Isai 58:10 - Bible azumeina

¹⁰ le agi hagi te magina tamba mi sama meid’a tchuma, le agi hobogi ma kid’aka ni, b’o magid’a mba d’i kal akulo yam nduvunda, nduvun magid’a mba d’i mbut ni d’igi afat ta falei d’ad’ara na mi.

Isai 58:10 Iomraidhean Croise

Wana ni mbaktumba hi Job-pa 11:17

Kak mang nga yam andagad’id’a, mba d’i b’o kal afat ta falei d’ad’ara, yima nduvunda mba mi mbut ni d’igi b’o d’a yorogod’a na mi.

Wana ni mbaktumba hi Job-pa 31:31

Suma avo hatana a de nga ala: Ni nge ba, mam hobom nga ki hliu mama d’uo ge d’uo zu?

Sawal la giled’a 112:4

Ata yima yina mi mbut nduvundina, b’od’a nga d’i b’o woi yam suma d’ingêrâ, yam suma d’engzengâ, yam suma a le djivid’ina, yam suma a we hohowa sumina mi.

Sawal la giled’a 37:6

Mam mba mi ndang d’ingêr manga woi d’igi b’od’a na, sariya mang nga irata mba d’i nde woi d’igi afat ta faleid’a na.

Sawal la giled’a 41:1

Ni sawal la David mi hlat mi hat mi ma ngolâ hi suma hle sawalina.

Zla d’a d’ogolâ 14:31

Sama nga mi djop vun sama kid’akina mi ngulî Salam ma luma, wani sama mi we hohowa ma hohoud’ina mi suburî Salam ma mi luma.

Zla d’a d’ogolâ 28:27

Sama nga mi hahlena mi suma houd’ina, nga mi kid’ak ki, wani sama nga mi duk iram mbei kazina suma ablaud’a a mba gum vuna.

Isai 29:18

Kur yi máma suma ngela a mba hum zla d’a kur mbaktumbid’a. Ata yi máma suma duka a buzuguzï woi kur nduvunda ata yima wura ma i’îli’â, a mba we yina.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Isai 60:2

Gola! Nduvunda ti duk wa yam andagad’a, yima wurana mi duk wa yam andjaf suma mi. Wani Ma didina mba mi tchol akulo á b’o woi kagu, subur mamba mba d’i b’o woi kak mi.

Ezekiyel 18:16

le nga mi b’at va abo sa kad’eng nguo, le nga mi hulong vama sana mi dengêmzina, le nga mi kul luo, le nga mi he te mama mi sama meid’a tchuma, le nga mi he baruna mi sama gandilad’a,

Zakari 14:7

Bur máma ni bur ma mba mi ka’î iram vam zenena, Ma didina mi wumî mam hol, faleid’a nga d’uo mi na, andjeged’a nga d’uo mi, wani b’od’a mba d’i ndeï woi ni fladege.

Zakari 6:15

Suma a mba tcholï ata yima deina, a mba le sunda kur gong nga kud’ora hi Ma didinid’a. Kur bur máma agi mba wagi ala ni Ma didin ma ad’engêm kal petna ba, mi sununï gevegiya. Le agi gagi yagi kä ad’u Salad’a Alo magina gagazi ni, ahle ndazina pet a mba le na mi.

Wana ni Zla d’a Djivi d’a Luc mi b’irita 18:22

Kid’a Jesus mi hum zla ndatid’a, mi dum ala: Ang kid’ak va tu. Ang gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï tit ad’unu.

Gat ta a hat á mbàd’id’a 15:4

Le agi gagi yagi kä ad’u zlad’a hi Ma didina Alo maginid’a gagazi, le agi ngomogi vun ma he ma an hagizi inina ni, a mba fe sama hou adigagi d’i, kayam Ma didina Alo magina mba mi b’e vunam yam ambas sa mam nga mi hagizi d’a agi hlat á tat djona wanda.