Isai 51:6 - Bible azumeina

⁶ Agi hlagi iragi akulo. Bugola, agi gologi iragi kä yam andagad’a. Kayam akulod’a mba d’i val lei d’igi andosâ mi val lei na, andagad’a mba d’i wak kei d’igi baru ma tumusa na, suma a nga kaka katna a mba bo woi d’igi arona mi bo woi na, wani sut manda mba d’i kak didin, d’ingêr manda mba d’i dap pei d’uo mi.

Isai 51:6 Iomraidhean Croise

Sawal la giled’a 103:17

Wani od’a hi Ma didinid’a ti nga ni yam suma a nga ringîm mandarama hina gak didin; d’ingêr mamba ti nga yam grozina ki grozi ngolona,

Sawal la giled’a 111:3

Sun mamba nga d’i wile ki subura, d’ingêr mamba ti nga kaka gak didin mi.

Isai 13:13

Kayam ndata, an mba ni giget akulod’a, andagad’a ad’ut ta ged’a mba d’i giget abo ayîna hi an Ma didin ma ad’engên kal petnina, abo bur man ma ayî ma bibiliuna mi.

Isai 33:6

Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.

Isai 34:4

Ahle suma akulona pet a mba lau woyo, a mba d’ut akulod’a d’igi sana mi d’ut mbaktumba na; ahle suma kurutna pet a mba yak kei d’igi hum guguzlud’a d’oze hum tuluma mi yak keina na mi.

Isai 40:26

Agi hlagi iragi akulo, agi gologiya. Ni nge ba, mi lahle ndazina ge? Ni mam ba, mi lahle ndazina ki zla tazi wan pepet tuo zu? Mi yazi ki simiyêzi gagang, ata ad’eng mam mba ngola ki sib’ik mamba mi. Ma kid’ak siminina nga d’i.

Isai 45:17

Wani agi Israel-lâ, ni yam Ma didina ba, agi fagi suta, ni sut ta didinda. Agi mba mbud’ugi zulona d’i, agi mba tchugugi susub’ok kuo mi gak didin.

Isai 50:9

Gola! Salad’a Ma didina mi nga djï á ndjununu. Ni nge ba, mba mi kan sariyad’a kan nge? Gola! Azi pet a mba puk kä a wak kei d’igi baru ma tumusa na, ndjuvulâ mba mi dabazi hliwizi ted’a.

Isai 51:8

Ndjuvulâ mba mi tazi hliwizi d’igi mi te baruna na, mba mi tazi hliwizi d’igi mi te tumus tumiyôna na mi, wani d’ingêr manda mba d’i kak didin, sut manda mba d’i i avogovok kur atchogoid’a katchogoid’a.

Isai 54:10

Ma didin ma mi wak hohowo’â mi dala: Le ahuniyôna a djok keyo, le yima ndingâ mi giget pî, o man nda bei dabi d’a kaka mba d’i wal lei ki sed’ek ki, vun man ma djin ma yam halasina an mba ni bud’um mbei d’uo mi.

Isai 54:9

An mba ni le ki sed’e’î d’igi an le kur atchogoid’a hi Noe-d’a na. Ata yi máma an gun tan ala: Mbiyo ma mi kus kur atchogoid’a hi Noe-d’ina mba mi kus yam andagad’a d’uo d’a. An nga ni gun tan ini hina mi. An mba ni zal hurun kak kuo d’a, an dok ni ngobok kuo mi.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Gat ta a hat á mbàd’id’a 4:19

Ar agi hlagi iragi akulo hur alona á gol afata tilâ ki tchitchiud’a kahle suma akulona pet ba, a lobogi vunagi á kud’urozi á lazi sunda d’i, kayam nahle suma Ma didina Alo magina mi hazi mandjaf ma ding ma nga kaka yam andagad’a petna.

2 Tasaloni’â 2:16

Ar Saleina Jesus Christ tamba kAbui Alo ma mi le keina, mi b’lengeî huri b’leng nga didinda yam suma mamba ki tin hur ma djivina,

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

Hebre-na 9:12

Christ mi kal ata yima Alona mi tinim iram vam ma kal teglesâ, ni ki buzuwa aho’â d’oze buzuwa gro amuzleina abom mbi, wani mi kalî ki buzuwam mam tamba yam tu á wurak kei gak didin.

Hebre-na 9:15

Kayam ndata, Christ ni Ma aduk suma kAlona yam vun ma djin ma awilinina, kayam suma Alona mi yazina a fahle suma djivi suma didin suma mi hlazi vunam kazina. Azi ndak á fazi yam matna hi Christ ma wurak kazi yam tchila d’a azi tchila yam vun ma djin ma avo’îna.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.