Isai 52:9 - Bible azumeina

⁹ Ang yima teteng ma Jerusalem ma b’lak keina, ang er ad’ung akulo ki furîd’a, kayam Ma didina nga mi b’leng hur sum mama, nga mi wurak yam mam Israel-lâ mi.

Isai 52:9 Iomraidhean Croise

Sawal la giled’a 102:22

Ata yi máma azi mba de woi yam simiyê Ma didina avo Siyon, azi mba gilem ki sawala avo Jerusalem.

Sawal la giled’a 98:4

Agi suma yam andagad’ina pet, agi sorogi ki furîd’a á suburugi Ma didina, agi hlagi sawal la furîd’a, agi suburugizi ki sawal la giled’a mi.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 14:7

Suma yam andagad’ina ki zla tazi pet, a kak ki halasa, a nga hle sawala ki hur ma hapma.

Isai 40:1

Alo magina mi dala: Agi b’lengêgi hur sum mana! Agi b’lengêgi hur sum mana!

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Isai 44:26

An nga ni ndak vun zla d’a azungeî mana a data, an nga ni ndak vun zlad’a hi man suma an sunuzi avo’â a data, an nga ni de yam Jerusalem ala: Suma a mba kak kurud’u, an nga ni de yam azì ma nglo ma Juda-na ala: A mba hulong minim akulo, an mba ni hulong min yi mam ma b’lak keina akulo mi.

Isai 48:20

Agi buzugugi woi avo Babilon, agi ringîgi woi aduk suma Kalde-na. Agi dagi woi ki delegi akulo ki aîd’a, agi tchagi wal zla ndata woyo, agi dagizi zlat teyo, dagizi zlat tei avun dabid’a handagad’id’a, agi dagi ala: Ma didina mi wurak wa yam azungeî mam suma hi Jakob-ma.

Isai 49:13

Ndak akulod’a, ndak er ad’uk akulo ki furîd’a; ndak andagad’a, ndak le hur ma hapma; agi ahuniyôna, agi eregi ad’ugi akulo, agi ayâgiya, kayam Ma didina mi b’leng wa hur sum mama, mi wazi wa hohowozi kur ndak mazid’a mi.

Isai 51:12

Ma didina mi dala: Ni an ba ni b’lengêgi hurugiya. Angî nge ba, le mandara sama mba mi mitna d’oze sana gorom ma d’igi asuna na na ge?

Isai 51:3

Ma didina mi we hohowa Siyon, mi we hohowa yi mat ma b’lak keina, mba mi min asine ma djivi ma kalâ ata yi mat ma mi mbut d’igi fulâ na na, mba mi min asine ma d’igi Eden na na ata yi mat ma so ma gangras máma. Ni kua ba, a mba hum del la sor ra furî d’a kal lei nded’a ki sawal la giled’a ki del la hle sawala mi.

Isai 55:12

Agi mba buzugugï woi kur Babilon ki furîd’a, agi mba mbagi avo hatagi ki b’leng nga halasa, ahuniyôna ki yima ndingâ a mba er ad’uzi akulo avorogi ki furîd’a, agu ma abageina pet mba mi tum abom ki furîd’a mi.

Isai 61:4

A mba hulong min yima b’lak kei adjeuna akulo, a mba hulong tchol gongîyo suma to woi adjeu dedeina akulo, a mba min azì ma nglo ma b’lak kei kur atchogoi d’a dedeid’ina akulo mi.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Mise 4:10

Agi tchagi tata abo ndaka, agi zamagi tagi d’igi atcha d’a ti nde vutid’a na, agi buzugugi woi kur azì ma ngolâ, agi i kagagi sä abageya, agi igi gak Babilon. Ata yi máma Ma didina mba mi prud’ugi woyo, mba mi prud’ugi woi kua abo magi suma djangûna.

Galat-na 4:27

D’igi mbaktumba hAlonid’a ti de na ala: Ndak ka b’al gendreged’a bei vutid’a, ndak le furîd’a; ndak ka ndak ka vuta ti lak nga yat tu d’uo d’a, ndak tchayîd’a; kayam ndak atcha d’a digik keid’a, ndak nga ki grotna kal atcha d’a nga ki mandjufîd’a.