Isai 53:5 - Bible azumeina

⁵ Wani mi fe mbilâ yam tcho meid’a, a mired’emî yam tchila meid’a. Ni to d’a a tomba ba, ti mbeï ki b’leng nga halasa; ni kayam duru mamba ba, ei fei ki suta.

Isai 53:5 Iomraidhean Croise

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Wana ni mbaktumba hi Job-pa 33:24

Alona mba mi wum hohowomu, mba mi de mi malaikana ala: Ang prud’um mbeyo, aram mi nde kä kur zula d’i, kayam an fe wa vama wurak kama da’.

Sawal la giled’a 30:2

Ma didina, an nga ni suburung kayam ang prud’un ndei avun matna, ang ar nga lovota mi man suma djangûna á san ad’un ndi.

Zla d’a d’ogolâ 20:30

Tod’a kang tang mbuleina ndondota ni kuma ma yam tchod’ina, to d’a tong ba ba kal atang piprata ni hina mi.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 57:18

An we sun mazi d’a led’a da’, wani an mba ni sud’uziya, an mba ni ndjunuziya, an mba ni b’lengêzi huruzi zlapa ki suma a nga yor tazi ki sed’ezina mi.

Isai 6:7

Mi dondji avunanu, mi dan ala: Ang gola! An dongzi avunang wana, tchila manga a hlat tei da’, tcho manga a hazat tei da mi!

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Romê-na 4:25

Alona mi hum mbei á tchid’a yam tcho meid’a, wani mi tcholom akulo aduk suma matna á mbud’i suma d’ingêrâ avoromu.

1 Korente-na 15:3

An hagi ni vama kal tegles ma an vuma: Christ mi mit ni kayam tcho meid’a d’igi mbaktumba hAlonid’a ti de na;

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Gat ta a hat á mbàd’id’a 11:2

Agi wagi ini ala mi hazi nga ni mi grogi suma a wazi nga d’uo na d’i. Wani mi hazi ni mi agi suma wagi ngopa hAlo maginid’a ki ngol mamba kabom ma ad’engâ ki bigam mba nga zid’a kam akulo zid’ina.

Hebre-na 10:10

Kayam Jesus Christ mi ndak vun minda hAlonid’a, mi mbuzi tcho meid’a woi yed’et ata yima mi he tam mbei vama ngat buzuna yam tu gak didina.

Hebre-na 10:14

kayam buzu ma ngat ma tu máma mi mbut suma mi mbuzuzi woi yed’et kur tcho mazid’ina memet gak didin.

Hebre-na 5:8

Kayam mam mi Goroma pî, mi hat á ge yam kä kur ahle suma mam fe ndaka kuana.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.