Isai 57:13 - Bible azumeina

¹³ Fata agi tchigid’a, ar filei magi ma ablauna mi prud’ugi woyo, ar simetna mi yozi woi pet, ar fod’a ti felezi woi mi. Wani sama ngei tam atana, mba mi tambasa djona, mba mi kak yam ahina man nda an tinit irat vata mi.

Isai 57:13 Iomraidhean Croise

2 Amuleina 3:13

Elise mi de mamul ma Israel-lâ ala: Vama ndolong ki sed’en ni me ge? Ang i djop suma djok vuna habungâ d’oze suma hasungâ. Amul ma Israel-lâ mi hulong dum ala: Nga na d’i! Ni Ma didina ba, mi yami ami amulei suma hindina ka hî á hami abo amul ma Mowap-ma.

Wana ni mbaktumba hi Job-pa 21:18

Tala azi mbut d’igi hububu ma simetna nga mi felema na, d’oze d’igi ahlapma mbirlimba nga d’i felema na d’a ge?

Sawal la giled’a 1:4

Wani suma asa’atna a nga hina d’i. Azi ni d’igi bra d’a simetna mi felet teid’a na.

Sawal la giled’a 118:8

Vama kalâ, ang hal yima ngeid’a ata Ma didina, kal la ang tin hurung yam sanid’a.

Sawal la giled’a 125:1

Ni sawal la suma a djak Jerusalem á lü vun tilîna a hlata. Suma a deng tazi ata Ma didinina, azi ni d’igi ahina d’a Siyon nda nga d’i giget tuo d’a kaka hina ngingring gak didinda na.

Sawal la giled’a 37:11

Wani suma lulumana a mba tandagad’a djona, azi mba le furî d’a ngola kur b’leng nga halas sa kal teglesa.

Sawal la giled’a 37:22

Suma Ma didina mi b’e vunam kazina a mba tandagad’a djona, wani suma mi gazi vunina a mba tchazi woi mi.

Sawal la giled’a 37:29

Suma d’ingêrâ a mba tandagad’a djona, azi mba kak kat gak didin.

Sawal la giled’a 37:3

Ang deng tang ata Ma didina, ang le djivid’a mi. Hina wani, ang mba kak yam andaga manga, ang mba kak ki b’leng nga halasa mi.

Sawal la giled’a 37:34

Ang tin hurung yam Ma didina, ang tit kur lovot mamba; mam mba mi hlang yang akulo, ang mba tandagad’a djona. Fata mi tchi suma asa’atna woid’a, ang mba wazi ki irangû.

Sawal la giled’a 37:9

Kayam suma asa’atna, a mba tchazi woyo, wani suma a nga djup Ma didinina a mba tandagad’a djona.

Sawal la giled’a 58:9

Ar azi lau woi d’igi dubangâ na, ar azi wafata d’uo d’igi hur ma nded’a na mi.

Sawal la giled’a 84:12

Ma didina, Alo mamina, angî afata, angî mbareid’a, angî ma ve sumad’a, angî ma subur suma, ang nga d’el djivi manga mi suma a nga tit d’ingêr avorongâ d’i.

Zla d’a d’ogolâ 28:25

Sama gol tam ala mam mi va na, nga mi djiu huneîd’a akulo, wani sama mi tin hurum yam Ma didinina mba mi kak kur duzîd’a.

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Isai 14:32

A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.

Isai 25:4

Kayam angî yima ngeid’a hi suma amangeînina, angî yima ngeid’a hi suma hohou suma a nga kur ndakina, angî anguzu ma mi d’el alo ma mi se ki babarîna, angî anguzu ma mi d’el huwakina mi. Kayam zla d’a nga d’i ndavun suma a nga te yam suma kad’engina, ti ni d’igi alo ma mi se ki babarâ mi wat huyok gulumunina na.

Isai 40:24

A pazi nga kä dei d’i, a zarazi nga kä dei d’uo ko, abuwazi mi tchuk nga sideina andaga kä dei d’uo ko, mi sir simetna kaziya, a nga so woyo, mbirlimba nga d’i yozi woi d’igi ti yo kuzad’a woi na mi.

