Isai 56:7 - Bible azumeina

⁷ an mba ni mbazi yam ahina man nda an tinit irat vata, a mba le furîd’a kur gong man nda tchenda mi. He mazi d’a hawa d’a ngala kahle mazi suma ngat buzuna a mba mbut nahle suma his suma afufuîna yam yi man ma ngal ahle suma ngat buzuna, kayam a mba yi gong manda ala Gong nga tchen nda yam suma peta.

Isai 56:7 Iomraidhean Croise

1 Amuleina 8:41

Wani le angei ma nga nandjaf mang suma Israel-lâ d’uo na, mi tcholï yam ambas sa deid’a yam simiyêngû,

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Buzuk ka Abud’a 28:38

Aron mba mi zi lor ra bebed’e ndata avorom akulo burâ ki burâ ata yima mi tchol avogon an Ma didinina. Kayam ndata, an mba ni ve he d’a hawa d’a a mba tinindji irat vata aboziya. Le azi he nga he d’a hawad’a ata lovod’ot tuo pî, an mba ni wazi hohowoziya.

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Isai 19:19

Kur bur máma a mba min yima ngal ahle suma ngat buzuna yam ambas sa Ezipte-d’a mi Ma didina, a mba tin vama ge humba avun dabid’a hi hagad’id’a mi Ma didina mi.

Isai 19:21

Ata yi máma Ma didina mba mi we Ezipte-na, Ezipte-na a mba we Ma didina, a mba kud’urom kahle suma ngat buzuna ki he d’a hawad’a, a mba hle vunazi mi Ma didina, a mba ndak vun vun mazi ma hled’a mi.

Isai 25:6

Ma didin ma ad’engêm kal petna mba mi le tena mandjaf suma pet yam ahina d’a Siyon-nda. Ni te ma djivi ma mbulâ zlapa ki süm guguzlu ma djivi ma adjeuna, ni te ma mbul ma oîd’a kandjulorina ki süm guguzlu ma adjeu ma d’igila hirwilingâ.

Isai 56:5

An mba ni b’irizi simiyêzi kur gulumuna hi gong man nda kud’orina an mba ni yazi ki simi ma djivi ma kal simina hi gro andjofâ ki ma hi gro aropmina, an mba ni tinizi simi ma didin ma bei tchum mbei ba na mi.

Isai 57:13

Fata agi tchigid’a, ar filei magi ma ablauna mi prud’ugi woyo, ar simetna mi yozi woi pet, ar fod’a ti felezi woi mi. Wani sama ngei tam atana, mba mi tambasa djona, mba mi kak yam ahina man nda an tinit irat vata mi.

Isai 60:11

Vun agrek ma’â mba mi arî mala woi burâ ki burâ, sa mba mi dugum falei d’oze andjege d’i, kayam andjaf suma a fe lovota á kal ki ndjondjoî mazid’a avo hatagu, amulei mazina ki suma ad’uzina mi.

Isai 60:7

D’uwar ma Kedar-râ a mba togomî avo hatagu, gamlâ ma Nebayot-na mba mi mbut ni vama lak sunda. A mba hazi he d’a hawa d’a ngala yam yi man ma ngal ahle suma ngat buzuna, a mba lan tan djivid’a, an mba ni subur gong man nda djifâ.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Isai 65:11

Wani agi suma aran an Ma didina woina, agi suma maragi yam ahina man nda a tinit irat vat suma a nga lagi tena mi filei ma a yum ala Gad-na na, agi suma nga oyôgi kopma ki süm guguzlud’a mi filei ma a yum ala Meni-na na,

Isai 65:25

Ma didina mi dala: Ngûna ki gor timina a mba te hatna asem taziya, azlona mba mi te hatna d’igi amuhlâ na, guguina mba mi te nandaga d’a gugud’upa, a mba le vama tcho d’oze a mba b’lak va yam ahina man nda an tinit irat vata d’uo mi.

Jeremi 7:11

Agi gologi gong nga a tchenen kuad’a ni domina hi suma kulina iragi zu? An Ma didina nga ni we na.

Ezekiyel 20:40

Kayam Israel-lâ pet a mba kud’uron yam ahina man nda a tinit irat vat ta fiyak ka aduk Israel-lîd’a. Ni kua ba, an mba ni vagi atanu, an mba ni dagi ala: Agi handï ahle magi suma agi tinizi irazi vazina, nala, he magi d’a hawad’a kahle suma djivi suma kalâ.

Ezekiyel 47:22

Agi mba b’rawagi andagad’a aduk tagi ki togina, kangoyogei suma a mba kak adigagi suma a mba vut grona adigagina mi. Ar agi lagi ki sum ndazina d’igi agi nga lagi ki Israel-lâ na. Ar ma lara pî mi fe djo mama aduk andjafâ hi Israel-lîna.

Joel 3:17

Hina wani, agi mba wagi ala an ni Ma didina Alo magi ma nga kaka yam ahina man nda Siyon nda a tinit irat vatina. Jerusalem a mba tinit irat vad’u, andjaf ma ding mba mi kal kua d’uo d’a.

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Matiye 21:13

Mi dazi ala: A b’ir kur mbaktumba hAlonid’a ala: Alona mi dala: A mba yi gong manda ala Gong nga tchen Alona, wani agi mbud’ut domina hi suma kulina.

Marik 11:17

Mi had’azi ala: A b’ir nga kur mbaktumba hAlonid’a ala: Alona mi dala: A nga yi gong manda ala Gong nga andjaf suma pet a mba tchen Alona kuad’a d’uo zu? Wani agi mbud’ut domina hi suma kulina.

Wana ni Zla d’a Djivi d’a Luc mi b’irita 19:46

Mi dazi ala: A b’ir kur mbaktumba hAlonid’a ala: Alona mi dala: A mba yi gong manda ala Gong nga tchen Alona, wani agi mbud’ut domina hi suma kulina.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

1 Timote 2:8

Kayam ndata, an min ala andjofâ a tchen Alona ata yina pet, a yo abozi akulo á tchen Alona ki hur ma djivina, bei ayîna, bei tuguyod’a mi.

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Hebre-na 13:15

Kayam ndata, ei lei mersi mAlona teteu d’igi vama ngat buzuna na ki simiyê Jesus, nala, ni gile d’a ei nga gilem simiyêm ki vuneid’a.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.