Isai 54:4 - Bible azumeina

⁴ Ndak le mandar ri, kayam ndak mba d’i mbut zulona d’i; ndak tchuk susub’ok ki, kayam sa mba mi mangâk kei d’i. Wani ndak mba d’i mar rei yam zulo mak ma lak ki gogoro’â, ndak mba d’i djib’er yam zulo mak ma kur modono makina d’uo mi.

Isai 54:4 Iomraidhean Croise

Wana ni mbaktumba hi Job-pa 11:16

Ang mba mar rei yam ndak manga d’igi sana mi mar rei yam mbiyo ma djang ngeina na.

Isai 25:8

Mba mi b’lak matna woi ki iram fafat. Salad’a Ma didina mba mi set sumina woi ir suma pet, mba mi b’lak ahle suma zulo suma a nga le sum mamina woi pet. Gagazi, Ma didina mi de na.

Isai 29:22

Kayam ndata, Ma didina Alona hi suma hi Jakob-ma ma mi sut Abraham mbeina mi dala: Ki tchetchemba, suma hi Jakob-ma zulona mba mi lazi d’i, tazi mba d’i tchuk susub’ok kuo mi.

Isai 4:1

Kur bur máma aropma kid’iziya a mba ve mandjuf ma tuna, a mba dum ala: Ami halami te mamina ni yam tamiya, ami halami baru mamina ni yam tami mi, wani ar a yami ni ki simiyêng go. Hina wani, ang mba hlami zulo mamina woi kamiya.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 50:7

Salad’a Ma didina mi ndjunun wa. Kayam ndata, an mang nga woi d’i, an so iran ndei ngrazang, kayam an wala an mba ni mbut zulona d’i.

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Isai 54:14

Ndak mba d’i sira ngingi kur d’ingêra, ndak mba d’i wal lei dei ki djop vuna, kayam ndak mba d’i le mandara va tu d’i. Ndak mba d’i dik mandarâ woyo, kayam mba mi hud’ï gevek go d’i.

Isai 61:7

Yam zulo ma lagina a mba wuragagi ahlena mbàmbà, agi mba lagi furîd’a balum mang nga a mangâgi woid’a. A mba wuragagi ahlena mbàmbà kur ambas magid’a; furî d’a didinda ti mba d’i arî magid’a.

Isai 65:16

Sama mi min ala mi b’e vuna kam ki simiyê ambasa na, mba mi b’e vuna kamî ki simiyên an Alo ma gagazina. Sama mi min gun tam ki simiyê ambasina mba mi gun tamî ki simiyên an Alo ma d’engzengâ, kayam ndak ka kal leid’a a mba mar rei kad’u, a mba ngeyet tei iran mi.

Jeremi 31:19

Gagazi, ata yima ami hang huyogomina, ami mbud’umi hurumiya. Ang tagami tcho mamid’a. Ki tchetchemba, ami nga tchami abomi kurumiya, ami mbud’umi zulona, ami tchugumi susub’ok yam tcho d’a ami lat kazungeî tamid’a.

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Ezekiyel 16:22

Ndak kur ndjendje maka hina pet, kur gaulang ma’â, ndak djib’er nga yam yima ndak ki gogorok ata yima ndak nga gandilad’a kezigineû ndak nga d’i bulul kä aduk buzuwa’â d’i.

Ezekiyel 16:43

Ndak djib’er nga yam yima ndak ki gogoro’â d’i, ndak zalan hurun kahlena pet. Ni kayam ndata ba, an mba ni hulongôk tit mak ka tcho ndata kak mi. An Salad’a Ma didina ni de na. Na ni ndak le nga sun nda tcho d’a zulona yam ndjendje maka d’uo zu?

Ezekiyel 36:15

An mba ni aragi agi humugi ngula handjaf suma dingîd’a ki humagi d’i. Suma a mba mbud’ugi zulona d’i, agi mba mbud’ugi vama dap asem andjaf sum magina d’uo mi. An Salad’a Ma didina ni de na.

Joel 2:21

Andagad’a, ar ndak le mandar ri, ndak le furîd’a kayam Ma didina mi lahle suma nglona!

Sofoni 3:11

Kur bur máma zulona mba mi lagi yam sun nda pet ta agi lata ki sun nda tcho d’a agi lat avoronda d’uo d’a. Ata yi máma an mba ni walagi woi kahle suma a zud’ugi á subur tad’ina, agi mba suburugi tagi yam ahina man nda a tinit irat vata d’uo d’a.

Zakari 10:6

An mba ni had’enga mi suma Juda-na, an mba ni sut suma hi Josef-fâ, an mba ni hulongôzï ata yaziya, kayam an wazi hohowoziya. Azi mba mbut ni d’igi suma an arazi woi d’uo na na, kayam an ni Ma didina Alo mazina, an mba ni hum tchen mazid’a mi.

1 Pierre 2:6

Alona mi de woi kur mbaktum mamba ala: An nga ni tin ahina d’a djik gonga kur Siyon; ni vama man ma kal teglesa. Sama he gagazid’a katna, zulona mba mi lum mbi.