Isai 52:11 - Bible azumeina

¹¹ Agi igiya, agi igiya, agi buzugugi woi ata yi máma, agi dogi vama ndjendjed’a d’i, agi buzugugi woi avo Babilon! Agi suma nga zigi ahlena hi Ma didinina, agi mbud’ugi tagi woi yed’et.

Isai 52:11 Iomraidhean Croise

1 Sunda Hamuleinid’a 15:12

Mi dazi ala: Agi suma avok suma hi Levi-nina, agi ki b’oziyogina, agi mbud’ugi tagi yed’et, agi i hlagï zandu’â hi Ma didina Alona hi Israel-lîna ata yima an minimzi kama.

Buzuk ka Abud’a 30:19

kayam Aron azi ki groma a mba mbus abozi kasezi kua.

Isai 1:16

Agi mbuzugi tagi woyo, agi mbud’ugi tagi woi yed’et, agi aragi sun magi d’a asa’at ta agi lat avoronda woyo, agi aragi tcho d’a led’a woi mi.

Isai 48:20

Agi buzugugi woi avo Babilon, agi ringîgi woi aduk suma Kalde-na. Agi dagi woi ki delegi akulo ki aîd’a, agi tchagi wal zla ndata woyo, agi dagizi zlat teyo, dagizi zlat tei avun dabid’a handagad’id’a, agi dagi ala: Ma didina mi wurak wa yam azungeî mam suma hi Jakob-ma.

Isai 66:20

Ma didina mi dala: A mba mba ki b’oziyogi suma sä woi aduk sumina yam akulumeina, kur pusâ, kur pus ma a zlubum yama, yam korona, yam djambala mi. A mba mbazi yam ahina d’a a tinit irat vata avo Jerusalem d’igi Israel-lâ a nga mba ki he d’a hawa mazi d’a afuta kur dugiyo suma a tinizi irazi vazina kur gong manda na.

Jeremi 31:21

Ma didina mi dala: Ndak gor wei d’a Israel-la, ndak pe vama tak lovota, ndak pagu ma tak lovota, Ndak djib’er yam lovot maka, yam lovot ta lara d’a ndak tit kua adjeud’a. Ndak hulongîya, ndak hulongî kur azì mak ma nglona.

Jeremi 50:8

Ma didina mi dala: Agi ringîgi woi avo Babilon, agi buzugugï woi yam ambas sa Babilon-nda, agi kagagi ni d’igi mbekmberena na avok d’uwarâ.

Jeremi 51:45

Agi sum mana, agi buzugugi woi kurud’u, ar nge nge pî mi sut tam mbei avok ayî man ma bibiliuna.

Jeremi 51:6

Agi ringîgi woi kur Babilon, ar nge nge pî mi sut tamu, ar a tchagi woi yam tcho mata d’i, kayam ni yima sä atchugula hi Ma didinina, mba mi wuragat yam sun mata.

Ezekiyel 44:23

Azi mba hat sum mana a wal ir ahle suma hawana kahle suma a tinizi irazi vazina, á wal ir ahle suma ndjendjed’a kahle suma yed’etna mi.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Sunda hi suma hi Levi-nid’a 11:45

An ni Ma didin ma ni buzugugi woi kur ambas sa Ezipte-d’a á mbut Alo maginina. Agi mba kagagi ni suma yed’etna, kayam an ni Ma bei tchod’a ba na.

Sunda hi suma hi Levi-nid’a 11:47

kayam agi walagi ir ahle suma yed’etna kahle suma ndjendjed’a, azar ma ndak á mutnina kazar ma ndak á mutna d’uo na mi.

Sunda hi suma hi Levi-nid’a 21:6

Ar azi ka’î suma yed’etna yam an Alo mazina, ar azi mbud’un simiyên ndjendjed’a d’i, kayam azi nga han he d’a hawa d’a ngala; ni tena hi an Ma didina Alo mazinina. Ar azi ka’î suma yed’etna.

Zakari 2:10

Ma didina mi dala: Agi suma Siyon-na, agi eregi ad’ugi akulo lagi furîd’a, kayam an nga ni djïza á kak adigagiya.

Zakari 2:11

Kur bur máma andjaf suma ablaud’a a mba reî ki an Ma didina, a mba mbut sum mana, an mba ni kak adigagiya. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Ndumba 16:26

Mi de mablaud’a ala: Agi walagi tagi woi dei kazina hi suma tcho ndazinina, agi tinigi abogi ata va mazi d’i, tala agi bogi woi zlapa tu ki sed’ezi yam tcho mazid’a d’a d’i.

Ndumba 19:11

Ma didina mi de kua ala: Sama mi do mad’a sanina, mba mi mbut ndjendjed’a gak burâ kid’iziya.

Ndumba 19:16

Le sana mi i abagei ba, mi do sama a tchuma d’oze ma mi mit kä na d’oze asoga sana d’oze asud’a ni, mba mi kak ki ndjendjed’a gak burâ kid’iziya.

Ndumba 8:6

Ang yo suma hi Levi-na woi aduk Israel-lâ, ang tinizi irazi vaziya.

Sunda hi suma a sunuzinid’a 10:14

Wani Pierre mi dum ala: Salad’a, nga na d’i, kayam an te nga vama tchona ki vama ndjendje ma hina na yan tu d’i.

Sunda hi suma a sunuzinid’a 10:28

Mi dazi ala: Agi tagi wagiya, d’ela nga yam ma Juif-fâ á zlap kandjaf ma dingâ d’oze á kal avo hatamu. Wani Alona mi tagan ala ar an yi sana ma tchona d’oze ma ndjendjed’a d’i.

Romê-na 14:14

Kayam an nga zlapa tu ki Salad’a Jesus, an wala vama ndjendje ma yam tama nga d’i. Wani vama ndjendjed’a ir sanina, mi ni ndjendjed’a iram mam hol.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Efes-sâ 5:11

Agi lagi darigïd’a ki suma a nga le sun nda hawa yak ka kur nduvundina d’i, wani vama kalâ, agi ngobozi ni ngoba,

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

Vama ndum mbeina 18:4

An hum dela ti tcholï akulo ti dala: Agi sum mana, ar agi buzugugi woi kurud’u, kayam agi lagi darigïd’a ki sed’et kur tcho mata d’i, kayam tugud’ei d’a tcho d’a nga d’i tumuta ti dogi d’i.