Isai 52:2 - Bible azumeina

² Ndak Jerusalem, ndak tchol akulo, ndak po gugum ma ata’â woyo. Ndak gor wei d’a Siyon nda avok kur magombid’a, ndak kak kä á but ziyo ma a djiniksi kele’â woyo.

Isai 52:2 Iomraidhean Croise

Isai 10:27

Kur bur máma Ma didina mba mi hlanek mazid’a woi hîhîngâgiya, mba mi hle djuk mazina kä woi kelegi mi, dju’â mba mi kus sei kelegiya.

Isai 14:25

An mba ni b’lak suma Asiri-na woi yam ambas manda, an mba ni mired’ezi kä kasen yam ahuniyô mana, an mba ni hle djuk mazina woi kel sum mana, an mba ni hlanek mazid’a kä woi yam sum mana mi.

Isai 29:4

A mba hulongông yang kä, zla mang nga ded’a mba d’i tcholï ni kä andaga. Sa mba mi humung zla mang nga ded’a tetet tuo abo gugud’upa. Deleng mba d’i ndei kä andaga d’igi sama azulâ na, ang mba kud’uzï zla mang nga ded’a ni kä aduk andaga d’a gugud’upa.

Isai 3:26

Suma avun agrek ma Siyon-na a mba zam taziya, ndak mba d’i tchi horâ; a mba hurumugu, ndak mba d’i ar kaka kä aduk andagad’a mi.

Isai 49:21

Ndak mba d’i de kuruk ala: Ni nge ba, mi vud’uk gro ndazina ge? Kayam grona a dap peyo, an ni gendreged’a, a i ki sed’en magomba, a digin ndeyo. Ni nge wuluzi ge? An arî van tu. Sum ndazina a tcholï ni lara ge?

Isai 51:14

Ar hina nde, ma nga djinda kä kur dangeinina, a mba gum akulo; mba mi mit kur gong nga nduvunda dangeina d’i, tena mba mi kid’agam mbuo mi.

Isai 51:23

An mba ni hum mbei abo suma a lak ndakina, suma a dak ala: Ndak klup huruk kä, ami tchilami kagu na. Ata yi máma ndak mbut huyogok ni d’igi andagad’a na, d’oze d’igi ir palumba na á tit kagu.

Isai 60:1

Ndak Jerusalem, ndak tchol akulo, ndak wile kayam b’o maka nga d’i nde woyo, subura hi Ma didinid’a nga d’i tchol akulo kagu, nga d’i b’o kak d’igi afat ta ti deî d’a na.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Jeremi 51:45

Agi sum mana, agi buzugugi woi kurud’u, ar nge nge pî mi sut tam mbei avok ayî man ma bibiliuna.

Jeremi 51:50

Agi suma sud’ugi woi avun ayînina, agi igiya, ar agi tchologi ka hî go d’i. Sä ata yima deina, agi djib’eregi yam Ma didina, ar humagi gagi yam Jerusalem mi.

Jeremi 51:6

Agi ringîgi woi kur Babilon, ar nge nge pî mi sut tamu, ar a tchagi woi yam tcho mata d’i, kayam ni yima sä atchugula hi Ma didinina, mba mi wuragat yam sun mata.

Ezekiyel 34:27

Agu ma abageina mba mi vud’a, andagad’a mba d’i wul ahlena mi. Fata an mba ni kuzuzi djuk ma kelezina woi ni prud’uzi woi abo suma azi nga lazi sun nda magombid’a, azi mba kak ki halasa yam andaga mazid’a, azi mba wala an ni Ma didina mi.

Zakari 2:6

Ma didina mi dala: Agi buzugugi woyo, agi buzugugi woi yam ambas sa abo ma norîd’a, kayam an ndjoyôgiya wa woi yam andagad’a abot ma fid’ina.

Zakari 2:7

Agi suma Siyon suma nga kaka Babilon-na, agi buzugugi woi sud’ugi tagiya.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Wana ni Zla d’a Djivi d’a Luc mi b’irita 4:18

Muzu’â hi Salad’ina mi nga kanu, kayam mi von mbulâ kan mi tinin iran van ná tchi wal Zla d’a Djivid’a mi suma houd’a. Mi sunun á tchi wala mi suma a yozi magombina á tchuguzi akulo, á mal ir suma duka woyo, á tchuk suma a nga lazi ndakina akulo,

Vama ndum mbeina 18:4

An hum dela ti tcholï akulo ti dala: Agi sum mana, ar agi buzugugi woi kurud’u, kayam agi lagi darigïd’a ki sed’et kur tcho mata d’i, kayam tugud’ei d’a tcho d’a nga d’i tumuta ti dogi d’i.