Isai 56:6 - Bible azumeina

⁶ Wani andjaf suma ding suma a mba zlap ki an Ma didina á lan sunda, á le yam simiyên an Ma didina, á kud’uron suma pet suma a mba ngom bur ma sabatna á mbud’um ndjendjed’a d’uo suma a mba kak ngingring yam vun man ma djindina,

Isai 56:6 Iomraidhean Croise

1 Amuleina 8:41

Wani le angei ma nga nandjaf mang suma Israel-lâ d’uo na, mi tcholï yam ambas sa deid’a yam simiyêngû,

Isai 14:1

Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.

Isai 44:5

Ma dingâ mba mi dala: An ni ma hi Ma didinina, ma hina mba mi yi tam ki simiyê Jakob, ma hina mba mi b’ir simiyê Ma didina huyok abomu, ma hina mba mi yi tam ki simiyê Israel-lâ mi.

Isai 58:13

Le ang d’el tang bei tita kur bur ma sabatna á le min manga kur bur man ma an tinim iram vama d’uo, le ang mbut bur ma sabatna ni bur mang ma furîd’a, ang tinim iram vam á suburun an Ma didina, le ang suburum ná tit yam min manga d’uo, á le vama ang hurung minima d’oze a de zla d’a hawa yaka d’uo mi ni,

Isai 60:10

Ma didina mi dala: Andjaf suma dingâ grozina a mba hulong á minik gulumun ma’â akulo, amulei mazina a mba lak sunda, kayam kur hur man ma zala an togu, wani yam djivi manda an nga ni wak hohowogu.

Isai 61:5

Andjaf suma dingâ a mba mba á pol d’uwar magina, andjaf suma dingâ grozina a mba zumugi awuna ki guguzlud’a mi.

Isai 61:6

Wani a mba yagi ala Suma ngat buzuna hi Ma didinina, a mba yagi ala Azungeîna hAlo meinina. Agi mba tagi ndjondjoîd’a handjaf sumid’a, agi mba hlagi subur mazid’a.

Jeremi 50:5

A mba djop yam lovot ta Siyon-nda, a mba mbut irazi yam lovot ndata, a mba dala: Mbeyegïya. Agi reyêgi tagi ki Ma didina yam vun ma djin ma didin ma bei mara ba na.

Ezekiyel 20:13

Wani Israel-lâ a tchol huneîd’a ki sed’en hur fulâ. Azi tit nga yam gat manda d’i. Azi ar vun man ma hed’a woyo. Nahle sumala mbeî sana le mi le sunda kaziya ba, mi kak karid’a na. Azi mbut bur man ma sabatna ndjendjed’a ngola kala. An djib’er ala an mba ni zal hurun kazi gak ni dabazi woi hur fulâ.

Ezekiyel 47:22

Agi mba b’rawagi andagad’a aduk tagi ki togina, kangoyogei suma a mba kak adigagi suma a mba vut grona adigagina mi. Ar agi lagi ki sum ndazina d’igi agi nga lagi ki Israel-lâ na. Ar ma lara pî mi fe djo mama aduk andjafâ hi Israel-lîna.

Zakari 6:15

Suma a mba tcholï ata yima deina, a mba le sunda kur gong nga kud’ora hi Ma didinid’a. Kur bur máma agi mba wagi ala ni Ma didin ma ad’engêm kal petna ba, mi sununï gevegiya. Le agi gagi yagi kä ad’u Salad’a Alo magina gagazi ni, ahle ndazina pet a mba le na mi.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 2:41

Suma a ve zla mambina, a lazi batemba. Kur bur máma a fe suma kazi kua d’igi dudubud’a hindi na.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

1 Korente-na 16:22

Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

2 Korente-na 8:5

Azi he kal yam vama ami tinimi hurumi kama, kayam azi he tazi mi Salad’a avogo, bugola, a he tazi mi ami kur minda hAlonid’a mi.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Efes-sâ 6:24

Ar Alona mi ve suma pet suma a nga le yam Saleina Jesus Christ ki od’a bei dabid’a ba d’ina sumad’a.

Jacques 1:12

Sama ve tam ad’enga kur kukina, mi le furîd’a ata yima mi ve tam ad’enga kur kuk mambina, mba mi fe avaval la bei b’lak ka Salad’a mi hle vunam kat mi suma a nga le kamid’a.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.