Isai 55:13 - Bible azumeina

¹³ Agu siprena mba mi deî balum azlupa, agu mirtena mba mi deî balum kekerezeuna mi, a mba mbut vama subura yam Ma didina, ni vama tak ma didin ma bei mi dap pei ba na.

Isai 55:13 Iomraidhean Croise

Sawal la giled’a 96:12

Ar hur fulâ mi le furîd’a kahle suma kuruma pet, ar agud’a pet ti le furîd’a avok Ma didina,

Isai 19:20

Mba mi mbut ni vama taka á le glangâsâ ala Ma didin ma ad’engêm kal petna mi nga aduk Ezipte-na. Ata yima Ezipte-na a mba nde yi Ma didina á ndjunuzi á ngop suma a nga kid’eyêzi irazina, mam mba mi sunuzi ma sut ma mi ndjun kazi mi prud’uzi woina.

Isai 32:13

Kekerezeuna kaweid’a a nga deî yam andagad’a hi sum manid’a, a nga deî kur azì ma lara ma suma a nga le furîd’a kuana, kur azì ma ngol ma suma a nga le vuna kuana mi.

Isai 35:1

Hur fulâ kambas sa so d’a gangrasa a mba ayâ, hur fulâ mba mi le hur ma hapma, mba mi b’o d’igi aguna mi b’o na.

Isai 35:2

B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Isai 41:19

An mba ni pagu sedrena, agu kasiyana, agu mirtena kagu olifâ hur fulâ, an mba ni pagu siprena, agu pêna kagu buisâ ata yima gangrasâ,

Isai 43:21

Suma an lazina a mba de woi yam subur manda.

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

Isai 54:10

Ma didin ma mi wak hohowo’â mi dala: Le ahuniyôna a djok keyo, le yima ndingâ mi giget pî, o man nda bei dabi d’a kaka mba d’i wal lei ki sed’ek ki, vun man ma djin ma yam halasina an mba ni bud’um mbei d’uo mi.

Isai 56:5

An mba ni b’irizi simiyêzi kur gulumuna hi gong man nda kud’orina an mba ni yazi ki simi ma djivi ma kal simina hi gro andjofâ ki ma hi gro aropmina, an mba ni tinizi simi ma didin ma bei tchum mbei ba na mi.

Isai 60:13

Subur ra Liban-nda pet kagu siprena kagu pêna kagu buisâ, ki zla tazi pet a mba mba avo hatak á he ngola mi yi man ma an tinim iram vama. An mba ni subur yima an tin asen kuana mi.

Isai 60:17

An mba ni hak lora balum kawei ma hleuna, an mba ni hak kawei ma hapma balum kawei ma wurana, an mba ni hak kawei ma hleuna balum aguna, an mba ni hak kawei ma wurana balum ahinad’a. An mba ni mbut b’leng nga halasa ni vama ngomo’â, d’ingêra ni vama te ka’â mi.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Isai 63:12

Mam ma mi tit yam bik ka ndjufa hi Moise-sa ki sib’ik mambina mi nga ni lara ge? Ni mam ma wal mbina woi aduk mbà avorozi tala simiyêm mi yi gak didinu d’a.

Isai 63:14

A nga sulugot kä kur hora d’igi amuzleina a sulugot kä ata yima hatna na, Muzu’â hi Ma didinina nga tinizi ata yima tuk tad’a. Hina mi, Ma didina, ang tin sum mangâ kayam simiyêng mi fe subura kaziya.

Isai 7:11

Ang djop Ma didina Alo mangâ yam vama tak ma kä ad’u andagad’a yiyi’â d’oze ma sä kur akulod’a deina.

Isai 7:19

A mba kak ir b’irlima avun gongôd’id’a, kur zul ahinad’a, aduk azlupa, abagei hur fula mi.

Isai 7:24

A mba nduwan kua ki yeûd’a kaguwatna, kayam ambasa pet mba d’i deî ni kekerezeuna kaweid’a.

Jeremi 13:11

D’igi sana mi djin d’i’â furum na, an djin wa Israel-lâ ki suma Juda-na furun ndala azi ka’î sum mana, a yan simiyênu, a gilenu, a han ngola mi d’a. Wani azi humun nga d’i. An Ma didina ni de na!

Jeremi 33:9

Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.

Jeremi 50:5

A mba djop yam lovot ta Siyon-nda, a mba mbut irazi yam lovot ndata, a mba dala: Mbeyegïya. Agi reyêgi tagi ki Ma didina yam vun ma djin ma didin ma bei mara ba na.

Ezekiyel 28:24

Israel-lâ ndrozi suma azì suma a golozi is adjeuna, a mba tchogozi d’igi kekerezeuna mi tchok suma na d’i, a mba tchogozi mbuleina d’igi aweid’a ti tchok suma na d’uo mi. Hina wani, suma a mba wala an ni Ma didina.

Mise 7:4

Sama djivi ma adigazina mi ni d’igi kekerezeuna na, sama irat ma adigazi ma kalâ mi tchod’a kal azlupa haweid’id’a. Bur ma a ngobogi kua ma magi suma ndjol suma djok vuna a de zlad’a kama, mi mba wa da’, ki tchetchemba, a nga kur tcha d’a tatad’a.

Zakari 1:8

Kur andjeged’a vana nde tam mbei iranu, an we sana mi nga yam akulum ma hleuna, mi nga tchola aduk agu mirtena gumunu, akulumei suma hleuna kakulumei suma bolona kakulumei suma hobiyona a nga tchola blogomu.

Wana ni Zla d’a Djivi d’a Luc mi b’irita 2:14

Ei suburi Alo ma sä akulona! Ar mi he b’leng nga halas mamba yam andagad’a mi suma mi le kazina.

Jean 15:8

Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata.

Romê-na 6:19

An nga ni dagi zlad’a ni d’igi suma na kayam amangeîd’a hi hliwigid’a. Avok agi hagi tagi pet d’igi magumeina na á le sun nda ndjendje d’a tchod’a á tid’igi kur batranga. Wani ki tchetchemba, ar agi hagi tagi pet d’igi magumeina na á le sun nda d’ingêra á tid’igi tit ta irata mi.

2 Korente-na 5:17

Wani le sana nga zlapa tu ki Christ-zu ni, mam mi vama ge ma awilina; ahle suma adjeuna pet a kal wa woyo, ahlena pet a mbut wa awilid’a.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!