Isai 52:12 - Bible azumeina

¹² Agi b’ad’agi tagi á buzuka d’i, agi buzugugi woi ki ringâ d’uo mi, kayam Ma didina mi nga avorogiya, Alona hi Israel-lîna mba mi kak ndjola blogogi mi.

Isai 52:12 Iomraidhean Croise

1 Sunda Hamuleinid’a 14:15

Le ang hum asem ma tita mi tchï akulo hum agu murâ ni, ang b’at tang atogo. Ni an Alona ba, nga ni tit avorong á dur azigarâ hi Filistê-nina.

Buzuk ka Abud’a 12:11

Ata yima agi mba tuma, agi djinigi d’i’â furugiya, agi tchugugi atuguru magina asegiya, agi yogi tutuguyo magina abogiya, agi mud’ugizi atogotogo. Ni vun til ma Pa’â hi an Ma didinina.

Buzuk ka Abud’a 12:33

Ezipte-na a djib’er ala azi pet a mba bo. Kayam ndata, a tes Israel-lâ ped’et ala a buzuk kei atogo yam ambas mazid’a.

Buzuk ka Abud’a 12:39

Azi ge woî ma bei angufina kafut ta tib’ek ka azi yod’ï avo Ezipte bei faka ba ndata, kayam Ezipte-na a digizi woi natogo zak bei azi yo ahle suma tena abozi ba.

Buzuk ka Abud’a 14:8

Ma didina mi b’al hur Faron amul ma Ezipte-na kiki á dik ad’u Israel-lâ. Israel-lâ a buzu’î ad’u ad’enga hAlonid’a.

Isai 26:7

Lovota hi suma d’ingêrîd’a, ti ni d’ingêr. Angî ma d’ingêrâ, ang nga blas lovota hi suma d’ingêrîd’a kä.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Isai 45:2

An mba ni tit avorongû, an mba ni blas yima djodjohlâ kä woi avorongû, an mba ni kus vun agrek ma a lum ki kawei ma hleunina woyo, an mba ni kus vun agrek ma a lum ki kawei ma wuranina woi ndjondjom mi.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Isai 49:11

An mba ni ge lovota yam ahinad’a, suma a mba hulong tit kua mi.

Isai 51:14

Ar hina nde, ma nga djinda kä kur dangeinina, a mba gum akulo; mba mi mit kur gong nga nduvunda dangeina d’i, tena mba mi kid’agam mbuo mi.

Isai 57:18

An we sun mazi d’a led’a da’, wani an mba ni sud’uziya, an mba ni ndjunuziya, an mba ni b’lengêzi huruzi zlapa ki suma a nga yor tazi ki sed’ezina mi.

Isai 58:8

Ata yi máma b’o magid’a mba d’i b’o woi d’igi yima fod’a na, sut manid’a mba d’i deî atogo zak d’igi afata na, d’ingêr magid’a mba d’i tit avorogiya, subura hi Ma didinid’a mba d’i tit blogogi á ngomogi mi.

Mise 2:13

An ma mba ni mal lovotina mba ni tit avorogiya, agi mba malagi lovota á i avun agre’â, agi mba buzugugi woi abua. An Ma didina amul magina mba ni tit avorogiya.

Ndumba 10:25

Ades ma dur ayî ma mi tok ad’u drapod’a hi Dan-ndina, mi tchol id’a bugol kis. Ma ngol ma avok suma hi Dan-nina ni Ahiyezer Amisadai goroma.

Gat ta a hat á mbàd’id’a 16:3

Ata yima agi lagi vun tilîna, agi tagi avungô ma a lum kangufina d’i, wani agi tagi navungô ma a lum bei angufina gak burâ kid’iziya. Navungô ma djib’era, kayam agi buzugugï woi kur ambas sa Ezipte-d’a ni ki b’at tad’a. Agi mba djib’eregi yam bur ma agi buzugugï woi yam ambas sa Ezipte-d’ina burâ ki burâ ata yima agi nga ki iragi yam andagad’ina.

Gat ta a hat á mbàd’id’a 20:4

Kayam Ma didina Alo magina nga mi tit ki sed’egi á dur magi suma djangûna kagi á sud’ugiya.

Josue 4:11

Kid’a suma pet a djak aluma woi dad’a, suma ngat buzuna a kal ki zandu’â hi Ma didinina avok suma.

Josue 6:9

Suma dur ayîna a nga tit avok suma ngat buzu suma a nga bu aduveinina. Azigar suma hiuna a nga tit bugol zandu’â. Azigarâ a nga tit ni yam bud’a haduveinid’a.

Suma ka sariyad’a 4:14

Ata yi máma Debora ti de mi Barak ala: Ang tchol iya! Gola! Bur ma inina ni bur ma Ma didina mi hang Sisera abongâ; Ma didina nga mi tit avorongû! Barak mi tchuk asem kä woi yam ahina d’a Tabor-ra ki suma 10.000 blogom mi.