Isai 56:4 - Bible azumeina

⁴ Kayam Ma didina mi de mi adimbang suma a nga ngom bur ma sabatna suma a mba man ahle suma an tan lan djivid’a kazi suma a mba kak ngingring yam vun man ma djindina ala:

Isai 56:4 Iomraidhean Croise

2 Samuel 23:5

Alona mi le hina ki sum mana d’uo zu? Mi djin vun ma didina ki sed’enu; vun ma djin ma djivi máma mi nga mi ngomomu. Sut manda kahle suma djivina pet suma an minizina, a mba tcholï natam mam mbuo zu?

Sawal la giled’a 119:111

Vun mang ma hed’a ni djo man ma te ma gak didina, kayam mam mi furî manda.

Sawal la giled’a 25:10

Lovota hi Ma didinid’a pet ni od’a ki d’engzenga yam suma a nga ngom vun mam ma djinda ki vun mam ma hed’ina mi.

Isai 27:5

Djivid’a azi hal yima ngeid’a natanu, ar a kak ki sed’en ki halasa, ar a kak ki sed’en ki halasa.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Isai 56:2

Sama mi le vama an duma, ma nga tchola ngingringâ, ma nga mi ngom bur ma sabatna á mbud’um ndjendjed’a d’uo na, ma nga mi d’el tam mbei ata tcho d’a lara ge petna, mi le furîd’a.

Isai 56:6

Wani andjaf suma ding suma a mba zlap ki an Ma didina á lan sunda, á le yam simiyên an Ma didina, á kud’uron suma pet suma a mba ngom bur ma sabatna á mbud’um ndjendjed’a d’uo suma a mba kak ngingring yam vun man ma djindina,

Isai 58:13

Le ang d’el tang bei tita kur bur ma sabatna á le min manga kur bur man ma an tinim iram vama d’uo, le ang mbut bur ma sabatna ni bur mang ma furîd’a, ang tinim iram vam á suburun an Ma didina, le ang suburum ná tit yam min manga d’uo, á le vama ang hurung minima d’oze a de zla d’a hawa yaka d’uo mi ni,

Jeremi 50:5

A mba djop yam lovot ta Siyon-nda, a mba mbut irazi yam lovot ndata, a mba dala: Mbeyegïya. Agi reyêgi tagi ki Ma didina yam vun ma djin ma didin ma bei mara ba na.

Wana ni Zla d’a Djivi d’a Luc mi b’irita 10:42

Wani vama kal ahlena petna mi nga. Ni vama djivi ma Marie ti manama, ni vama sana ndak á hlum mbei abot tuo na.

Hebre-na 6:17

Alona mi min tak min mamba woi mi suma a mba ve vama mi hlazi vunam kam ma bei mbutina. Hina, mi gunuzi tam mi.

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!