Isai 55:6 - Bible azumeina

⁶ Agi halagi Ma didina kid’a mi nga tua d’a; agi yum kid’a mi nga go ki sed’egi tua d’a.

Isai 55:6 Iomraidhean Croise

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

2 Sunda Hamuleinid’a 19:3

Wani mi fahle suma djivina atangû, kayam ang pleî agu ma murguli ma a pum malo d’a a yat ala Asera-d’a woi kur ambas manga. Ang tin hurung á halam mi.

Esdras 10:2

Ata yi máma Sekaniya Jehiyel gorom ma ad’u andjafâ hi Elam-ma, mi tchol mi de mi Esdras ala: Ami lami tchod’a avok Alo meina, ami vigimi andjaf gro suma ding suma kur ambas sa wandina. Hina pet pî, lovota nga yam Israel-lâ á buzuk kei kur zla ndata.

Wana ni mbaktumba hi Job-pa 8:5

Wani le ang nga hal Alona, le ang nga tchen Ma ad’engêm kal petna,

Sawal la giled’a 14:2

Ma didin ma sä kaka akulona, nga mi gol suma kä yam andagad’ina á we sama ne ma halam mam Alonina nga zu?

Sawal la giled’a 145:18

Ma didina, mi nga go ki suma a nga yuma, mi nga go ki suma a nga yum ki hur ma tunina.

Sawal la giled’a 148:14

Mi hulong hle yam mam suma Israel suma go ki sed’ema akulo. Kayam ndata, mam suma d’engzeng ndazina pet a gilemu. Agi gilegi Ma didina!

Sawal la giled’a 27:8

An djib’er yam zla d’a ang dat ala: Agi halagi á wan iranu d’a. Ni kayam ndata ba, Ma didina, an nga ni hal á wang irangû.

Sawal la giled’a 32:6

Kayam ndata, ar suma d’engzengâ pet a tcheneng ata yima azi nga ki irazi tua na. Le ndak ka ngola kus kazi d’igi mbina mi kus hina pî, mba d’i fazi d’i.

Sawal la giled’a 34:19

Ma didina mi nga go ki suma huruzi b’la’â, nga mi sut suma huruzi nga mi vazi yam tcho mazid’ina mi.

Sawal la giled’a 75:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Sawal la giled’a 95:7

Kayam mam mi Alo meina, ei ni suma mi poleina, ei nades tumiyô mam suma mi ngomeina. Ini agi humugi zla d’a mi data. Mi dala:

Zla d’a d’ogolâ 8:17

An nga ni le yam suma a le kana, suma a nga halana a mba fan mi.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 26:9

Andjege an nga ni halangû, an nga ni halang kurun krovo mi, kayam me, ata yima ang nga ka sariyad’a yam andagad’a ka hina, suma a nga hat á tit tit ta d’ingêra.

Isai 45:19

An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Isai 45:22

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Isai 46:13

An nga ni hud’ï d’ingêr manda, ti nga dei d’i. An nga ni le lilinga ki sut manda d’uo mi. An nga ni mba ki suta kur Siyon, an nga ni mba ki subur manda yam Israel-lâ mi.

Isai 49:8

Ma didina mi dala: Ata yima sumad’a an hulong dangû, kur bur ma suta an ndjunung mi. An mba ni ngomongû, an mba ni tining á djin vunang kandjaf suma á tchol ambasa akulo, á b’rau ahle suma djo suma kur ambas sa ar djonid’a,

Isai 58:9

Ata yi máma agi mba yagi Ma didina, mam mba mi humugiya. Agi mba eregi ad’ugi akulo, Ma didina mba mi hulong dala: An wana! Le agi aragi bei tinigi aneka kel suma, le agi aragi bei d’ek suma, le agi aragi zla d’a de d’a asa’ata mi suma,

Isai 65:10

Saron mba d’i mbut ni yima pol d’uwar man ma gureina, hor ra Akor-ra mba d’i mbut ni kangâ ma burâ hi d’uwar ma nglona yam man suma a halana.

