Isai 58:11 - Bible azumeina

¹¹ Ma didina mba mi ndjunugi teteu, mam mba mi hobogi ata yima so ma gangrasâ, mam mba mi hulong mi hagi ad’enga atagiya. Agi mba mbud’ugi ni d’igi asine ma a rabam mbinina na, d’igi golong nga mbiyo matna nga mi so d’uo d’a na mi.

Isai 58:11 Iomraidhean Croise

Wana ni mbaktumba hi Job-pa 5:20

Mba mi sud’ung ngei avun matna kur yima baktarad’a, mba mi sud’ung ngei avun mbigeu d’a fiyaka kur ayî ma durâ mi.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Sawal la giled’a 107:9

Mi he mbiyo ma tched’a mi sama vunam sona, sama meid’a tchuma mi hobom hayam mi.

Sawal la giled’a 25:9

Nga mi tin suma lulumana kur lovot ta d’ingêra, nga mi hat suma lulumana lovot mamba.

Sawal la giled’a 32:8

Ma didina mi dala: An mba ni had’angû, an mba ni tagang lovot ta ang tit kuad’a, an mba ni dang d’alâ, an mba ni tin iran kang mi.

Sawal la giled’a 33:19

á sud’uzi woi avun matna, á ndjunuzi á kak karid’a ata yima baktarad’ina mi.

Sawal la giled’a 37:19

Ata yima ndaka azi nga mbut zulona d’i, kur bur ma baktarad’a azi nga hoba.

Sawal la giled’a 48:14

Agi gologi gulumun mama, agi gologizi ad’eng mamba djiviya. Hina wani, agi mba dagizi zlam mbei mi suma kur atchogoi d’a nga d’i mba bugola, ala:

Sawal la giled’a 73:24

Ang nga tagan gat manga, bugola, ang mba van atang kur subur manga.

Sawal la giled’a 84:7

Ata yima azi nga kal kur hor ra Baka-d’ina, ti mbut hor ra djang mbina avoroziya, alo ma hod’ogeid’a mi mbud’ut ni yima a b’e vuna kama.

Sawal la giled’a 92:14

Azi ni d’igi agu ma nga ped’a kur gonga hi Ma didina Alo meinid’a na, a nga d’uf kur gulumun mama mi.

Zla d’a d’ogolâ 11:25

Sama mi le djivid’a mi sumina, mba mi mbut sama duzîna, sama nga mi he mbiyo ma tched’a mi sumina, a mba hum mbiyo ma tched’a mi.

Zla d’a d’ogolâ 13:4

Minda hi sama azulombid’a nga d’i mba ki va tu d’i, wani minda hi suma a le sunda akud’a kekengâ mba d’i mbazi ki duzîd’a.

Zla d’a d’ogolâ 28:25

Sama gol tam ala mam mi va na, nga mi djiu huneîd’a akulo, wani sama mi tin hurum yam Ma didinina mba mi kak kur duzîd’a.

Zla d’a d’ogolâ 3:8

Ahle ndazina a mba mbut ni lafiya d’a yam hliwinga, ni b’leng nga halas sa yam asogonga mi.

Sawal la kal teglesa 4:15

Nda’î ir mbiyo ma lau ma kur asinenina, nda’î golong nga lau d’a d’igila hirwilinga, nda’î toliyon nda djangî kä yam ahuniyô suma Liban-nid’a mi.

Isai 27:3

Ni an Ma didina ba, ni ngomod’u, an nga ni vot mbina ad’ut burâ ki burâ, an nga ni ngomot andjege ki falei kayambala va mi lat tuo d’a.

Isai 33:16

sa máma mba mi ka’î ata yima subura. Ahina d’a ad’eng nga ngingid’a mba d’i mbut ni yi mam ma ngei tama. A mba hum te mama ni ki halasa, mbiyo mam ma tched’a mba mi kid’agam mbi.

Isai 41:17

Suma hohoud’a ki suma houd’a a nga hal mbina, a nga fum mbi. Sinazi ti so abo vun ma sod’a. An Ma didina mba ni humuziya, an Alona hi Israel-lîna mba ni arazi woi d’i.

Isai 44:4

A mba deyâ, a mba wul djifâ aduk asuna d’igi da’ar ra avun mbinid’a na.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Isai 57:18

An we sun mazi d’a led’a da’, wani an mba ni sud’uziya, an mba ni ndjunuziya, an mba ni b’lengêzi huruzi zlapa ki suma a nga yor tazi ki sed’ezina mi.

Isai 61:11

Salad’a Ma didina mba mi deî suta ki giled’a avok andjaf suma pet d’igi andagad’a nga d’i deî ahlena na, d’igi asinena nga mi deî awu ma a nga zaramzi huruma na mi.

Isai 66:14

Agi mba wahle ndazina, agi mba lagi furîd’a kaziya, asogogi mba mi hulong fad’enga d’igi asuna na. Ma didina mba mi tak ad’eng mamba woi mazungeî mama, wani mba mi tak ayî mam ma bibiliuna woi mi mam suma djangûna.

Jeremi 17:8

Mi hle tamî d’igi agu ma a pum avun mbina ma sideyem mi i kä aduk mbiyo ma djangîna na, nga mi we huwaka d’i, humam ti ni d’ufa hina gugulî. Kur biza d’a sod’a pî, humam nga d’i lugot ti, nga mi ba bei vut tuo mi.

Jeremi 31:12

Azi mba mba yam yima nding ma Siyon-na ki sawal la furîd’a, tazi mba d’i lazi djivid’a yam ahle suma a mba fazi abo Ma didinina, nala, gemena, süm guguzlu d’a awilid’a, mbulâ, tumiyôna, b’ogeina kamuzleina mi. Azi mba mbut ni d’igi asine ma a nga rabam mbinina na. Va mba mi mbud’uzi mandar bugol luo d’a.

Ezekiyel 36:35

A mba dala: Ambas sa ar djonid’a ti mbut wa d’igi asine ma Eden-na na, azì ma nglo ma b’lak kei ma a tom kä woi mi ar djonina, mi mbut wa azì ma ad’eng ma ngunguna, suma a kak wa kua mi.

Wana ni mbaktumba hi Oze-d’a 13:5

An wagï ni hur ful ma yam andaga d’a so d’a gangrasina.

Jean 16:13

Fata Muzuk ma tak gagazid’a hAlonid’ina mbad’a, mba mi tagagi gagazid’a pet, kayam mam mba mi de zlad’a ni yam tam mbi, wani ahle suma mam humuzina pet ba, mba mi dagiziya, mba mi tagagi ahle suma a nga mbana mi.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Jean 7:38

Sama he gagazid’a kana, mbiyo ma arina halumina mba mi lau kurum d’igi mbaktumba hAlonid’a ti de na.

Gat ta a hat á mbàd’id’a 15:4

Le agi gagi yagi kä ad’u zlad’a hi Ma didina Alo maginid’a gagazi, le agi ngomogi vun ma he ma an hagizi inina ni, a mba fe sama hou adigagi d’i, kayam Ma didina Alo magina mba mi b’e vunam yam ambas sa mam nga mi hagizi d’a agi hlat á tat djona wanda.

1 Tasaloni’â 3:11

Ar Alona Abui tamba ki Saleina Jesus a malami lovota avoromi á iza hatagiya.