Isai 57:4 - Bible azumeina

⁴ Agi lazagi ni nge ge? Agi ngogi vunagi woi hagak agi trâgi sinagi bibiliu nata nge ge? Agi ni gro suma bei hum vuna d’uo zu? Agi nandjaf ma ka zlad’a mi d’uo zu?

Isai 57:4 Iomraidhean Croise

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

Sawal la giled’a 22:13

Man suma djangûna a nga mola geven d’igi amuzlei suma andjofâ na, a nguyun d’igi amburei suma ayî suma Basan-na na.

Sawal la giled’a 22:17

Suma murud’umba a nga ngui gevenu, a nguyun kä d’igi ades adureina a ngui suma na, a b’alan abon kasenu.

Sawal la giled’a 22:7

An mbut ni d’igi ndjuvulâ na, an ni sa d’i; suma a ngulunu, suma a golon is mi.

Sawal la giled’a 35:21

Azi mal vunazi woi atanu, a dala: Âhâ! Âhâ! Irei wum wa!

Sawal la giled’a 69:12

An tchuk dodora atanu, wani an mbut ni va mazi ma lasa.

Buzuk ka Abud’a 9:17

Le ang d’el sum mana, le ang arazi a i nga d’uo ni,

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.

Isai 10:15

Na ni andjetna mi subur tam yam sama nga mi le sunda ki sed’ema zu? D’oze sïna mi le yam mba ad’enga ki sama mi ngat aguna ki sed’ema zu? Le ni na ni, ni d’igi totogod’a ti giget sama nga mi hlat akulona na, ni d’igi tatagama nga mi hle sama ala naguna d’uo na akulo na mi!

Isai 30:1

Ma didina mi dala: Ni zla d’a hohoud’a yam agi gro suma bei hum vuna ba na. Kayam agi nga lagi sunda yam nga hur ma tcholï nga atan nduo na, agi nga djinigi vunagi yam zla d’a bei an kua ba d’a á tok tchod’a yam ndrat tchod’a.

Isai 30:9

Kayam sum ndazina a ni suma bei hum vuna, a ni gro suma ka zlad’a, a ni gro suma a nga hum gata hi an Ma didinid’a d’uo na mi.

Isai 37:23

Ang ngulî nge? Ang kra’î nge? Ang er ad’ung akulo a lazî nge? Ang hle yang akulo ni yam nge? Ni an Alo ma tin tan irat vat yam Israel-lîna.

Isai 37:29

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djamad’a avunang mi, an mba ni tanang hulongông avo hatang kur lovot ta ang hlad’ïd’a.

Isai 48:8

Wani agi humugi nga d’i, agi min wagi ad’ud’a d’i, agi djib’eregi nga d’uo mi. An wagi agi ni suma mbut ira ki vut magid’a dei, a yagi ala suma tchila yam gata mi.

Isai 57:5

Agi ni suma hologi tagi ad’u atchinda ad’u agu ma lara ge ma angusîna d’uo zu? Agi ni suma a nga ngad’agi grogina kä kur hora angra ahuniyônina mi d’uo zu?

Jeremi 20:8

Ata yima lara ma an de zlad’ina, an erï ad’un akulo mbeî ala: Murud’umba ki djop vuna a mba. Kayam ndata, zlad’a hi ang Ma didinid’a, ti mbut ni vama ngula ki vama sanda kan burâ pet.

Ezekiyel 2:4

Ni suma zulo nga irazi d’uo na, suma huruzi b’alina. An nga ni sunung geveziya. Ang i dazi ala: Wana ni zla d’a Salad’a Ma didina mi data.

Wana ni mbaktumba hi Oze-d’a 10:9

Ma didina mi dala: Agi Israel-lâ, agi lagi tchod’a avo Gibeya adjeu dei, gak ini agi nga igi avogovok kur tchod’a. Na ni ayîna mi nde nga yam suma tchona avo Gibeya d’uo zu?

Ndumba 16:11

Ni kayam ndata ba, ang ki sum mangâ pet, agi ndjagagi vunagi kagagi djangûna ki Ma didina! Aron ni nge ko ba, agi guruyôgi kam ge?

Matiye 13:38

Asinena ni duniyad’a; andjaf ma djivina ni gro suma a mba te leud’ina; barumba ni Ma tchona groma.

Matiye 27:29

A tchil avaval aweid’a, a kulubumzi kamu. A dengêm tchereuna abom ma ndjufâ, a grif kä avoromu, a nga lazam ala: Lafiya, amulâ hi Juif-fîna, ami gang depa.

Wana ni Zla d’a Djivi d’a Luc mi b’irita 10:16

Jesus mi de mi mam suma hata kua ala: Sama mi humugina, humun ni anu; sama noyôgina, mi noyôn ni an mi; sama mi noyôna, mi noî ni Ma sununïna.

Sunda hi suma a sunuzinid’a 9:4

Mi puk kä, mi hum dela ti dum ala: Saul, Saul, ni kayam me ba, ang djobon vunan hina ge?

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

Kolos-sâ 3:6

Ni kayam ahle ndazina ba, ayîna hAlonina nga mi mba yam suma bei humum vunam ba na.

Josue 10:21

Ata yi máma azigar suma Israel-lâ a hulong gen Josue kur kangâ avo Makeda ki halasa bei sa mi dazi zla d’a tcho ba.

2 Pierre 2:13

Wani Alona mba mi wuragazi ki ndak ka azi lat mi suma hiunid’a. A nga le furîd’a kur djib’er mazi d’a tchod’a falei d’ad’ar ata yima azi nga te te magina ki furîd’a ki lop ir mazid’ina. Azi ni vama zulona ki vama dap asema mi.