Isai 54:11 - Bible azumeina

¹¹ Ndak Jerusalem mba hohou d’a babarâ mi gigid’ek bei sa mi b’lengêt huruk ba d’a, gola, an nga ni minik kahina d’a ad’enga, an mba ni gak aduk kä kahina safira.

Isai 54:11 Iomraidhean Croise

1 Amuleina 5:17

A wak ahina d’a nglo d’a djivid’a aduk ahinad’a, a tched’et á ged’a kä ad’u gong nga kud’ora hAlonid’a d’igi amulâ mi hazi vuna na.

1 Amuleina 6:30

Mi gulut agu ma kä hur gong nga kud’ora hurut ma mbà máma ni ki lora mi.

1 Sunda Hamuleinid’a 29:2

An he tan kad’engên pet á min ahlena yam gong nga kud’ora hAlo manid’a, nala, lora ngad’a yam ahle suma a mba lazi ki lorina, kawei ma hapma ngad’a yam ahle suma a mba lazi ki kawei ma hapmina, kawei ma hleuna ngad’a yam ahle suma a mba lazi ki kawei ma hleunina, kawei ma wurana ngad’a yam ahle suma a mba lazi ki kawei ma wuranina, aguna ngad’a yam ahle suma a mba lazi kagunina kahina onisa kahina d’a a dugut yat kä kahlenid’a kahina d’a ngal wiwilika kahina d’a d’udjo mata tetenga kahina d’a guzut kal tegles sa tetenga kahina d’a a yat ala marbre d’a hapa ablaud’a mi.

2 Sunda Hamuleinid’a 3:6

mi d’udjo hur gong ndata djifa kahina d’a guzut kal teglesa. Lor ra a gulud’ut ki d’a ni lor ra Parvayim-mba.

Wana ni mbaktumba hi Job-pa 28:16

Lor ra Ofir-ra d’oze ahina onis sa guzut kal teglesa d’oze ahina safira d’oze lora d’oze verâ a ndak nga á ngazi ki sed’et ti, sana ndak nga á mbud’ut ki dei ma a minim ki lor ra kal teglesina d’uo mi.

Sawal la giled’a 34:19

Ma didina mi nga go ki suma huruzi b’la’â, nga mi sut suma huruzi nga mi vazi yam tcho mazid’ina mi.

Buzuk ka Abud’a 2:23

Bugol la biza d’a ablaud’a kala, amul ma Ezipte-na mi mid’a. Israel-lâ a nga zam tazi abo magom mba a nga lazizid’a, a nga tchi mi. Tchi mazi ma abo magombina mi i gak mi fAlona.

Buzuk ka Abud’a 24:10

Azi wAlona hi Israel-lîna. Vana nga ad’u asem kä bebed’ed’a hle tam d’igi ahina safir ra botlozid’a na d’igi akulod’a tata na mi.

Buzuk ka Abud’a 3:2

Malaikana hi Ma didinina mi nde tam mbei iram aduk sin akud’a aduk azlupa. Moise mi nde gola. Gol wani, azlupa vakud’a, wani ti nga d’i ngal li!

Buzuk ka Abud’a 3:7

Mi dum kua ala: An we djop vuna hi man suma avo Ezipte-na, an hum tchi mazi ma abo suma a nga djobozi vunazina, kayam an we ta mazi d’a ted’a.

Sawal la kal teglesa 5:14

Abomî d’igi ngangam ma lor ma a ndalam kahina d’a a yat ala Krisolitid’a na. Tamî d’igi sï ahlok ma a tched’em a ndalam kahina d’a a yat ala Safirid’a na mi.

Isai 14:32

A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Isai 44:28

An nga ni de yam amulâ Sirus ala: Mam mi man ma pola, mba mi ndak vun nga hur mana pet, mba mi de yam Jerusalem ala: A mba hulong a minit akulo, mba mi de yam gong man nda kud’ora ala: A hulong a gat ad’ud’u.

Isai 49:14

Siyon ti dala: Ma didina mi aran ndeyo! Salad’a mi mar kan mi.

Isai 51:21

Ndak Jerusalem mba hohoud’a, ndak ka gurut nga ni ki süm guguzlud’a d’uo d’a, ndak huma.

Isai 51:23

An mba ni hum mbei abo suma a lak ndakina, suma a dak ala: Ndak klup huruk kä, ami tchilami kagu na. Ata yi máma ndak mbut huyogok ni d’igi andagad’a na, d’oze d’igi ir palumba na á tit kagu.

Isai 54:12

An mba ni minik gulumun mak ma yam ndrama akulona kahina d’a ngal wiwilika, an mba ni minik vun agrek ma’â kahina eskarbukled’a, an mba ni nguyuk yak kahina d’a guzut kal teglesâ mi.

Isai 54:6

Ma didina mba mi hulong yak d’igi atcha d’a a digit tei d’a hurut nga mi had’ata na. Alo ma’â mi dala: Atcha d’a ndjuvut mi d’umut ki gogorot deid’a, ni nana ba, mi digit tei ge?

Isai 60:15

Gagazi, a arak keyo, a noyôk kei mi. Sa nga mi kal avo hatak ki. Wani ki tchetchemba, an nga ni mbud’uk vama subura burâ ki burâ, an nga ni mbud’uk vama furîd’a kur atchogoi d’a lara ge pet mi.

Jeremi 30:17

Ma didina mi dala: A nga yagi ala Suma a arazi woina, a nga de kagi ala Siyon nda sa nga mi djobot zlat tuo d’a. Kayam ndata, an mba ni mbud’ugi lafiya, an mba ni tchiligi mbiligi mi.

Hor ma tchina 1:21

A hum zam ta manda, wani sama b’lengên huruna nga d’i. Man suma djangûna pet a hum zla hohou manda, a le furîd’a yam vama ang luma. Ar ang hulongî ki bur ma ang dum zlam adjeuna, ar azi mbut d’igi an na mi.

Ezekiyel 1:26

Akulo yam hur alo ma nga kazina, vana hle tam d’igi ahina safira na, ang golomî d’igi zlam mba amula na. Akulo yam zlam ndata, vana ndeï kat hle tam d’igi sana na.

Ezekiyel 10:1

An gol yina akulo hur alona yam tcherebêna. Vana nga kua d’igi ahina safira na, mi hle tam d’igi zlam mba amula na.

Mise 7:11

Agi suma Jerusalem-ma, bur ma a mba djagagi gulumuna hazì magina akulona, a mba hulong wed’egi hagad’a handaga magid’id’a woyo.

Matiye 8:24

Wani babar ma ngolâ mi tchol akulo kur apo d’a ngola, abilâ nga mi sulul kur alumba. Gol wani, Jesus mi nga burâ sena.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Efes-sâ 2:20

Agiya, a minigi wa akulo yam ad’u ged’a hi suma a sunuzina ki d’a hi suma djok vun Alonid’a. Jesus Christ tamba nahina d’a ngol la djik gong nga akulod’a.

Gat ta a hat á mbàd’id’a 31:17

Kur bur máma an hurun mba mi zal atazi ngola, an mba ni arazi woyo, an mba ni ngei tan ndei avoroziya. Andjaf suma dingâ a mba tchaziya, ndaka teteng ki hohoud’a a mba mba kaziya. A mba dala: Ni kayamba Ma didina Alo meina mi nga adigei d’uo d’a ba, ndak ndata ti mba kei ni na zu?