Isai 54:13 - Bible azumeina

¹³ Gro’â pet a mba mbut ni man suma hata; azi mba zul i avogovok ki djivid’a.

Isai 54:13 Iomraidhean Croise

Sawal la giled’a 119:165

Suma huruzi ve gat mangina a mba kak ki halasa ngola; vama dabazi asezi nga d’uo mi.

Sawal la giled’a 119:33

Ma didina, ang had’an lovota hi gat mangid’a kayambala an ngomot gak dabi manda d’a.

Sawal la giled’a 147:14

Nga mi mba ki b’leng nga halasa yam ambas maka, nga mi hobok kawu ma djivi ma kalâ mi.

Sawal la giled’a 71:17

Alo mana, ang had’an ni ki gogoron dei, gak ini an nga ni de woi yam sun mang nga kal teglesa.

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Isai 2:3

Andjaf suma ablaud’a a mba i kua, a mba dala: Agi mbeyegïya! Ei i djagei akulo yam ahinad’a hi Ma didinid’a, kur gong nga kud’ora hAlona hi Jakob-mid’a kayam mi had’ei gat mamba. Ar ei tid’i kur lovot mam mba mi tageizid’a. Kayam gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Isai 26:3

Sama mi tchol ngingring yam djib’er mambina, ang Ma didina mba ngomom ki halasa kayam mi deng tam natangû.

Isai 28:9

A dala: Ni nge ba, mam min had’am wed’a ge? Ni nge ba, mam min had’am wad’ud’a mi ge? Ni mi kem suma a ar ambira bei tched’ina, d’oze suma a d’elezi woi avun apona bei tched’ina zu?

Isai 29:24

Suma djib’er mazid’a vit teina a mba humunu, suma a nga gureîna a mba he tazi á hata mi.

Isai 48:18

Ladjï agi gagi yagi kä ad’u vun man ma hed’a ni, b’leng nga halas magid’a mba d’i mbut ni d’igi aluma na! D’ingêr magid’a mba d’i mbut ni d’igi abil ma kur alum ma ngolîna na mi.

Isai 50:4

Salad’a Ma didina mi had’an tala an we zla d’a ded’a á ndjun ki sama mi kauna d’a. Yorogo d’a lara pî nga mi zlid’in akulo tala an hum d’igi suma hata a hum zlad’a na d’a.

Isai 54:12

An mba ni minik gulumun mak ma yam ndrama akulona kahina d’a ngal wiwilika, an mba ni minik vun agrek ma’â kahina eskarbukled’a, an mba ni nguyuk yak kahina d’a guzut kal teglesâ mi.

Isai 55:12

Agi mba buzugugï woi kur Babilon ki furîd’a, agi mba mbagi avo hatagi ki b’leng nga halasa, ahuniyôna ki yima ndingâ a mba er ad’uzi akulo avorogi ki furîd’a, agu ma abageina pet mba mi tum abom ki furîd’a mi.

Isai 66:12

Ma didina mi dala: Gola! An mba ni djang b’leng nga halasa kur Jerusalem d’igi aluma na, an mba ni hat subura handjaf sumid’a d’igi alum ma mi kus seina na. Agi mba tchagi ambir mata, ti mba d’i hlagi akulo ahlabad’u, ti mba d’i sad’agi tagi sasat mi.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Jeremi 33:6

Wani an mba ni hum lafiyad’a, an mba ni tchilim mbilim d’igi sana mi tchil mbilâ hi sanina na, an mba ni ar suma kuruma a kak ki b’leng nga halasa ki d’engzenga ngola.

Ezekiyel 34:25

An mba ni djin vun ma halasâ ki sed’eziya, an mba ni dik amburei suma abageina woi kur ambasa. Azi mba kak ki halasa abagei hur fulâ, azi mba bur sena kä aduk agud’a mi.

Ezekiyel 34:28

Azi mba mbut ni vama hurumba aduk andjaf suma d’uo d’a, amburei suma abageina a mba mud’uzi d’uo mi. A mba kak ki halasa, sama mba mi b’lagazi djib’er mazid’ina mi nga d’uo mi.

Ezekiyel 37:26

An mba ni djin vun ma halasa ki sed’eziya. Ni vun ma djin ma gak didina. An mba ni tinizi kua, an mba ni zuluziya, an mba ni tin gong man nda kud’ora adigazi gak didin mi.

Wana ni mbaktumba hi Oze-d’a 2:18

Ma didina mi de kua ala: Kur bur máma ndak mba d’i yan ala ndjuvunu, ndak mba d’i yan ala Bäl ma salana d’uo d’a.

Mise 4:2

Suma ablau ndazina a mba i kua, a mba dala: Agi mbeyegïya. Ei i djagei akulo yam ahinad’a hi Ma didinid’a kur gong nga kud’ora hAlona hi Jakob-mid’a, kayam mi had’ei gat mamba. Ar ei tid’i kur lovot mam mba mi tageizid’a. Kayam Gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Zakari 10:7

Suma Efraim-ma a mba mbut ni grang suma durâ, a mba le furîd’a kuruzi krovo d’igi suma a le furîd’a ki süm guguzlud’a na. Grozina a mba we, a mba le furîd’a, a mba le furîd’a kuruzi krovo yam an Ma didina.

Matiye 16:17

Jesus mi hulong dum ala: Ang Simon Jonas goroma, ang le furîd’a, kayam ni sana ba, mi tagang gagazi ndata d’i, wani nAbun ma sä akulona.

Wana ni Zla d’a Djivi d’a Luc mi b’irita 24:45

Ata yi máma, mi malazi djib’er mazid’a woi á wäd’u mbaktumba hAlonid’a.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Jean 6:45

Suma djok vun Alona a b’ir kur mbaktumba ala: Alona mba mi had’azi pet. Sama lara pî ma hum Abun mi ve hat mamba mi na, nga mi mba gevenu.

Sunda hi suma a sunuzinid’a 2:39

Kayam vun ma hle mama ni kagi ki grogina ki suma sä deina pet ki suma Salad’a Alo meina mba mi yazina pet mi.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.

1 Korente-na 2:10

Wani Alona mi tageizi ni yam Muzuk mama. Kayam le ni nga hurâ hAlona ma yiyik ma nga ngeid’ina pî, Muzuk mama mi ndak á fek ad’u ahlena pet.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

Efes-sâ 4:21

Gagazi, an wala agi humum zlamu, suma a had’agi zla d’a gagazi d’a yam Jesus-d’a mi.

Filip-ma 4:7

Hina wani, b’leng nga halasa hAlona d’a kal yam wad’ud’a peta, mba d’i ngomogi djib’er magid’a ki muzugagi yam Jesus Christ.

1 Tasaloni’â 4:9

Wani kayam zla d’a o d’a yam b’oziyoi suma he gagazid’ina, agi nga djup sa mi lagi mbaktum kat tuo d’a, kayam Alona mi had’agi á le yam tagi da’.

Hebre-na 8:10

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kur djib’er mazid’a, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Hebre-na 8:11

Sa mba mi hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ.

1 Jean 2:20

Agi tagiya, agi vagi Muzuk ma bei tchod’a ma Christ mi vom kagi d’igi a vo mbulâ na. Kayam ndata, agi pet wagi gagazid’a.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.