Isai 65:24

An mba ni humuzi avok bei azi tchenenu, an mba ni humuzi ata yima azi de nga zlad’a d’uo tua na.

Jeremi 25:5

Azi nga dagi ala: Agi hulongôgïya, nge nge pî mi ar tit mam mba tchod’a ki sun mam mba asa’at ta mi lata woyo. Hina wani, agi mba kagagi kur andaga d’a Ma didina mi hat mabuyogi ngolo zlapa ki agi adjeu dei gak didinda.

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Ezekiyel 14:6

Kayam ndata, ang i de mi Israel-lâ ala: Salad’a Ma didina mi dala: Agi mbud’ugi hurugiya, agi hagi azigagi mi filei magina, agi aragi sun magi d’a ndjendje d’a lara ge pet tei mi.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Ezekiyel 8:6

Mi dan kua ala: Ang gor sana, ang wahle suma azi nga lazi wana zu? Gola! Israel-lâ a nga lahle suma nglo suma ndjendjed’a á walan ndei ki gong man nda an tinit irat vata. Wan pî, ang mba wahle suma nglo suma ndjendje suma dingâ kua!

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Wana ni mbaktumba hi Oze-d’a 10:12

Agi zaragi d’engzenga, agi mba dud’ugi djivid’a, agi zumugi asine ma awilina mi. Yina mba wa tala agi hulongôgï gen an Ma didina gak an vogi suta kagi d’igi mbina na d’a.

Amos 5:6

Le agi min va mi lagi d’uo ni, agi halagi ni Ma didina. Agi andjafâ hi Josef-fâ, le hina d’uo ni, mba mi fo d’igi akud’a na; mba d’i ngal Betel lei pet bei fe sama tchat teina ba.

Jonas 3:8

Ar suma ki d’uwarâ a tchuk baru d’a dodora ataziya, a tchi avok Alona ki delezi akulo, nge nge pî mi ar tcho mamba ki so vun mama woyo.

Matiye 5:25

Ang min zlad’a ki mang ma djangûna atogo, ata yima agi nga glovot tua na. Le d’uo ni, mang ma djangûna mba mi hang abo ma ka sariyad’a, ma ka sariyad’a mba mi hang abo ma ngom dangeina, ma ngom dangeina mba mi gang dangeina mi.

Wana ni Zla d’a Djivi d’a Luc mi b’irita 13:25

Fata samazina mi tchol wa, mi duk wa vun gonga ni, agi mba tchologi abua, agi mba ndagi tum vun gonga, agi mba dagi ala: Salamina, ang malami vuna. Mam mba mi hulong dagi ala: An we nga yima agi tchologï kuana d’i.

Jean 8:21

Kayam ndata, Jesus mi dazi kua ala: An nga ni iya. Agi mba halanu, wani agi mba bogi kur tcho magid’a. Yima an nga ni i kuana, agi ndak á igi kua d’i.

Efes-sâ 3:13

Ni kayam ndata ba, an nga ni tchenegiya, ar tagi tchuk lus yam ndak man nda an nga ni fat kagid’a tala ni subur magid’a d’a d’i.

Gat ta a hat á mbàd’id’a 4:29

Nata yi máma ba, agi mba halagi Alo magina. Le agi halagizi ki hurugi tu ki djib’er magid’a ped’u ni, agi mba fumu.

Gat ta a hat á mbàd’id’a 4:7

Nandjaf ma ngol ma lara ma nga kalona go ki sed’em d’igi Ma didina mi nga ki sed’ei ata yima lara ma ei nga yuma na ge?

Hebre-na 2:3

le ei golei sut ta ngol ndata ta ni, ei mba prud’i woi ni nana ge? Salad’a tamba mi de zla sut ndata woi avogo, suma a humut avunama a deizi djivi mata mi.

Hebre-na 3:13

Wani agi gigid’egi tagi teteu d’igi mbaktumba hAlonid’a ti de na ala: Ini ar sa adigagi tchod’a lobom á b’al hurum mbi.