Isai 54:1 - Bible azumeina

¹ Ndak Jerusalem, ndak ka b’al gendreged’a bei vutid’a, ndak le furîd’a; Ndak ka vuta ti lak nga yat tu d’uo d’a, ndak er ad’uk akulo ki furîd’a, ndak tchayîd’a; kayam Ma didina nga mi dak ala: Ndak atcha d’a digik keid’a, ndak nga ki grona kal atcha d’a ndjuvut mi le kat heîd’a.

Isai 54:1 Iomraidhean Croise

Ad’u Tinda 21:6

Sara ti dala: Alona mi han vama sanda. Nge nge pî ma huma mba mi san yam zla manda.

Sawal la giled’a 113:9

Mi hatcha d’a gendreged’a azì ma kaka, mi mbud’ut atcha d’a furîd’a aduk grotna. Agi gilegi Ma didina!

Sawal la kal teglesa 8:8

B’oziyotna a dala: Ami nga ki wiyemi d’a gor ra bei kus aponid’a. Ami mba lami ni nana ki wiyemi ndata kur bur ma suma a mba djobot zlatna ge?

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 24:14

Suma ad’uzi d’a ara a nga de zlad’a ki delezi akulo, a nga er ad’uzi akulo ki furîd’a, a nga er ad’uzi akulo abo ma fladegena á he ngola mi Ma didina,

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Isai 49:13

Ndak akulod’a, ndak er ad’uk akulo ki furîd’a; ndak andagad’a, ndak le hur ma hapma; agi ahuniyôna, agi eregi ad’ugi akulo, agi ayâgiya, kayam Ma didina mi b’leng wa hur sum mama, mi wazi wa hohowozi kur ndak mazid’a mi.

Isai 49:19

Yi mak ma a b’lagam mbei ma ar hawa papana na, kandaga mak ka b’lak keid’a mba d’i kid’ak suma á kaka. Wani suma a b’lagak keina a mba wal lei dei ki sed’ek mi.

Isai 49:20

Grok suma a dap peina a mba dugud’ok ded’a humak ala: Yina kid’agamiya. Minimi yina, ami kagami kua.

Isai 62:4

A mba yak ala Ta a digit teid’a d’uo d’a, a mba yandaga maka ala Ta a arat teid’a d’uo mi, wani a mba yak ala Ta an hurun vat heîd’a, a mba yandaga maka ala Ta a teleta, kayam Ma didina tam lum djivid’a kagu, andaga maka mba d’i ve ndjufâ.

Isai 66:7

Avok bei hurut tat á vutid’a, ti vut wa! Avok bei ndak ka vuta ti lata, ti vut gor mandjufâ!

Sofoni 3:14

Ang azì ma ngol ma Siyon-na, ang le furîd’a! Agi Israel-lâ, agi eregi ad’ugi akulo ki hur ma hapma! Ang azì ma ngol ma Jerusalem-ma, ang le furîd’a kurung krovo!

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Galat-na 4:27

D’igi mbaktumba hAlonid’a ti de na ala: Ndak ka b’al gendreged’a bei vutid’a, ndak le furîd’a; ndak ka ndak ka vuta ti lak nga yat tu d’uo d’a, ndak tchayîd’a; kayam ndak atcha d’a digik keid’a, ndak nga ki grotna kal atcha d’a nga ki mandjufîd’a.

1 Samuel 2:5

Suma a hopma a nga hal sunda á fe te mazina, wani suma meid’a nga d’i tchazina va ndolozi nga ki sunda d’i, a nga tuk taziya. Atcha d’a gendreged’a nga d’i vut yat kid’iziya, wani d’a vut grona ablaud’id’a, ti ka bei vuta.