Isai 57:2 - Bible azumeina

² Sama nga mi tit kur lovot ta d’ingêrina mba mi kal kur halasa, mba mi tuk tam yam azang mama mi.

Isai 57:2 Iomraidhean Croise

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

2 Sunda Hamuleinid’a 16:14

A tozom kur zul la mam djugud’ot kur Azì ma ngolâ hi David-nid’a, a gum yam azang ma a lum andjaf mbul ma his ma afufuîna teteng atam ma sama yor mbulâ mi yoroma, a ngalam mbul ma his ma afufuîna ngola kal leyo.

Wana ni mbaktumba hi Job-pa 3:17

Sä ata yi máma suma asa’atna a nga le murud’umba kua d’i. Sä ata yi máma suma a kau suma ad’engêzi nga d’uo na a tuk tazi kua.

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Isai 14:18

Amuleina handjaf sumina pet, gagazi, azi pet, nge nge pî mi i kä kur zul mamba ki subura.

Isai 26:7

Lovota hi suma d’ingêrîd’a, ti ni d’ingêr. Angî ma d’ingêrâ, ang nga blas lovota hi suma d’ingêrîd’a kä.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

Ezekiyel 32:25

Amul ma Elam-ma mi nga burâ yam azang mama ki azigar mama aduk suma a tchazi avun ayînina. Asud’a hi azigar mamid’a ti nguyumu. Suma bei ngat bayâ ndazina pet a tchazi navun ayî ma durâ, azi ni suma a mbut suma a nga kaka ki irazi yam andagad’ina mandarâ adjeuna. Azi mbut zulona zlapa ki suma azulei suma ding suma a tchazi avun ayînina.

Daniel 12:13

Wani ang Daniel, ang i d’o gak bur mang ma dabid’a. Ang mba mid’a, wani ang mba tchol akulo á ve wurak manga kur atchogoi d’a dabid’a.

Matiye 25:21

Salama mi dum ala: Djivi heî, ang azong ma djivi ma d’engzengâ. Ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Wana ni Zla d’a Djivi d’a Luc mi b’irita 16:22

Ma houd’a mi mid’a, malaikana a hlum sä gen Abraham. Ma ndjondjoîna mi mit mi, a tozomu.

Wana ni Zla d’a Djivi d’a Luc mi b’irita 2:29

Ki tchetchemba, Salad’a, ar an azong mangâ ni mit ki b’leng nga halasa d’igi ang de na.

Wana ni Zla d’a Djivi d’a Luc mi b’irita 7:50

Wani Jesus mi de matcha ndata ala: He gagazi maka sud’uk wa; ndak i lafiya.

2 Korente-na 5:1

Ami wami ala le zlub’u mami d’a yam andaga d’a ka hid’a ti b’lak keyo ni, Alona nga mi ngomomi yami ma kak ma sä akulona, ni ma mam tam minima, ni ma mba mi kak didina, ni ma sa mi minima d’i.

2 Korente-na 5:8

Kayam ndata, ami nga vami tamiya, ami minimi á wal ki hliu tad’a á i kagami ki Salad’a, djivid’a kala.

Filip-ma 1:23

Wani an nga hepa aduk ahle suma mbà ndazina. An djib’er ala le an i kak ki Christ-zu ni, ni vama kal teglesâ.

Vama ndum mbeina 14:13

An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.