Isai 57:18 - Bible azumeina

¹⁸ An we sun mazi d’a led’a da’, wani an mba ni sud’uziya, an mba ni ndjunuziya, an mba ni b’lengêzi huruzi zlapa ki suma a nga yor tazi ki sed’ezina mi.

Isai 57:18 Iomraidhean Croise

Sawal la giled’a 23:2

Nga mi tinin ata hat ma nguloma, nga mi tinin avun mbiyo ma d’igil ma hirwilingâ.

Sawal la giled’a 51:12

Alo mana, ang mbud’un ndei yed’et, ang han djib’er ra djivi d’a ndaka kurunu.

Sawal la giled’a 94:19

Ata yima an nga ki djib’er ra tetengina, ang nga b’lengên hurunu, ang nga han furîd’a mi.

Ma tchi wala 9:4

Sama nga ki irama mi ndak á tin hurum yam va. Adi ma arina mi kal azlo ma matna mi!

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 19:22

Ma didina mba mi to Ezipte-na; mba mi tozi mi kazi mbuleina, wani mba mi tchilizi mbiliziya. Azi mba hulongî gevemu, mam mba mi humuzi tchen mazid’a, mba mi sud’uzi mi.

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Isai 30:26

Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Isai 51:12

Ma didina mi dala: Ni an ba ni b’lengêgi hurugiya. Angî nge ba, le mandara sama mba mi mitna d’oze sana gorom ma d’igi asuna na na ge?

Isai 52:12

Agi b’ad’agi tagi á buzuka d’i, agi buzugugi woi ki ringâ d’uo mi, kayam Ma didina mi nga avorogiya, Alona hi Israel-lîna mba mi kak ndjola blogogi mi.

Isai 53:5

Wani mi fe mbilâ yam tcho meid’a, a mired’emî yam tchila meid’a. Ni to d’a a tomba ba, ti mbeï ki b’leng nga halasa; ni kayam duru mamba ba, ei fei ki suta.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 58:11

Ma didina mba mi ndjunugi teteu, mam mba mi hobogi ata yima so ma gangrasâ, mam mba mi hulong mi hagi ad’enga atagiya. Agi mba mbud’ugi ni d’igi asine ma a rabam mbinina na, d’igi golong nga mbiyo matna nga mi so d’uo d’a na mi.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Jeremi 3:22

Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.

Jeremi 30:17

Ma didina mi dala: A nga yagi ala Suma a arazi woina, a nga de kagi ala Siyon nda sa nga mi djobot zlat tuo d’a. Kayam ndata, an mba ni mbud’ugi lafiya, an mba ni tchiligi mbiligi mi.

Jeremi 31:3

Ma didina mi tagan tam adjeu dei mi dan ala: An le ka’î ki o d’a bei dabid’a. Kayam ndata, an nga ni tagak we hohou manda.

Jeremi 33:6

Wani an mba ni hum lafiyad’a, an mba ni tchilim mbilim d’igi sana mi tchil mbilâ hi sanina na, an mba ni ar suma kuruma a kak ki b’leng nga halasa ki d’engzenga ngola.

Zakari 1:13

Ma didina mi hulong ki zla d’a de d’a djivid’a ki zla d’a b’leng hurâ mi malaika mám ma nga mi de zlad’a ki sed’ena.

Wana ni Zla d’a Djivi d’a Luc mi b’irita 15:20

Mi tchola, mi i gen abumu. Kid’a mam sä woi hina dei tua d’a, abum mi wumu, mi wum hohowomu, mi ring d’ugulomu, mi vum atam ki furîd’a.

Romê-na 5:20

Wani ata yima gata ti mbana, tchilid’a ti zula. Wani ata yima tchod’a ti zulâ, sumad’a hAlonid’a ti zul ngola kala.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.