Isai 55:1 - Bible azumeina

¹ Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Isai 55:1 Iomraidhean Croise

Sawal la giled’a 143:6

An yo abon akulo avorong á tchenengû, an nga ni hat hurun kang d’igi andaga d’a sod’a nga d’i hat hurut yam mbina na. Tchol ndjö

Sawal la giled’a 63:1

Ni sawal la gile d’a David mi hlat kid’a mi ring ngei tam abo Saul hur ful ma Juda-nid’a.

Zla d’a d’ogolâ 8:4

An yagi ni agi andjofâ, an de ni mi suma wurana.

Zla d’a d’ogolâ 9:1

Ned’a ti pagu ma murgulina akulo kid’iziya, ti min aziyad’u.

Zla d’a d’ogolâ 9:5

Agi mbeyegïya, agi tagi te mana, agi tchagi süm guguzlu d’a an gizeyêta.

Sawal la kal teglesa 1:2

Ti dala: Ar ang bed’en ki furîd’a kok, ar ang sobon vunanu! Kayam o manga ti kal süm guguzlud’a.

Sawal la kal teglesa 1:4

Ang van abonu, ang tananu, ei ringîya. Angî amul mana, ang kalan klavi hatangû, ei lei hur ma hapma ngola ki furîd’a. Ar ei suburi o mang nga kal süm guguzlud’id’a. Yuguneina a le kang nata yad’u!

Sawal la kal teglesa 5:1

Mi dala: Aman nda hurun vak heîd’a, Gola! An nga ni kal kur asine mana, an nga ni gul mir mana, ki mbul man ma his ma afufuîna, an nga ni te se ayuma ki mbul ayum mana, an nga ni tche süm guguzlu manda kambir manda mi. Buniyôzina a dala: Buniyômina, agi tagiya, agi tchagiya, agi gurud’ugi woi ki od’a d’igi suma a gurut ki süma na.

Isai 1:19

Le agi gagi yagi kä agi humun vunanu ni, agi mba tagi vut ahle suma djivi suma yam ambasina.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 52:3

Ma didina mi dala: A guzugi woi ni hawa na, a mba hulongôgi ni hawa na bei wurak bege kagi ba mi.

Hor ma tchina 5:4

Ami mbut guzumi mbiyo mami ma tched’a ni ki beged’a, agu mamina tamba, ami mbut guzumizi ni guza.

Ezekiyel 47:1

Sa máma mi hulongônï avun agre’â hi gong nga kud’ora hAlonid’ina. An gol wani, mbina nga mi djangî kä ad’u vun gonga abo ma yorogona kayam gong nga kud’ora hAlonid’a irat nabo ma yorogona. Mbina nga mi djangî kä kur gong ndata abo ma sutna, mi kal abo ma sutna hi yima ngal ahle suma ngat buzunina mi.

Ezekiyel 47:9

Ata yima lara ma mbiyo máma mba mi i kuana, ahle suma arina ad’u andjavazi teteng ki kulufâ a mba zul ngola, kayam mbiyo máma mi mbut mbiyo ma ndjuvuna adjib’eta, ahlena pet a mba kak karid’a mi.

Wana ni mbaktumba hi Oze-d’a 14:4

Ma didina mi dala: An mba ni sut Israel-lâ woi kur sun mazi d’a ata yat tuo d’a, an mba ni tagazi o man nda gagazi d’a kazid’a, kayam ayî mana mi vat tei kazi da’.

Joel 3:18

Kur bur máma süm guguzlud’a mba mi djangî kä yam ahuniyôna, ambira mba d’i djangî kä akulo yam yima ndingâ, toliyon nda Juda-d’a pet mba d’i lau mbina, mbina mba mi lawï kur gong nga kud’ora hi Ma didinid’a, mba mi rap yam hor ra Sitim-mba.

Zakari 10:7

Suma Efraim-ma a mba mbut ni grang suma durâ, a mba le furîd’a kuruzi krovo d’igi suma a le furîd’a ki süm guguzlud’a na. Grozina a mba we, a mba le furîd’a, a mba le furîd’a kuruzi krovo yam an Ma didina.

Zakari 2:6

Ma didina mi dala: Agi buzugugi woyo, agi buzugugi woi yam ambas sa abo ma norîd’a, kayam an ndjoyôgiya wa woi yam andagad’a abot ma fid’ina.

Zakari 9:15

Ma didin ma ad’engêm kal petna mba mi ngomoziya, azi mba b’lak yina, a mba to ahina d’a kur mbiud’id’a woyo, azi mba tche, a mba le vuna gandjau d’igi suma a tche süm guguzlud’ina na, azi mba oî d’igi a oî buzuna kur angala á yamam akulo keng yima ngal ahle suma ngat buzuna na.

Matiye 10:8

Agi sud’ugi suma tugud’eid’a, agi tchologi suma matna akulo, agi sud’ugi suma libina, agi digigi muzuk ma tchona woi kur suma. Agi vagi ni hawa, agi hagi mi suma ni hawa mi.

Matiye 13:44

Jesus mi had’azi kua ala: Leu d’a akulod’a ti hle tat ni d’igi vama djivi ma nga ngeid’a kä kur asinenina na. Sana mi wumu, mi hulong mi ngeyem kä, kayam mi nga mi le furîd’a kamu. Mi iya, mi gus ahligiyem mbei pet, mi i gus asine máma.

Matiye 26:29

Gagazi, an nga ni dagiya, an dok tche süm guguzlud’a bugol luo d’a, gak kur bur ma an mba ni tche ma awilina ki sed’egi kur leud’a hAbundina.

Matiye 5:6

Suma a nga djib’er á le minda hAlonid’a memetna a le furîd’a, kayam Alona mba mi hoboziya.

Sunda hi suma a sunuzinid’a 8:20

Wani Pierre mi dum ala: Ang ba woi ki bege manga, kayam ang djib’er ala á fe he d’a hawad’a hAlonid’a ni ki beged’a!

Romê-na 3:24

Alona mi mbud’uzi suma d’ingêrâ ni hawana yam suma mamba, yam wurak ka Jesus Christ mi wurak kazid’a.

1 Korente-na 3:2

An hagi napona, an hagi nga navuna d’i, kayam agi ndagagi nga á tavuna d’i. Ki tchetchemba pî, agi ndagagi nga d’uo mi,

1 Pierre 2:2

Ar agi had’agi hurugi yam apo ma djivina d’igi gugurei suma vut awilina na, nala, yam zlad’a hAlonid’a, kayam agi wulugi akulo kur sut magid’a.

Vama ndum mbeina 21:6

Mi dan kua ala: An le wa da’. An ni Alfa, an ni Omega, an nAd’u tinda, an ni Yam mba dabid’a mi. Sama vunam sona, an mba ni hum mbiyo ma lau ma arina á tched’a hawa.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Vama ndum mbeina 3:18

Kayam ndata, an nga ni dangû, ar ang gus lor man nda a yorot kakud’id’a tala ang mbut sama ndjondjoîna d’a. Ang gus baru d’a hapa tala ang tchugut atang ang ngei zulo mang ma gandilad’a mi d’a. Ang gus kuma ma ira, ang gum irang kayam ang we woi tetet.

Wana ni mbaktum mba a b’irit yam Rut-ta 4:1

Bowas mi i avun azina ata yima suma a min zlad’a kuana, mi kak kä. Sama ad’u andjafâ hi Elimelek ma Bowas mi de zlad’a mi Rut kama, nga mi kala. Bowas mi yum mi dum ala: Vani, ang mbeï kak kä wana. Mi mba mi kak kä mi.