi mbeï kagagi avo hatanu. Ti labami gak ami imi ki sed’ed’u.

Sunda hi suma a sunuzinid’a 16:34

Mi i ki Paul azi ki Silas avo hatamu, mi hazi tena, mi le furîd’a zlapa ki suma avo hatama pet, kayam azi he gagazid’a yam Alona.

Romê-na 12:13

Ar agi ndjunugi b’oziyogi suma a nga kur kid’akina. Ar agi lagi akoina ki furîd’a.

Gat ta a hat á mbàd’id’a 22:1

Moise mi de kua ala: Le agi wagi amuhlâ d’oze timina hi ndraginina nga mi i á bad’a woyo ni, agi aram mi ba woi d’i, agi vum im mi salama.

1 Timote 5:10

ni d’a suma a le glangâsâ yam sun mat ta djivid’id’a, ni d’a nga d’i ngom grotna djivid’id’a, ni d’a lakoyogeinid’a, ni d’a mbus asem suma hAlonid’ina, ni d’a ndjun suma hohoud’id’a, ni d’a le sunda djivi d’a lara ge pet mi.

Filemon 1:7

Wiyena, kayam o manga, tan ndi lan djivid’a heî; ti ndjunun mi, kayam ang b’leng hur suma hAlonina ngola.

Suma ka sariyad’a 9:2

Agi dagi mi suma nglo suma Sikem-ma pet ala: Na ni ni djivid’a tala Jerubäl grom suma dok kid’iziyana a tamula kagi ki zla tazi ped’u d’a zu? D’oze sama tuna mi tamula kagi ni mam zu? Agi djib’eregiya, an ni hliwigiya!