Isai 51:8 - Bible azumeina

⁸ Ndjuvulâ mba mi tazi hliwizi d’igi mi te baruna na, mba mi tazi hliwizi d’igi mi te tumus tumiyôna na mi, wani d’ingêr manda mba d’i kak didin, sut manda mba d’i i avogovok kur atchogoid’a katchogoid’a.

Isai 51:8 Iomraidhean Croise

Wana ni mbaktumba hi Job-pa 13:28

Hliwin mi fod’a wa woi d’igi fotna mi fot aguna na, d’oze d’igi ma tchib’etna mi te baruna na mi.

Wana ni mbaktumba hi Job-pa 4:19

mba mi fe tchod’a ata suma a nga kaka kur azì ma andagad’ina kal luo zu? Azi ni sumala a tcholï naduk andaga d’a gugud’upa suma a nga hazlazi woi d’igi ndjuvul ma gureina na na!

Isai 14:11

Subur ta manga ti nde kä azulei zlapa ki tchina hading mangîna; yang ma burâ ni yam ndjuvulâ, ndjuvulâ mi mbut ni borogo ma zlup kangâ mi!

Isai 45:17

Wani agi Israel-lâ, ni yam Ma didina ba, agi fagi suta, ni sut ta didinda. Agi mba mbud’ugi zulona d’i, agi mba tchugugi susub’ok kuo mi gak didin.

Isai 46:13

An nga ni hud’ï d’ingêr manda, ti nga dei d’i. An nga ni le lilinga ki sut manda d’uo mi. An nga ni mba ki suta kur Siyon, an nga ni mba ki subur manda yam Israel-lâ mi.

Isai 50:9

Gola! Salad’a Ma didina mi nga djï á ndjununu. Ni nge ba, mba mi kan sariyad’a kan nge? Gola! Azi pet a mba puk kä a wak kei d’igi baru ma tumusa na, ndjuvulâ mba mi dabazi hliwizi ted’a.

Isai 51:6

Agi hlagi iragi akulo. Bugola, agi gologi iragi kä yam andagad’a. Kayam akulod’a mba d’i val lei d’igi andosâ mi val lei na, andagad’a mba d’i wak kei d’igi baru ma tumusa na, suma a nga kaka katna a mba bo woi d’igi arona mi bo woi na, wani sut manda mba d’i kak didin, d’ingêr manda mba d’i dap pei d’uo mi.

Isai 54:9

An mba ni le ki sed’e’î d’igi an le kur atchogoid’a hi Noe-d’a na. Ata yi máma an gun tan ala: Mbiyo ma mi kus kur atchogoid’a hi Noe-d’ina mba mi kus yam andagad’a d’uo d’a. An nga ni gun tan ini hina mi. An mba ni zal hurun kak kuo d’a, an dok ni ngobok kuo mi.

Isai 66:24

Ata yima suma a mba buzuk abuna, a mba we mad’a suma a kak djangûna ki sed’ena tchuka kä. Ndjuvul ma atazina nga mi bo d’i, aku mazid’a nga d’i mit tei d’uo mi, a mba mbut ni vama ndjendjed’a ir suma pet mi.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Wana ni mbaktumba hi Oze-d’a 5:12

An mba ni mbut d’igi fotna na yam suma Efraim-ma, d’igi ndjuvul ma mut sïna na yam suma Juda-na mi.

Wana ni Zla d’a Djivi d’a Luc mi b’irita 1:50

Kur atchogoi d’a lara ge pet mam mba mi we hohowa suma a nga lum mandarama.