Isai 41:16

Agi mba sirizi woyo. Simetna mba mi siraziya, mbirlimba mba d’i ndjoyôzi woi mi. Wani agi mba lagi furîd’a kan an Ma didina, agi mba suburugi tagi kan an Ma tin tan irat vat kagi Israel-lîna mi.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Isai 49:8

Ma didina mi dala: Ata yima sumad’a an hulong dangû, kur bur ma suta an ndjunung mi. An mba ni ngomongû, an mba ni tining á djin vunang kandjaf suma á tchol ambasa akulo, á b’rau ahle suma djo suma kur ambas sa ar djonid’a,

Isai 56:7

an mba ni mbazi yam ahina man nda an tinit irat vata, a mba le furîd’a kur gong man nda tchenda mi. He mazi d’a hawa d’a ngala kahle mazi suma ngat buzuna a mba mbut nahle suma his suma afufuîna yam yi man ma ngal ahle suma ngat buzuna, kayam a mba yi gong manda ala Gong nga tchen nda yam suma peta.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 65:11

Wani agi suma aran an Ma didina woina, agi suma maragi yam ahina man nda a tinit irat vat suma a nga lagi tena mi filei ma a yum ala Gad-na na, agi suma nga oyôgi kopma ki süm guguzlud’a mi filei ma a yum ala Meni-na na,

Isai 65:25

Ma didina mi dala: Ngûna ki gor timina a mba te hatna asem taziya, azlona mba mi te hatna d’igi amuhlâ na, guguina mba mi te nandaga d’a gugud’upa, a mba le vama tcho d’oze a mba b’lak va yam ahina man nda an tinit irat vata d’uo mi.

Isai 65:9

An mba ni buzugï kandjafâ aduk suma hi Jakob-ma, an mba ni buzugï kandjafâ aduk suma hi Juda-na á tahuniyô mana djona. Suma an manazina a mba tambasa djona, azungeî mana a mba kak kat mi.

Isai 66:20

Ma didina mi dala: A mba mba ki b’oziyogi suma sä woi aduk sumina yam akulumeina, kur pusâ, kur pus ma a zlubum yama, yam korona, yam djambala mi. A mba mbazi yam ahina d’a a tinit irat vata avo Jerusalem d’igi Israel-lâ a nga mba ki he d’a hawa mazi d’a afuta kur dugiyo suma a tinizi irazi vazina kur gong manda na.

Jeremi 2:28

An mba ni hulongôgi humba fata ndaka mba kagid’a ala: Alo magi ma agi minima, mi nga ni lara ge? Le mi ndaga ni, ar mi tchol akulo mi sud’ugiya, kayam agi suma Juda-na, agi nga kalona ngad’a yam azì magi ma nglona gagang.

Jeremi 22:20

Ndak Jerusalem, ndak djak akulo Liban, ndak er ad’uk akulo, ndak de zlad’a ki delek akulo kur Basan, ndak tchi wulula kur ahina d’a Abarim-mba, kayam a tchi wa suma a le kak heîna woyo.

Jeremi 22:22

Mak suma pola, simetna mba mi torozi woi pet; suma a le ka’â a mba yozi magomba. Ata yi máma ndak mba d’i mbut zulona, ndak mba d’i mang ngei yam asa’at ta ndak lata.

Jeremi 30:14

Suma a le kagi adjeuna pet a mba mar kagiya, a mba djib’er kagi d’i, kayam an togi ni d’igi agi ni man suma djangûna hina, an ngobogi ni ngop pa tchod’a yam tcho magi d’a zul heîd’a, yam tcho magi d’a ngola mi.

Ezekiyel 20:40

Kayam Israel-lâ pet a mba kud’uron yam ahina man nda a tinit irat vat ta fiyak ka aduk Israel-lîd’a. Ni kua ba, an mba ni vagi atanu, an mba ni dagi ala: Agi handï ahle magi suma agi tinizi irazi vazina, nala, he magi d’a hawad’a kahle suma djivi suma kalâ.

Wana ni mbaktumba hi Oze-d’a 13:3

Kayam ndata, a mba mbut d’igi amborogei d’a yorogod’a na, d’igi mbad’ï d’a ti ge ndjö ti gas seid’a na, d’igi mbirlim mba ti tor hububu ma ata yima to awuna woid’a na, d’igi andos ma mi buzuk kei akulo yam azid’ina na mi.

Joel 3:17

Hina wani, agi mba wagi ala an ni Ma didina Alo magi ma nga kaka yam ahina man nda Siyon nda a tinit irat vatina. Jerusalem a mba tinit irat vad’u, andjaf ma ding mba mi kal kua d’uo d’a.

Zakari 7:13

an Ma didin ma ad’engên kal petna ni dala: Kayamba azi humun nga d’uo ata yima an yazinid’a, fata azi yan ala an ndjunuziya d’a, an nga ni humuzi d’uo mi.

Suma ka sariyad’a 10:14

Agi igiya, agi tchigi yam alo ma teteng ma agi manama, mi sud’ugi woi ata yima agi nga kur ndakina.