Isai 58:1 - Bible azumeina

¹ Agi eregi ad’ugi akulo, agi bagi d’i, agi eregi ad’ugi akulo d’igi sana mi bu adifa na, agi tagagi sum mana tchila mazid’a, agi tagazi tchod’a hi suma hi Jakob-mid’a mi.

Isai 58:1 Iomraidhean Croise

Isai 2:5

Agi suma hi Jakob-ma, agi mbeyegïya. Ei tid’i kur b’od’a hi Ma didinid’a.

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Isai 40:6

Dela ti dan ala: Ang tchi wala! An hulong dala: An tchi wala nana ge? Ti hulong dan ala: Ang tchi wala ala: Suma pet a ni d’igi asuna na, subur mazid’a pet ti ni d’igi b’od’a hasu ma abageinid’a na mi.

Isai 43:27

Abugi ngolo ma avo’â mi le tchod’a, magi suma djok vuna a son vunan ndeyo.

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Isai 56:10

Suma ndjola hi Israel-lîna pet ni suma duka, a ni suma bei wed’a. Azi pet nadurei suma ngela, a ndak nga á bud’a d’i; azi ni suma adïd’a dazina; a burî kä, a tcho’î sena vam tu.

Isai 57:12

An mba ni de woi yam d’ingêr magid’a ki sun magid’a; agi mba fagi va ki sun magid’a d’i.

Isai 59:12

Kayam tchila mamid’a ti zul avorongû, tcho mamid’a nga d’i le glangâsâ kamiya, tcho mamid’a ti nga b’ala kamiya, ami wami tchila mamid’a.

Jeremi 2:2

Ang i de mi suma Jerusalem-ma ala: Ma didina mi dala: Humun gan yam o mak ka ndak nga ki sed’et ki weyek ata yima ndak tit blogon kid’a an kaka, ata yima ndak tit blogon kur ful ma gangras ma bei sa mi zumum ba na.

Jeremi 36:9

Kur biza d’a vahl hla Jojakim Josiyas goroma amul ma Juda-na nga mi tamulid’a, kur til ma zlengîna a tchi wala yam bur ma d’el tad’a bei te tena avok Ma didina yam suma Jerusalem-ma ki suma a mbeï kur azì ma nglo ma Juda-na avo Jerusalem-ma pet mi.

Jeremi 6:17

An tin suma ndjola gevegi go. Agi tinigi humagi humugi tchina hadifina. Wani azi hulong dala: Ami min tin humami á humba d’i.

Hor ma tchina 2:14

Mak suma djok vuna, ahle suma a nde tazi woi irazina nahle suma ka zlad’a, nahle suma hawa ya’â. A nga vak ad’u tcho maka woi d’i. Ladjï a le na ni, a d’elek wa bei i magomba. Ahle suma a nde tazi irazi suma azi nga vaksi ad’uzina ni zla d’a hawa yak ka ka zlad’a.

Ezekiyel 11:4

Kayam ndata, ang djogozi vuna. Ang gor sana, ang djok vuna.

Ezekiyel 16:2

Ang gor sana, ang tak Jerusalem sun mat ta ndjendjed’a.

Ezekiyel 20:4

Ang gor sana, ang min á kazi sariyad’a kazi zu? Ang kazi sariyad’a kazi bei gigrita, ang tagazi tchod’a habuyozi ngolod’a woyo.

Ezekiyel 22:2

Ang gor sana, ang min tang ang ka sariyad’a yam azì ma ngol ma tchi mat máma. Ang le gigrit ti, ang tagam sun mam mba tcho d’a ndjendjed’a woyo.

Ezekiyel 23:36

Ma didina mi dan ala: Ang gor sana, ang min tang á ka sariyad’a yam Ohola ki Oholiba. Ang dazi woi yam sun mazi d’a ndjendjed’a,

Ezekiyel 33:3

Le ma ndjol máma mi we suma djangûna a nga djïya ni, mi bu adifa á ge suma humaziya,

Wana ni mbaktumba hi Oze-d’a 8:1

Ma didina mi dan ala: Oze, ang tin adifa avunangû, kayam ma djangûna nga mi dal akulo yam andagad’a hi an Ma didinid’a d’igi b’aruna na, kayam Israel-lâ a but wa vun man ma djinda woyo, a tchila wa yam gat manda mi.

Jonas 1:2

Ang tchol i kur azì ma ngol ma Ninif-fâ, ang ngobozi kad’enga, kayam an we tcho mazid’a ti kal ngola heî gak ti mba akulo geven ka hî.

Wana ni mbaktum mba Paul mi b’irit mi Tit-ta 2:15

Ang had’azi ahle ndazina, ang gigid’ezi mi. Ang ngobozi ki vun ma hed’a. Ar sa mi golong is si.

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.

Vama ndum mbeina 4:1

Bugol ahle ndazina, vama dingâ mi nde tam mbei iranu. An we vun azì ma akulona mi mal leyo. Del la ti tchi d’igi adifa na d’a an humut avoka ti dan ala: Ang djagï ka hî. An mba ni tagang ahle suma a nga mba bugolâ.